សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
យោងតាមសេចក្តីជូនដំណឹងរបស់អគ្គនាយកដ្ឋានពន្ធដារនៅថ្ងៃទី8 ខែមិថុនា ឆ្នាំ2021 នេះ បានក្រើនរំលឹកដល់អ្នកជាប់ពន្ធលើអចលនទ្រព្យឲ្យរួសរាន់ចូលរួមបង់ពន្ធជូនអគ្គនាយកដ្ឋានពន្ធដារឲ្យបានមុនកាលកំណត់ ខណៈដែលមានម្ចាស់អចលនទ្រព្យមួយចំនួននៅមិនទាន់បានបំពេញកាតព្វកិច្ចការបង់ពន្ធលើអចលនទ្រព្យនៅឡើយ។
អគ្គនាយកដ្ឋានពន្ធដារ ដែលជាស្ថាប័នសំខាន់ក្នុងការប្រមូលចំណូលផ្ទៃក្នុងបានបញ្ជាក់ឱ្យដឹងពីការបង់ពន្ធលើអចលនទ្រព្យ និងការបង់ពន្ធលើដីធ្លីមិនបានប្រើប្រាស់សម្រាប់ឆ្នាំ2021នេះ នឹងត្រូវបិទបញ្ចប់នៅថ្ងៃទី30 ខែកញ្ញា ឆ្នាំ2021ខាងមុខនេះ។ ដូច្នេះអ្នកដែលមានចលនទ្រព្យនៅរាជធានីភ្នំពេញ និងនៅតាមបណ្ដាខេត្តមេត្តារួសរាន់ចូលប្រកាស និងបង់ពន្ធឱ្យបានទាន់ពេលវេលា ជៀសវាងទទួលរងនូវការផាកពិន័យ។
ពាក់ព័ន្ធនឹងបញ្ហាបង់ពន្ធមុនកាលកំណត់នេះ លោក សន សៀប ស្ថាបនិក និងជានាយកគ្រប់គ្រងក្រុមហ៊ុន KEY Real Estate បានប្រាប់ AMS ថា កាតព្វកិច្ចរបស់ម្ចាស់អចលនទ្រព្យគឺត្រូវតែបង់ពន្ធជូនរដ្ឋ ហើយការក្រើនរំលឹករបស់អគ្គនាយកដ្ឋានពន្ធដារដែលរំលឹកដល់អ្នកជាប់ពន្ធលើអចនទ្រព្យឱ្យរួសរាន់ចូលរួមបង់ពន្ធមុនការកំណត់ទៅកាន់អគ្គនាយកពន្ធដារនេះ ក៏មិនប៉ះពាល់អ្វីទៅលើវិស័យអចនទ្រព្យទាំងមូលនោះដែរ។
“ធម្មតាជាកាតព្វកិច្ចបង់ពន្ធគឺត្រូវតែមាន និងត្រូវតែអនុវត្ត ហើយយើងមានកាតព្វកិច្ចក្នុងការបង់ពន្ធនេះ គ្រាន់តែថាបង់មុន ឬក្រោយតែប៉ុណ្ណោះ។ ជាទស្សនៈផ្ទាល់ខ្លួនរបស់ខ្ញុំគិតថា រដ្ឋបានប្រកាសឲ្យមានការបង់ពន្ធឲ្យបានមុនពេលកំណត់ ដូច្នេះបើអ្នកមានលុយគួរទៅបង់ឲ្យបានរួចរាល់ក៏ជារឿងល្អ ប៉ុន្តែបើអ្នកខ្លះនៅត្រូវការលុយប្រើប្រាស់ ឬបង្វិលនៅក្នុងអាជីវកម្មផ្សេងក៏កុំទាន់បង់ ព្រោះវានៅសល់ពេលប្រមាណ2ខែទៀតទើបផុតកាលកំណត់។ ដូច្នេះបើអាចគួរយកទៅប្រើប្រាស់ដើម្បីទទួលបានប្រយោជន៍បន្ថែមក៏ជារឿងល្អ”
លោក សន សៀប បានមានប្រសាសន៍ថា
ពន្ធអចលនទ្រព្យគឺត្រូវធ្វើឡើងចំពោះអចលនទ្រព្យទាំងឡាយណាដែលមានតម្លៃលើសពី100លានរៀលឡើងទៅ ។ ពន្ធនេះ ជាប្រភេទពន្ធផ្ទាល់ដែលតម្រូវឱ្យអ្នកជាប់ពន្ធ ជាកម្មសិទ្ធករ ឬអ្នកកាន់កាប់ ឬអ្នកទទួលផលប្រយោជន៍ចុងក្រោយមកចុះបញ្ជីអចលនទ្រព្យ ដែលអចលនទ្រព្យមានទីតាំងស្ថិតនៅក្នុងភូមិសាស្ត្ររដ្ឋបាលរាជធានី និងខេត្តនៃព្រះរាជាណាចក្រកម្ពុជា ដោយត្រូវធ្វើការប្រកាសបង់ពន្ធយ៉ាងយឺតបំផុតត្រឹមថ្ងៃទី30 ខែកញ្ញាជារៀងរាល់ឆ្នាំ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាម៉េរិក កំណត់ពន្ធគយ ១០% លើទំនិញនាំចូលពីកម្ពុជា ប៉ុន្តែលើកលែងលើទំនិញគ្រាប់ស្វាយចន្ទី និងសម្លៀកបំពាក់
Top News, ព្រឹត្តិការណ៍, សេដ្ឋកិច្ច
• 24/07/2026
អាម៉េរិកសម្រេចកំណត់ពន្ធគយ ១០% លើទំនិញនាំចូលពីកម្ពុជាក្រោមមាត្រា៣០១ ប៉ុន្តែផ្តល់ការលើកលែងលើទំនិញគ្រាប់ស្វាយចន្ទី និងសម្លៀកបំពាក់
ឯកឧត្តម ឧបនាយករដ្ឋមន្ត្រី សាយ សំអាល់ ជំរុញឱ្យអាជ្ញាធរ និងសហគមន៍នេសាទនៅតំបន់ឆ្នេរ កែច្នៃសក្ដានុពលដែលមានស្រាប់ដើម្បីបង្កើនចំណូលគ្រួសារ
Top News, ព្រឹត្តិការណ៍, សេដ្ឋកិច្ច
• 23/07/2026
ឯកឧត្តម ឧបនាយករដ្ឋមន្ត្រី សាយ សំអាល់ ជំរុញឱ្យអាជ្ញាធរ និងសហគមន៍នេសាទនៅតំបន់ឆ្នេរ កែច្នៃសក្ដានុពលដែលមានស្រាប់ឱ្យមានលទ្ធភាព និងផលិតភាពខ្ពស់ ដើម្បីបង្កើនចំណូលគ្រួសារ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ក្រុមហ៊ុន អប្សរា មេឌា សឺវីស (AMS) និងសមាគមធនាគារនៅកម្ពុជា សហការគ្នាផលិត និងផ្សព្វផ្សាយមាតិកាលើកកម្ពស់ការយល់ដឹងអំពីការឆបោកតាមអ៊ីនធឺណិត
គណៈកម្មាធិការអភិវឌ្ឍសេដ្ឋកិច្ចក្រៅប្រព័ន្ធ និងអគ្គនាយកដ្ឋានពន្ធដារ ពិនិត្យវឌ្ឍនភាព និងពង្រឹងកិច្ចសហការក្នុងការអភិវឌ្ឍសេដ្ឋកិច្ចក្រៅប្រព័ន្ធ
Account
Security
Favourite Content