សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យោងតាមរបាយការណ៍ប្រចាំឆ្នាំ២០២៤ របស់ធនាគារជាតិនៃកម្ពុជា ចេញផ្សាយកាលពេលថ្មីៗនេះបានបញ្ជាក់ថា ចំនួនទ្រព្យសកម្មរបស់គ្រឹះស្ថានធនាគារ បានកើនឡើង ៨,២% ដល់ ៣៤២.៨ ទ្រីលានរៀល (៨៤,៦ ប៊ីលានដុល្លារអាមេរិក) ដោយឥណទានបានកើនឡើង ៣,៣% ដល់ ២២០,១ ទ្រីលានរៀល (៥៤,៣ ប៊ីលានដុល្លារអាមេរិក) និងមានចំនួន ២,៤ លានគណនី។
របាយករណ៍ដដែលនេះបានបង្ហាញថា ឥណទានត្រូវបានផ្តល់ទៅកាន់វិស័យសំខាន់ៗនៅក្នុងសេដ្ឋកិច្ច-សង្គម ដូចជា ការជួញដូររាយ ១៦.៩% ការទិញផ្ទះជាកម្មសិទ្ធិផ្ទាល់ខ្លួន១២.៥% ការជួញដូរអចលនទ្រព្យ ១១,៦% ការឱ្យខ្ចីជាបុគ្គល១០,១% សំណង់៩,៧% កសិកម្មរុក្ខាប្រមាញ់និងនេសាទ៨,៩% ការជួញដូរជុំ ៨,៨% កម្មន្តសាល៤,៣% សណ្ឋាគារនិងភោជនីយដ្ឋាន៤,០% និងផ្សេងៗ ១៣,២%។
ដោយឡែក អត្រាការប្រាក់បញ្ញើជារៀល និងដុល្លារអាមេរិករបស់គ្រឹះស្ថានធនាគារ ជាមធ្យមបានថយចុះមកត្រឹម ៥,៧១% និង ៥,១៨% រៀងគ្នា ទាបជាងអត្រាក្នុងឆ្នាំ២០២៣ ទាបជាងអត្រាក្នុងឆ្នាំ២០២៣ (៦,៧៤% និង ៥,៦៤% រៀងគ្នា)។ អត្រាការប្រាក់ឥណទានជារៀល និងដុល្លារអាមេរិក ជាមធ្យមកើនឡើងដល់ ១២,១១% និង១០,៣០% រៀងគ្នាធៀបនឹងឆ្នាំ២០២៣ (១២,០៥% និង៩.៩២% រៀងគ្នា)។
ចំណែកទ្រព្យសកម្មគ្រឹះស្ថានមីក្រូហិរញ្ញវត្ថុ បានថយចុះ-៣,៩% មក ២៥,៦ ទ្រីលានរៀល (៦,២ ប៊ីលាន ដុល្លារអាមេរិក) ដែលក្នុងនោះឥណទានបានកើនឡើង ១,៩% ដល់ ២១,៤ ទ្រីលានរៀល (៥,៣ប៊ីលានដុល្លារអាមេរិក) ដោយមាន១,៦ លានគណនី។ ឥណទានទាំងនេះបានផ្តល់ទៅកាន់វិស័យសំខាន់ៗក្នុងសេដ្ឋកិច្ច រួមមាន៖ អង្គភាពគ្រួសារ៣២,៨% កសិកម្ម ២០,៨% ពាណិជ្ជកម្មនិងជំនួញ២០,១% សេវាកម្ម១១,៨% សំណង់៦,៧% ដឹកជញ្ជូន ២,៧% កម្មន្តសាល២,៧% និងផ្សេងៗ២,៤%។
អត្រាការប្រាក់បញ្ញើ ក្នុងគ្រឹះស្ថានមីក្រូហិរញ្ញវត្ថុជារៀល និងដុល្លារអាមេរិកជាមធ្យមបាន ថយចុះមកត្រឹម ៦,៤៤% និង ៦,៥១% រៀងគ្នា ធៀបនឹងឆ្នាំ២០២៣ (៧,២៧% និង ៧,៦៥% រៀងគ្នា)។ ទន្ទឹមនេះអត្រាការប្រាក់ឥណទានជាមធ្យមជារៀល និងដុល្លារអាមេរិកថយមកត្រឹម ១៦,៦៤% និង ១៤,២៥% រៀងគ្នា ពី ១៦,៩១% និង ១៤,៦៩% នៅឆ្នាំ២០២៣។
គួរបញ្ជាក់ថានៅក្នុងឆ្នាំ២០២៤ គ្រឹះស្ថានភតិសន្យាហិរញ្ញវត្ថុចំនួន១ បានក្លាយទៅជាគ្រឹះស្ថានមីក្រូហិរញ្ញវត្ថុ និងគ្រឹះស្ថាន១ទៀត បានរួមបញ្ចូលគ្នាជាមួយធនាគារឯកទេស ដែលការណ៍នេះជាកត្តាចម្បង់ នាំឱ្យទ្រព្យសកម្មរបស់វិស័យនេះថយចុះ ២៥,៦% មក១,៣ ទ្រីលានរៀល (៣៥៧,៦ លានដុល្លារ អាមេរិក)។ ភតិសន្យាហិរញ្ញវត្ថុបានថយចុះ ២១,៧% មក ១,៤ ទ្រីលានរៀល (៣២០,០ លានដុល្លារ អាមេរិក) ដោយមាន ៥២.៦៣៧ គណនី និងត្រូវបានផ្តល់ទៅវិស័យផ្សេងៗរួមមាន៖ អង្គភាពគ្រួសារ៣០,៥% កសិកម្ម ២៩,៨% សេវាកម្ម ១៧,១% ដឹកជញ្ជូន៤,១% សំណង់ ៣,៨% ពាណិជ្ជកម្មនិង ជំនួញ ២.៥% និងវិស័យផ្សេងៗ ១២,៦%។ ប្រភពទុនចម្បងនៃភតិសន្យាហិរញ្ញវត្ថុបានមកពីមូលនិធិ ភាគទុនិកដែលបានថយចុះ២៣,៩% មក ៥០៤.៧ ប៊ីលានរៀល (១២៤,៦ លានដុល្លារអាមេរិក)។
ដោយឡែកនៅឆ្នាំ២០២៤ គ្រឹះស្ថានឥណទានជនបទចំនួន១១៥ បានទទួលវិញ្ញាបនបត្រពី ធនាគារជាតិនៃកម្ពុជា បាននិងកំពុងធ្វើប្រតិបត្តិការផ្តល់ឥណទានខ្នាតតូច ដល់ប្រជាជនដែលមាន ប្រាក់ចំណូលទាបនៅតាមទីប្រជុំជននិងជនបទ។ គ្រឹះស្ថានឥណទានជនបទបានផ្តល់ឥណទានសរុប ២០៥,៣ ប៊ីលានរៀល (៥០,៦ លានដុល្លារ អាមេរិក) ទៅដល់អតិថិជនចំនួន៨៤.៥២៣ គណនី ដោយបានបែងចែកទៅកាន់វិស័យចម្បងៗ រួមមាន៖ កសិកម្ម ២៨.៥%អង្គភាពគ្រួសារ ២៦,៥% ពាណិជ្ជកម្ម២១% សេវាកម្ម៨.៣% សំណង់៥.៨% ដឹកជញ្ជូន ១.២% និងផ្សេងៗ ៩%។ ឥណទានជនបទមានសារៈសំខាន់ក្នុងការរួមចំណែកលើកកម្ពស់ការប្រើប្រាស់ សេវាហិរញ្ញវត្ថុផ្លូវការដែលមានការគាំពារដោយច្បាប់ បញ្ញាបចំណេះដឹងផ្នែកហិរញ្ញវត្ថុ និងជំរុញ កំណើនសេដ្ឋកិច្ចគ្រួសារប្រកបដោយចីរភានិងបរិយាបន្ន៕ វិន ឈុនហ៊ាត
Account
Security
Favourite Content