សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទន្ទឹមនឹងភាពងាយស្រួលដែលបច្ចេកវិទ្យាបានរួមចំណែកក្នុងការរស់នៅនាពេលបច្ចុប្បន្ន បច្ចេកវិទ្យាក៏អាចនាំឱ្យមានការខាតបង់ផងដែរប្រសិនបើអ្នកប្រើប្រាស់មិនមានការប្រុងប្រយ័ត្នឱ្យបានឌិតដល់នោះទេ។ និយាយដោយឡែកតែទៅលើបច្ចេកវិទ្យាហិរញ្ញវត្ថុ (Fintech) គឺទាមទារឱ្យអ្នកប្រើប្រាស់យល់ដឹងឱ្យបានច្រើន ដើម្បីអាចទប់ស្កាត់នូវហានិភ័យមួយចំនួនដែលអាចកើតមានឡើង។
ជាក់ស្ដែង ទាំងនេះជាចំណុចគួរប្រុងប្រយ័ត្ន ដើម្បីបញ្ចៀសនូវការខាតបង់ប្រាក់ចេញពីគណនីធនាគារចល័ត (Mobile Banking) ៖
១. ការបង្ហាញព័ត៌មានផ្ទាល់ខ្លួន ឬព័ត៌មានពីគណនីធនាគារទៅកាន់នណាម្នាក់ ឬជាសាធារណៈ ៖ អ្នកប្រើប្រាស់មួយចំនួនប្រហែលជាមិនទាន់ដឹងទេថា ជនឆបោកបច្ចេកវិទ្យាអាចប្រព្រឹត្តសកម្មភាពឆបោកបាននៅពេលដែលជននោះមានព័ត៌មានផ្ទាល់ខ្លួនរបស់អ្នក ដូចជា លេខទូរស័ព្ទ ថ្ងៃខែឆ្នាំកំណើត ទីកន្លែងកំណើត និងលេខគណនីធនាគារ។ ដូច្នេះដើម្បីចៀសវាងការខាតបង់ ប្រជាជនគួររក្សាទុកនូវព័ត៌មានផ្ទាល់ខ្លួនឱ្យបានល្អ។
២. ការបាត់កាត ATM ៖ ក្នុងករណីជ្រុះបាត់កាត់កាត ATM ធនាគារបានលើកទឹកចិត្តឱ្យអ្នកប្រើប្រាស់ធ្វើការទំនាក់ទំនងទៅកាន់ធនាគារដែលខ្លួនកំពុងប្រើប្រាស់សេវាកម្ម ដើម្បីផ្អាកដំណើរការកាតនោះ ចៀសវាងករណីដែលមានជនខិលខូចលួចយកកាតនោះទៅដកប្រាក់បាន។
៣. ការទុកទូរស័ព្ទឱ្យក្មេងលេង ៖ សម្រាប់ឱពុកម្ដាយ ឬអាណាព្យាបាលមួយចំនួននិយមទុកទូរស័ព្ទឱ្យក្មេងៗលេង ហើយនេះក៏អាចជាមូលហេតុបង្កឱ្យមានជាការខាតបង់ប្រាក់ពីគណនីធនាគារផងដែរ។ ការខាតបង់ដែលធ្លាប់កើតឡើងកន្លងមកគឺនៅពេលដែលក្មេងលេងល្បែង (Game) ក្នុងទូរស័ព្ទដៃ ដែលល្បែងនោះតម្រូវឱ្យបង់ប្រាក់។
ត្រង់ចំណុចនេះ អ្នកជំនាញបានលើកទឹកចិត្តឱ្យអាណាព្យាបាលបែងចែកគ្រឿងអេឡិចត្រូនិកដែលកូនៗប្រើប្រាស់ ដោយកុំតម្លើងកម្មវិធីធនាគារចល័ត ដើម្បីជាការបង្កាហានិភ័យបាត់បង់ប្រាក់ដោយមិនដឹងខ្លួន៕
Account
Security
Favourite Content