សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ធនាគារជាតិនៃកម្ពុជា (NBC) បានឆ្លងកាត់ដំណើរដ៏វែងឆ្ងាយ ចាប់តាំងពីការបង្កើតឡើងជាដំបូងនៅឆ្នាំ១៩៥៤ បន្ទាប់ពីទទួលបានឯករាជ្យពីប្រទេសបារាំង។ ធនាគារជាតិនៃកម្ពុជាបានចាប់ផ្តើមដោយការបោះពុម្ពរូបិយវត្ថុ ប្រាក់រៀល សម្រាប់ប្រើប្រាស់ក្នុងព្រះរាជាណាចក្រកម្ពុជា ដើម្បីធានាបានស្ថិរភាពរូបិយវត្ថុ និងបង្កើតអត្តសញ្ញាណជាតិមួយ។ មកទល់ពេលបច្ចុប្បន្ន ធនាគារជាតិនៃកម្ពុជាបានសម្រេចបង្កើតប្រព័ន្ធទូទាត់ឌីជីថល មានឈ្មោះថា បាគង ដែលដាក់ប្រទេសកម្ពុជានៅជួរមុខនៃបដិវត្តន៍ប្លុកឆេន (blockchain) នៅលើពិភពលោក។
កាលពីខែមីនា ឆ្នាំមុន ធនាគារជាតិនៃកម្ពុជាបានចេញសារាចរណែនាំស្តីពីឥណទានរៀបចំឡើងវិញក្នុងអំឡុងពេលរងផលប៉ះពាល់ពីការរីករាលដាលរបស់វីរុសកូវីដ-១៩ ដែលបានអនុញ្ញាតឱ្យគ្រឹះស្ថានធនាគារ និងគ្រឹះស្ថានមីក្រូហិរញ្ញវត្ថុ រៀបចំឥណទានឡើងវិញបានរហូតដល់៣ដង ដោយមិនប៉ះពាល់ដល់ចំណាត់ថ្នាក់ឥណទានរបស់ពួកគេឡើយ។
នៅឆមាសទី១ ឆ្នាំ២០២១ វិស័យធនាគារកម្ពុជាបានរៀបចំឥណទានឡើងវិញគិតជាទឹកប្រាក់ប្រមាណជាង ៤,២ ពាន់លានដុល្លារអាមេរិក និងបានកើនឡើងដល់ ៤,៣ ពាន់លានដុល្លារអាមេរិក នៅចុងខែកក្កដា។ ឥណទានផ្តល់ដល់អតិថិជនបានកើនឡើង ២២,៣ ភាគរយ ធៀបនឹងគ្រាដូចគ្នាឆ្នាំមុន ដល់ ៣៣,៨ ពាន់លានដុល្លារអាមេរិក។
ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា ត្រូវបានអន្តរជាតិ (ភ្នាក់ងារប្រមូលផ្តុំទិន្នន័យ និងផ្សព្វផ្សាយព័ត៌មានផ្នែកសេដ្ឋកិច្ច និងហិរញ្ញវត្ថុសកលលោក The Banker) ទទួលស្គាល់ និងបានជាប់ជាថ្នាក់ដឹកនាំធនាគារកណ្តាលឆ្នាំ២០២១ ប្រចាំតំបន់អាស៊ី-ប៉ាស៊ីហ្វិក ខណៈដែលប្រព័ន្ធទូទាត់ឌីជីថល បាគង របស់ធនាគារជាតិនៃកម្ពុជា ក៏ត្រូវបានគេកោតសរសើរផងដែរ។ នៅខែមេសា ភ្នាក់ងារប្រឹក្សាផ្នែកគ្រប់គ្រង PwC បានដាក់ចំណាត់ថ្នាក់ លេខមួយដល់ប្រព័ន្ធនេះនៅអាស៊ី និងលេខពីរនៅទូទាំងពិភពលោក នៅក្នុងសន្ទស្សន៍រូបិយប័ណ្ណឌីជីថលធនាគារកណ្តាលពិភពលោករបស់ខ្លួន។
បាគង ត្រូវបានដាក់ឱ្យដំណើរការ កាលពីខែតុលា ឆ្នាំមុន ដែលអនុញ្ញាតឱ្យអ្នកប្រើប្រាស់ទូទាត់តាមកម្មវិធីដោយ ស្កេនបាកូដ បញ្ចូលលេខទូរស័ព្ទរបស់អ្នកទទួល ឬជ្រើសរើសឈ្មោះរបស់ពួកគេពីបញ្ជីទំនាក់ទំនងក្នុងទូរស័ព្ទ។ រាល់ប្រតិបត្តិការទាំងអស់ត្រូវបានធ្វើឡើងតាមរយៈបច្ចេកវិទ្យាប្លុកឆេន (blockchain) ដើម្បីរក្សាសុវត្ថិភាពប្រតិបត្តិការ។ ធនាគារជាតិនៃកម្ពុជា កំពុងពង្រីកវិសាលភាពទូទាំងពិភពលោករបស់បាគង ដោយប្រព័ន្ធនេះក៏គ្រោងនឹងបន្ថែមប្រទេសជាច្រើនទៀត បន្ទាប់ពីមានកិច្ចព្រមព្រៀងជាមួយធនាគារមេយប៊ែងរបស់ម៉ាឡេស៊ី។
បាគងក៏បានទទួលបានការគាំទ្រយ៉ាងខ្លាំងសម្រាប់ប្រតិបត្តិការក្នុងស្រុក។ អ្នកប្រើប្រាស់បាគង បច្ចុប្បន្នមានចំនួនជាង ២០ ម៉ឺននាក់ ដែលបានធ្វើប្រតិបត្តិការជាង ១,៥ លាន គិតជាទឹកប្រាក់ប្រមាណ ៥០០លានដុល្លារអាមេរិក ដោយប្រព័ន្ធនេះត្រូវបានដាក់ឱ្យប្រើប្រាស់ក្នុងពេល ដែលមនុស្សជាច្រើនត្រូវបានបង្ខំឱ្យនៅផ្ទះ ហើយអ្នកផ្សេងទៀតមានការស្ទាក់ស្ទើរក្នុងការទូទាត់ជាសាច់ប្រាក់ បាគង ក៏បានជួយពន្លឿនដំណើរឆ្ពោះទៅរកសង្គមដែលមិនប្រើប្រាស់សាច់ប្រាក់ផងដែរ។ ការធ្វើប្រតិបត្តិការពាណិជ្ជកម្មអេឡិចត្រូនិកបានកើនឡើង ២៥០ ភាគរយនៅកម្ពុជា ចាប់តាំងពីការចាប់ផ្តើមនៃការរីករាលដាលនៃជំងឺកូវីដ-១៩ និងបានកើនឡើង ៣៥០ ភាគរយ គិតជាទឹកប្រាក់។
លោក Sunniya Durrani-Jamal នាយកធនាគារអភិវឌ្ឍន៍ អាស៊ី (ADB) ប្រចាំនៅកម្ពុជា បានមានប្រសាសន៍ថា ព្រឹត្តិការណ៍សំខាន់មួយសម្រាប់ធនាគារជាតិនៃកម្ពុជា គឺការវិនិយោគទុនរបស់ខ្លួនលើសេដ្ឋកិច្ចឌីជីថល (ស្របតាមបដិវត្តន៍ឧស្សាហកម្មទី៤ និងការអភិវឌ្ឍក្នុងតំបន់) និងបច្ចេកវិទ្យាហិរញ្ញវត្ថុ ជាពិសេស ការដាក់ឱ្យដំណើរការបាគង។
បច្ចុប្បន្ន ធនាគារជាតិនៃកម្ពុជា បានត្រួតពិនិត្យលើប្រព័ន្ធហិរញ្ញវត្ថុក្នុងស្រុក ដែលរួមមានធនាគារពាណិជ្ជចំនួន ៥៤ ធនាគារឯកទេសចំនួន ១០ ការិយាល័យតំណាងធនាគារបរទេសចំនួន ៦ គ្រឹះស្ថានមីក្រូហិរញ្ញវត្ថុចំនួន ៨៥ គ្រឹះស្ថានឥណទានជនបទចំនួន ២៤០ ក្រុមហ៊ុនភតិសន្យា ចំនួន១៧ ក្រុមហ៊ុនការិយាល័យឥណទានចំនួន ១ ក្រុមហ៊ុនដំណើរការតតិយភាគីចំនួន ៤ និងអាជីវករប្តូរប្រាក់ចំនួន ២.៤៦៦៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ធនាគារជាតិនៃកម្ពុជា ដាក់ឱ្យជម្រះបញ្ជីធនាគារ ៣ មិនបង្កផលប៉ះពាល់ធ្ងន់ធ្ងរដល់វិស័យធនាគារ
ធនាគារ ជីប ម៉ុង ធនាគារខ្មែរ ឈ្នះពានរង្វាន់ដ៏មានកិត្យានុភាពពីអន្តរជាតិធំៗចំនួន ២ សម្រាប់ឆ្នាំ២០២៦ ពីស្ថាប័ន Global Banking & Finance Review
Account
Security
Favourite Content