ក្នុង​ខែដំបូងឆ្នាំ២០២៤ កម្ពុជា​ទទួលបានទុនវិនិយោគ​ពីប្រទេស​ចិន​ចំនួន ១៤៧​លានដុល្លារ​អាមេរិក

ភ្នំពេញ ៖ វិនិយោគិន​ចិន​នៅតែបន្តឈានមុខគេក្នុងការបណ្ដាក់ទុនវិនិយោគ​ច្រើន​ជាង​គេ​នៅកម្ពុជាក្នុង​ចំណោម​បណ្ដាវិនិយោគិន​បរទេស ជាក់ស្ដែង​ក្នុង​ខែដំបូងនៃ​ឆ្នាំ២០២៤​កន្លងទៅនេះ វិនិយោគិន​ចិន​បានបណ្ដាក់ទុន​វិនិយោគនៅ​ប្រទេស​កម្ពុជា​ក្នុង​ទំហំទឹកប្រាក់​រហូតដល់​១៤៧​លានដុល្លា​រអាមេរិក​។ នេះ​បើតាម​របាយការណ៍​របស់​ក្រុម​ប្រឹក្សា​អភិវឌ្ឍន៍កម្ពុជា​ចេញផ្សាយនៅថ្ងៃទី​០១ ខែ​កុម្ភៈ ឆ្នាំ២០២៤​ ។

យោងតាម​របាយការណ៍​របស់​ក្រុម​ប្រឹក្សាអភិវឌ្ឍន៍​កម្ពុជា​បានបង្ហាញថា​ ក្នុង​ខែមករា ឆ្នាំ ២០២៤​ក្រុម​ប្រឹក្សា​អភិវឌ្ឍន៍​កម្ពុជា​បានអនុម័ត​គម្រោ​ងវិនិយោគថ្មី និង​គម្រោងពង្រីក​វិនិយោគចំនួន​៣១​គម្រោង​​ ដែលមានទុន​វិនិយោគ​សរុ​បប្រមាណ​១៨៧​លានដុល្លា​រអាមេរិក​ ។​ ក្នុងចំណោម​ទុនវិនិយោគ​ទាំង​១៨៧​លានដុល្លា​រអាមេរិកនោះ ប្រភពទុន​ដែលមកពីប្រទេស​ចិន​មានចំណែក​រហូតដល់​ ៧៨,៧៣ភាគរយ​ទៅហើយ ឬស្មើនឹង​ប្រមាណ១៤៧​លានដុល្លា​រអាមេរិក ធ្វើឱ្យ​ចិន​ឈរ​នៅលំដាប់ទី​១​​ជាប្រទេស​ដែលមានវិនិយោគិន​ដាក់ទុន​វិនិយោគ​នៅកម្ពុជា​ច្រើនជាង​គេ ។

របាយការណ៍បង្ហាញថា ក្រៅពីវិនិយោគិន​ចិន​ក៏មាន​វិនិយោគិនមកពីប្រទេស​ផ្សេងទៀតដែលបានដាក់ទុន​វិនិយោគ​នៅកម្ពុជា​ក្នុង​ខែមករា ឆ្នាំ២០២៤​ ដូចជា​វិនិយោគិន​សិង្ហបុរី​ដាក់ទុនវិនិយោគ​ប្រមាណ ​១៨​លានដុល្លារ​អាមេរិក​ វិនិយោគិនមកពី​​សហរដ្ឋ​អាមេរិកមានទុន​ប្រមាណជិត​១០លានដុល្លារ​អាមេរិក​ វិនិយោគិន​មកពី​ប្រទេស​កូរ៉េ​ខាង​ត្បូង​បានដាក់ទុនវិនិយោគ​ប្រមាណ ៦,៦៣លានដុល្លារ​អាមេរិក និ​ងវិនិយោគិនកម្ពុជា​​ក៏បា​ន​ដាក់ទុនវិនិយោគ​ប្រមាណ៥,១លាន​ដុល្លា​រអាមេរិក​ផងដែរ  ។​

គម្រោង​វិនិយោគ​ទាំង​គម្រោង​ថ្មី និងគម្រោងពង្រីកការ​វិនិយោគ​ទាំង​៣២​គម្រោង​គឺជា​គម្រោង​វិនិយោគ​លើ​វិស័យ​ឧស្សាហកម្ម ក្នុងនោះមាន  គម្រោង​បង្កើតរោងចក្រ​ផលិត​គ្រឿង​អេឡិត្រូនិក​ គម្រោង​រោងចក្រ​ផ្គុំ​ដំឡើង​ម៉ូតូ​ កង់ រ៉ឺម៉ក អគ្គិសនី  គម្រោង​បង្កើ​តរោងចក្រ​កែច្នៃអាលុយមីញ៉ូម ដែក ទង់​ដែង ​និងគម្រោង​វិនិ​យោ​គ​បង្កើត​រោងចកក្រ​តម្បាញ​ក្រណាត់  និងកាត់ដេរ​សម្លៀក​បំពាក់​ ក៏ដូចជា​គម្រោង​បង្កើ​តរោងចក្រ​ផ្សេង​ៗ​ទៀត ។

តាមរយៈ​គម្រោង​វិនិយោគ​ទាំងនេះ បានផ្ដល់​ឱកាស​ការងារ​ដល់​ប្រជាពលរដ្ឋកម្ពុជា​ប្រមាណជិត​៣ម៉ឺន​នាក់​ ជាពិសេស​ធ្វើឱ្យតម្រូវការ​ដីធ្លី សម្រាប់សង់រោងចក្រ​ឃ្លាំងស្តុកទំនិញនៅតាមតំបន់ដែលមានសក្ដានុពល​មានកំណើនឡើង​និងធ្វើឱ្យសកម្មភាពទិញលក់ និងជួលអចលនទ្រព្យនៅមានសកម្មភាព​បន្ត​ ។​

លោក​ ប៉ូ អ៊ាវគង់ អគ្គនាយក​ក្រុមហ៊ុន​អចលនទ្រព្យ​ Advance បានមានប្រសាសន៍ថា តាមរយៈសកម្មភាព​វិនិយោគ​លើ​ឧស្សាហកម្ម​រោងចក្រ​ទាំង​នេះ បានជំរុញឱ្យ​មានការ​ប្រើប្រាស់ដីធ្លីនៅតំបន់​ជាយ​រាជ​ធានី​ភ្នំ​ពេញ​​ស​​ម្រាប់​សង់​រោងចក្រ និងសង់ឃ្លាំងស្តុកទំនិញ​មានការ​ដោះដូរ​និងមានតម្រូវការ ។​

លោកបន្តថា​ តំបន់ដែលមានតម្រូវការ​និងសក្ដានុពល​ការអភិវឌ្ឍ​ឧស្សាហកម្ម​ប្រភេទនេះ ត្រូ​វបានមើ​ល​ឃើ​ញថា​​នៅ​​​តំបន់​ប៉ែក​ខាងលិច​រាជធានីភ្នំពេញ ដូចជា​តាមបណ្ដោយផ្លូវជាតិលេ​ខ៣ និងលេខ​៥​ ​ពីព្រោះទី​តាំ​ង​នោះ ​ងាយស្រួល​ក្នុងការ​ដឹកទំនិញ​ចេញទៅ​កំពង់ផែ និងដឹកពីកំពង់ផែ​ចូលឃ្លាំង​រោងចក្រ​ដើម្បី​ផលិត​ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

រដ្ឋាភិបាល និងស្ថាប័នហិរញ្ញវត្ថុ សហការបង្កើនអាទិភាពហិរញ្ញប្បទានសម្រាប់វិស័យទឹកស្អាត

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

វេទិកាទឹកស្អាតត្រូវផ្តោតលើការពង្រឹង​កិច្ច​សហការរវាងរដ្ឋ វិស័យឯកជននិងស្ថាប័នហិរញ្ញវត្ថuលើកកម្ពស់​លទ្ធភាព​ទទួលសេវា​ទឹក​ស្អាតទូទាំង​ប្រទេស​

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

វិស័យមីក្រូហិរញ្ញវត្ថុបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច

ព្រឹត្តិការណ៍, ហិរញ្ញវត្ថុ

• 25/07/2024

វិស័យមីក្រូហិរញ្ញវត្ថុនៅតែបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ

រាជរដ្ឋាភិបាល​អាណត្តិថ្មី បាន​ដាក់​ចេញវិធានការជា​បន្តបន្ទាប់​ ​ដើម្បីជំរុញ​ការស្ដារ​វិស័យ​សំណង់ ​និងអចលនទ្រព្យ​

ព្រឹត្តិការណ៍, អចលនទ្រព្យ

• 25/07/2024

រដ្ឋាភបិាលបាល​បានដាក់ចេញនូវ​វិធានការ​ជា​បន្តបន្ទាប់ដើម្បីជំរុញវិស័យ​អចលនទ្រព្យ ​និងសំណង់ឱ្យ​ងើ​បឡើងវិញតាំងពីអាណត្តិ​ចាស់​ដល់អាណត្តិ​ថ្មី

F-16ថ្មីចំនួន២គ្រឿងនៃកញ្ចប់ចំណាយជិត២ពាន់លានដុល្លារ ចុះចតដល់ទឹកដីស្លូវ៉ាលើកដំបូងក្រោយរង់ចាំជាង២ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ