សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ផ្អែកតាមរបាយការណ៍ផ្លូវការពីអគ្គនាយកដ្ឋានស្ថិតិជាតិចិន NBS បានបង្ហាញថា សេដ្ឋកិច្ចចិន បានបង្ហាញសញ្ញាចុះខ្សោយកាលពីអំឡុងខែសីហាកន្លងទៅនេះ ដោយសារតែការលក់រាយក្នុងស្រុក ព្រមទាំងការវិនិយោគលើវិស័យអចលនទ្រព្យបន្តធ្លាក់ចុះខ្លាំង នេះបើយោងតាមសេចក្ដីរាយការណ៍ពី CNBC ។
កាលពីថ្ងៃអង្គារកន្លងទៅនេះ អគ្គនាយកដ្ឋានស្ថិតិជាតិចិន NBS ចេញផ្សាយទិន្នន័យថា ទិន្នផលឧស្សាហកម្មបានកើនឡើង ៥,២ ភាគរយបើធៀបនឹង ៤,៥ ភាគរយក្នុងខែកក្កដា និងលើសការរំពឹងទុករបស់សេដ្ឋវិទូ ៤,៨ ភាគរយ។ យ៉ាងណាមិញ តម្រូវការក្នុងស្រុកនៅតែបន្តមានភាពទន់ខ្សោយ ដោយការលក់រាយធ្លាក់ចុះមកត្រឹម ០,៤ ភាគរយនៅក្នុងខែសីហា បើធៀបនឹង ០,៦ ភាគរយពីខែកក្កដា និងទាបជាងការព្យាករណ៍របស់ក្រុមសេដ្ឋវិទូ ០,៨ ភាគរយ។ ដោយឡែក សម្រាប់រយៈពេល ៨ ខែដំបូងនៃឆ្នាំនេះ ការវិនិយោគលើទ្រព្យសកម្មថេររាប់បញ្ចូលទាំងអចលនទ្រព្យ និងហេដ្ឋារចនាសម្ព័ន្ធ បានថយចុះ ៧,២ ភាគរយ ។ លើសពីនេះ អត្រាអ្នកគ្មានការងារធ្វើនៅតាមទីក្រុងបានកើនឡើងពី ៥,៣ ភាគរយ ខណៈដែលកាលពីខែកក្កដា មានត្រឹម ៥,២ ភាគរយប៉ុណ្ណោះ។
នាយកដ្ឋាន NBS បានបញ្ជាក់ថា ផលប៉ះពាល់អវិជ្ជមានពីបរិយាកាសខាងក្រៅ កំពុងកើនឡើងកាន់តែខ្លាំង ធ្វើឱ្យអាជីវកម្មមួយចំនួនប្រឈមនឹងភាពលំបាក ដោយសារការផ្គត់ផ្គង់ខ្លើសពីពីតម្រូវការជាក់ស្ដែង។ ជាមួយគ្នានេះ NBS ក៏បានអំពាវនាវឱ្យមានការកែសម្រួលគោលនយោបាយម៉ាក្រូសេដ្ឋកិច្ច និងជំរុញតម្រូវការក្នុងស្រុក ព្រមទាំងជំរុញការលើកកម្ពស់វិស័យឧស្សាហកម្មសម្រាប់កិច្ចអភិវឌ្ឍដែលដឹកនាំដោយបច្ចេកវិទ្យាច្នៃប្រឌិត។
សូមជម្រាបថា នៅក្នុងត្រីមាសទី២ សេដ្ឋកិច្ចរបស់ចិនមានកំណើនត្រឹម ៤,៣ ភាគរយប៉ុណ្ណោះ ដែលជាការកើនឡើងក្នុងល្បឿនយឺតបំផុតក្នុងរយៈពេលជាង៣ឆ្នាំចុងក្រោយ និងឆ្ងាយពីគោលដៅប្រចាំឆ្នាំរបស់ទីក្រុងប៉េកាំងពី ៤,៥ ភាគរយទៅ ៥ ភាគរយ ហើយរហូតមកដល់ពេលនេះ អ្នករៀបចំគោលនយោបាយមិនទាន់ប្រើប្រាស់វិធានការជំរុញសេដ្ឋកិច្ចខ្នាតធំនៅឡើយទេ ដោយជំនួសមកវិញនូវវិធានការបន្ថែមបន្តិចម្តងៗ ដើម្បីទប់ទល់នឹងផលអវិជ្ជមាន។ ទោះជាយ៉ាងណាក្តី ភាពរឹងមាំនៃការនាំចេញ បានបន្តជួយទ្រទ្រង់សេដ្ឋកិច្ចចិន ខណៈដែលការកើនឡើងនៃការវិនិយោគជាសកលលើបច្ចេកវិទ្យាបញ្ញាសិប្បនិម្មិត AI បានបង្កើនតម្រូវការបន្ទះឈីប និងឧបករណ៍បច្ចេកវិទ្យារបស់ចិន។ មិនត្រឹមតែប៉ុណ្ណោះ ស្តុកប្រេងដ៏ច្រើនសន្ធឹកសន្ធាប់របស់ចិនអាចជួយការពារបន្ថែមប្រឆាំងនឹងការឡើងថ្លៃនៃតម្លៃថាមពល ដែលអនុញ្ញាតឱ្យប្រទេសនេះអាចកាត់បន្ថយការនាំចូលបានមួយចំណែកធំ៕
Account
Security
Favourite Content