សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ពោធិ៍សាត់ ៖ ក្នុងនាមជាស្ត្រីឧទ្យានុរក្សម្នាក់ បើទោះជាមិនមានកាយសម្បទា និងកម្លាំងខ្លាំងក្លាដូចបុរសក៏ដោយ ប៉ុន្តែដោយសារការស្រឡាញ់ និងការផ្សារភ្ជាប់បេះដូងទៅនឹងធម្មជាតិ បានជំរុញទឹកចិត្តឱ្យខិតខំជំនះរាប់ឧបសគ្គជាច្រើន ដើម្បីធ្វើយ៉ាងអាចថែរក្សាការពារធនធានធម្មជាតិ រួមទាំងបរិស្ថានឱ្យមានភាពស្រស់បំព្រង ហើយប្រែក្លាយឥរិយាបទប្រជាជននៅក្នុងតំបន់ដែលធ្លាប់ព្រឹត្តសកម្មភាពលើ្មសច្បាប់ដោយការបរបាញ់សត្វព្រៃ និងកាប់បំផ្លាញ់ព្រៃឈើ ឱ្យងាកមកស្រឡាញ់ធនធានធម្មជាតិ និងចូលរួមថែរក្សាទាំងអស់គ្នា។
ច្បាស់ណាស់ថា ការងារជាអ្នកការពារ ប្រាកដជាមិនងាយស្រួលនោះទេ ផ្ទុយទៅវិញ កិច្ចការងារនេះត្រូវប្រឈមនឹងគ្រោះថ្នាក់ ឧបសគ្គជាច្រើន ដូចជា ការជួបប្រទះបទល្មើសកាប់ឈើ បទល្មើសដាក់អន្ទាក់សត្វព្រៃ និងការរុករានដីព្រៃយកមកធ្វើជាកម្មសិទ្ធិផ្ទាល់ខ្លួនពីសំណាក់ជនខិលខូចជាដើម។ ដូច្នេះហើយ ទើបការងារនេះ មិនសូវមានស្ត្រីធ្វើនោះទេ ដោយទូទាំងប្រទេស មានឧទ្យានុរក្សជាស្ត្រីត្រឹមតែ ៤២នាក់ប៉ុណ្ណោះ ខណៈមន្ត្រីឧទ្យានុរក្សសរុបទូទាំងប្រទេសមានចំនួន ១២០០ នាក់។
ក្នុងចំណោមស្ត្រីទាំង ៤២នាក់ អ្នកស្រី ម៉ុន ភ័ស្ត វ័យ ៣៧ឆ្នាំ បានជ្រើសរើសប្រកបកិច្ចការងារនេះយ៉ាងសកម្មក្នុងការការពារធនធានធម្មជាតិក្នុងតំបន់ឧទ្យានជាតិជួរភ្នំក្រវាញកណ្ដាលឱ្យនៅគង់វង្ស។ ក្រុមល្បាតរបស់អ្នកស្រីមានសមាជិកប្រមាណ ១០នាក់ (មានអ្នកស្រីជាស្ត្រីតែម្នាក់ប៉ុណ្ណោះ) ដែលត្រូវចុះល្បាតម្ដងក្នុងចន្លោះពេលពី ២ទៅ៣ថ្ងៃ។
អ្នកស្រីបានមានប្រសាសន៍ថា៖
“ការងារនេះមានឧបសគ្គច្រើន ដូចជា ត្រូវជិះម៉ូតូផ្លូវឆ្ងាយ ហើយពិបាក ព្រោះតំបន់នេះជាតំបន់ភ្នំដែលឧស្សាហ៍មានភ្លៀងធ្លាក់ រអិល ! ម្យ៉ាងទៀត កាន់តែគ្រោះថ្នាក់ពេលដែលជួបជនល្មើសនៅក្នុងព្រៃ”
អ្នកស្រីបន្តថា អ្នកប្រព្រឹត្តិបទល្មើសទាំងនោះភាគច្រើន មិនខ្លាចញញើតចំពោះក្រុមមន្ត្រីឧទ្យានុរក្សឡើយ មានពេលខ្លះពួកគេថែមទាំងបង្កជម្លោះទៀតផង។ ប៉ុន្តែបើទោះជាការងារនេះមានឧបសគ្គយ៉ាងណាក្ដី អ្នកស្រី ម៉ុន ភ័ស្ត បានបង្ហាញពីការតាំងចិត្តយ៉ាងពិតប្រាកដ ក្នុងកិច្ចការពារ និងប្រែក្លាយឥរិយាបទប្រជាជននៅក្នុងតំបន់ដែលធ្លាប់ព្រឹត្តសកម្មភាពលើ្មសច្បាប់ដោយការបរបាញ់សត្វព្រៃ និងកាប់បំផ្លាញ់ព្រៃឈើ ឱ្យងាកមកស្រឡាញ់ធនធានធម្មជាតិ និងចូលរួមថែរក្សាទាំងអស់គ្នា។
អ្នកស្រីបានបន្តឱ្យដឹងទៀតថា ៖
“មានពេលខ្លះ មានគេធ្លាប់បានសួរខ្ញុំថា ការងារជាអ្នកការពារ ទប់ស្កាត់បទល្មើសអាចមានភាពប្រឈម ម្ដេចមិនប្ដូរអាជីព? ខ្ញុំបានឆ្លើយថា ភាពលំបាក និងឧបសគ្គពិតជាមាន ប៉ុន្តែខ្ញុំពេញចិត្តនឹងបំពេញកាព្វកិច្ចនេះណាស់ ខ្ញុំស្រឡាញធនធានធម្មជាតិដូចជាស្រឡាញ់ក្រុមគ្រួសារខ្ញុំយ៉ាដូច្នោះ ដូច្នេះ ខ្ញុំត្រូវតែជំនះបញ្ហា និងទប់ស្កាត់បទល្មើសនានាដើម្បីក្រុមគ្រួសារខ្ញុំ ហើយព្យាយាកែប្រែការគិតរបស់ប្រជាក្នុងសហគមន៍ឱ្យស្គាល់ពីគុណតម្លៃនៃធម្មជាតិ និងចូលរួមថែរក្សា ការពារដើម្បីជាប្រយោជន៍រួមទាំងនៅក្នុងមូលដ្ឋាន សហគមន៍ និងសង្គមជាតិផងដែរ”
ឧទ្យានុរក្ស គឺជាការងារមួយប្រភេទ ដែលមន្ត្រីទទួលបន្ទុកកិច្ចការងារនេះមានតួនាទីជាអ្នកថែរក្សាព្រៃឈើ សត្វព្រៃ និងថែទាំប្រព័ន្ធជីវចម្រុះនៅក្នុងព្រៃ។ ពួកគេភាគច្រើនតែងធ្វើការល្បាតនៅតាមគោលដៅព្រៃសំខាន់ៗដូចជា ព្រៃក្នុងតំបន់ឧទ្យានជាតិ ព្រៃរបស់សហគមន៍ និងតំបន់ផ្សេងៗទៀតដែលជាជម្រកសំខាន់សម្រាប់សត្វព្រៃ។ គួរបញ្ជាក់ថា មន្ត្រីឧទ្យានុរក្ស ស្ថិតក្រោមការគ្រប់គ្រងរបស់ក្រសួងបរិស្ថាន និងតំបន់ខ្លះក៏មានវត្តមានសមាសភាពតំណាងអង្គការផ្សេងៗចូលរួមចំណែកផងដែរ។ ជាក់ស្ដែង នៅតំបន់ឧទ្យានជាតិជួរភ្នំក្រវាញកណ្ដាល ដែលស្ថិតនៅក្នុងស្រុកវាលវែង ខេត្តពោធិ៍សាត់ ស្ថិតក្រោមកិច្ចសហការរវាងក្រសួងបរិស្ថាន និងអង្គការអភិរក្សអន្តរជាតិ (CI) ដើម្បីការពារ និងអភិរក្សធម្មជាតិបានយ៉ាងប្រសើរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អិលអូអិលស៊ី (ខេមបូឌា) រៀបចំយុទ្ធនាការដាំកូនឈើចំនួន ៥.៥០០ដើម នៅសហគមន៍តំបន់ការពារធម្មជាតិ ចំបក់ ខេត្តកំពង់ស្ពឺ
ព្រឹត្តិការណ៍, អាជីវកម្មថ្មី និងនវានុវត្ត
• 31/10/2026
អិលអូអិលស៊ី (ខេមបូឌា) រៀបចំយុទ្ធនាការដាំកូនឈើចំនួន ៥.៥០០ដើម នៅសហគមន៍តំបន់ការពារធម្មជាតិ ចំបក់ ខេត្តកំពង់ស្ពឺ ក្នុងគោលបំណងបង្កើនគម្របបៃតង ស្តារ និងអភិរក្ស ធនធានធម្មជាតិ ខេត្តកំពង់ស្ពឺ ៖ ក្នុងស្មារតីទទួលខុសត្រូវខ្ពស់ចំពោះសង្គម និងការអភិរក្សធនធានធម្មជាតិ នៅថ្ងៃទី៣១ ខែតុលា ឆ្នាំ២០២៦ អិលអូអិលស៊ី (ខេមបូឌា)
រុស្ស៊ី និងបេឡារុស គ្រោងសាងសង់ផ្លូវរថភ្លើងល្បឿនលឿនឆ្លងប្រទេសចម្ថាយ ៧០០គីឡូម៉ែត្រ
ព្រឹត្តិការណ៍, អាជីវកម្មថ្មី និងនវានុវត្ត
• 30/10/2026
បរទេស ៖ យោងតាមការចេញផ្សាយរបស់កាសែត Novinata នៅសប្តាហ៍នេះបានឱ្យដឹងថា ប្រទេសរុស្ស៊ី និងបេឡារុស បានប្រកាសផែនការរួមគ្នាក្នុងការសាងសង់ខ្សែផ្លូវរថភ្លើងល្បឿនលឿន មានចម្ងាយឆ្ងាយមួយដែលនឹងតភ្ជាប់រវាងរាជធានីក្រុងមូស្គូ(Moscow)និងទីក្រុងមីង(Minsk)។ ប្រទេសរុស្ស៊ី និងប្រទេសបេឡារុស បានឈានដល់កិច្ចព្រមព្រៀងជាប្រវត្តិសាស្ត្រមួយក្នុងការបង្កើតផ្លូវដឹកជញ្ជូនទំនើប ដោយបានចុះហត្ថលេខាលើអនុស្សរណៈនៃការយោគយល់គ្នា (MoU) ស្ដីពីការសាងសង់ខ្សែផ្លូវរថភ្លើងល្បឿនលឿនតភ្ជាប់រវាងរាជធានីនៃប្រទេសទាំងពីរ។ ពិធីចុះហត្ថលេខាលើឯកសារកិច្ចព្រមព្រៀងដ៏សំខាន់នេះ ត្រូវបានធ្វើឡើងដោយផ្ទាល់រវាងរដ្ឋមន្ត្រីក្រសួងដឹកជញ្ជូននៃប្រទេសទាំងពីរនាពេលថ្មីៗនេះ។ ខ្សែផ្លូវរថភ្លើងល្បឿនលឿនថ្មីនេះមានប្រវែងសរុបប្រមាណ ៧០០ គីឡូម៉ែត្រ
ឯកឧត្តម សាយ សំអាល់ ៖ លំនៅឋាន គឺជាមូលដ្ឋានគ្រឹះសម្រាប់កសាងជីវិតបុគ្គល បង្កើតវប្បធម៌គ្រួសារ និងកសាងសង្គមជាតិឱ្យរឹងមាំ
Top News, ព្រឹត្តិការណ៍, អចលនទ្រព្យ
• 30/10/2026
ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ បាន និងកំពុងផ្តោតការយកចិត្តទុកដាក់លើកិច្ចការលំនៅឋាន និងការងារសម្បទានដើម្បីសង្គម និងសេដ្ឋកិច្ច ដែលលំនៅឋាននៅទីនេះមិនគ្រាន់តែជាលំនៅឋានទេ តែជាការកសាងជីវិតនៅក្នុងផ្ទះនោះសម្រាប់ប្រជាជនគ្រប់រូប ហើយសំដៅធ្វើយ៉ាងណាឱ្យប្រជាជនមានផ្ទះរស់នៅសមរម្យ មានម្ហូបលើតុ កូនបានទៅរៀន មានការងារធ្វើ មានប្រាក់សន្សំ និងឱកាសលំហែ។ ជាក់ស្ដែង នាព្រឹកថ្ងៃទី៣០ ខែតុលា
ក្រសួងរៀបចំដែនដី បានជួបសម្រុះសម្រួលដោះស្រាយករណីវិវាទដីធ្លីចំនួន ២ ករណី ស្ថិតក្នុងភូមិសាស្ត្រខេត្តកំពត
Top News, ព្រឹត្តិការណ៍, អចលនទ្រព្យ
• 30/10/2026
កំពត ៖ ក្រោមអធិបតីភាពដ៏ខ្ពង់ខ្ពស់របស់ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ក្នុងនាមគណៈកម្មការសុរិយោដីថ្នាក់ជាតិ និងអាជ្ញាធរជាតិដោះស្រាយទំនាស់ដីធ្លី នៅថ្ងៃទី២៩ ខែតុលា ឆ្នាំ២០២៦ បានជួបប្រជុំ និងសម្រុះសម្រួលដោះស្រាយករណីវិវាទដីធ្លីចំនួន ២ ករណី ស្តិតក្នុងភូមិសាស្ត្រខេត្តកំពត ដោយក្នុងនោះធ្វើការបិទបញ្ចប់ករណីប្រជាពលរដ្ឋចំនួន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content