សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ យោងតាមសេចក្តីប្រកាសព័ត៌មានរបស់សហព័ន្ធស្រូវអង្ករបានឱ្យដឹងថា ក្នុងរយៈពេល៩ខែ ឆ្នាំ២០២៤ កន្លងទៅនេះ កម្ពុជាបាននាំចេញអង្ករចំនួន ៤៤៥ ៩១៣តោន ទៅកាន់ទីផ្សារអន្តរជាតិ ដោយទទួលបានទឹកប្រាក់ចំនួន ៣៣៥.៤០លានដុល្លារអាមេរិក។
យោងតាមរបាយការណ៍ដដែល អង្ករចំនួន ៤៤៥ ៩១៣តោន ត្រូវបាននាំចេញតាមរយៈក្រុមហ៊ុននាំចេញអង្ករចំនួន៥៤ ក្រុមហ៊ុន ទៅកាន់គោលដៅចំនួន ៦៥ ដែលក្នុងនោះទៅកាន់បណ្តាប្រទេសនៅក្នុងតំបន់អឺរ៉ុបចំនួន២៦ បានបរិមាណអង្ករចំនួន ២២៨ ៧៣១ តោន គិតជាទឹកប្រាក់ចំនួន១៨៦.៦៧ លានដុល្លារសហរដ្ឋអាមេរិក និងនាំទៅកាន់ប្រទេសចិន រួមទាំងហុងកុង និងម៉ាកាវ ចំនួន ៨១ ៤២៣ តោន គិតជាទឹកប្រាក់ចំនួន ៥២.៦៣ លានដុល្លារសហរដ្ឋអាមេរិក។
ជាមួយគ្នានេះ ក៏បាននាំចេញទៅកាន់ប្រទេសចំនួន៧ក្នុងអាស៊ាន រួមទាំងទីម័រខាងកើត បានបរិមាណចំនួន៨៦ ០៤៣ តោន គិតជាទឹកប្រាក់ចំនួន ៥២.២៣ លានដុល្លារសហរដ្ឋអាមេរិក និងទៅកាន់គោលដៅ ២៩ ប្រទេសផ្សេងទៀតមាន អាហ្វ្រិក មជ្ឈឹមបូព៌ា អាមេរិក កាណាដា អូស្ត្រាលី និងញូវហ្សេឡេនជាដើម បានចំនួន ៤៩ ៧១៦ តោន គិតជាទឹកប្រាក់ចំនួន ៤៣.៨៧ លានដុល្លារសហរដ្ឋអាមេរិក។
ចំពោះប្រភេទអង្ករដែលបាននាំចេញ គឺជាអង្ករក្រអូប អង្ករសគ្រាប់វែង អង្ករសម្រូប និងអង្ករសរីរាង្គ រួមមាន៖អង្ករក្រអូបចំនួន ៧២.០១% ប្រភេទអង្ករសធម្មតា ២២.៥២% អង្ករចំហ៊ុយ ៣.៣១% អង្ករសរីរាង្គចំនួន ១.៨២% និងអង្ករផ្សេងៗចំនួន ០.៣៤% ។
ក្រៅពីនោះ កម្ពុជាក៏បាននាំចេញស្រូវចំនួន ៣,៣៦៨,០១២ តោនស្រូវសើម ដែលគិតជាទឹកប្រាក់បានប៉ាន់ប្រមាណជាង ១ ០៦៦.១៤ លានដុល្លារសហរដ្ឋអាមេរិក ដែលក្នុងនោះ ៨៦.៣០ % បាននាំចេញដោយឆ្លងកាត់ការស្នើសុំការបញ្ជាក់ឯកសារនាំចេញពីអាជ្ញាធរមានសមត្ថកិច្ចផងដែរ។
ជាមួយនឹងចំនួនទិន្នន័យនៃការនាំចេញស្រូវអង្ករនេះ លោកឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជាបានថ្លែងឱ្យដឹងថា ការបង្កើនផលិតកម្ម សមត្ថភាពស្តុក និងលើកកម្ពស់ស្តង់ដារគុណភាពអង្ករ គឺជាមូលហេតុសំខាន់ៗក្នុងការលើកតម្កើងអង្កររបស់កម្ពុជានៅលើទីផ្សារអន្តរជាតិ។
ឧកញ៉ា ចាន់ សុឃាំង បានបញ្ជាក់យ៉ាងដូច្នេះថា៖
« អង្ករកម្ពុជាកំពុងរីកចម្រើននៅលើទីផ្សារអន្តរជាតិជាមួយនឹងការទទួលស្គាល់គុណភាពល្អ ដោយសារកិច្ចសហប្រតិបត្តិការជិតស្និទ្ធរវាងរដ្ឋ និងផ្នែកឯកជនក្នុងការលើកកម្ពស់អង្ករកម្ពុជា និងការបង្កើនគុណភាពអង្ករ»។
គួររំលឹកថា កាលពីពេលកន្លងទៅ សហព័ន្ធស្រូវអង្ករកម្ពុជាបានកំណត់គោលដៅប្រកបដោយមហិច្ឆតាក្នុងការនាំចេញអង្ករឱ្យបានយ៉ាងហោចណាស់មួយលានតោននៅឆ្នាំ២០២៥ ខណៈដែលបច្ចុប្បន្នកម្ពុជាមានផ្ទៃដីធ្វើស្រែសរុបចំនួន ៣,៥៤លានហិកតា និងអាចផលិតស្រូវប្រចាំឆ្នាំបាន ១២,៤៩លានតោន៕
Account
Security
Favourite Content