សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី CNN បានរាយការណ៍ថា រុស្ស៊ីកំពុងត្រៀមខ្លួនបន្តការផ្គត់ផ្គង់ហ្គាសទៅកាន់អឺរ៉ុបឡើងវិញតាមរយៈបំពង់បង្ហូរឧស្ម័ន Yamal-Europe ដែលកាលពីមុនត្រូវបានបញ្ឈប់ដោយសារហេតុផលនយោបាយ។
លោកឩបនាយករដ្ឋមន្រ្តីរុស្ស៊ី Alexander Novak បាននិយាយថា ៖ ទីផ្សារអ៊ឺរ៉ុបនៅតែពាក់ព័ន្ធជាមួយនឹងរុស្ស៊ី ដោយសារការខ្វះខាតហ្គាសនៅតែបន្ត ហើយរុស្ស៊ីមានឱកាសទាំងអស់ដើម្បីបន្តបើកប្រតិបត្តិការផ្គត់ផ្គង់ឡើងវិញ តាមបំពង់បង្ហូរប្រេង Yamal-Europe ដែលត្រូវបានបញ្ឈប់សម្រាប់ហេតុផលនយោបាយ។
លោក Novak បានបន្ថែមទៀតថា៖
“យើងអាចនិយាយដោយទំនុកចិត្តថា តម្រូវការសម្រាប់ហ្គាសរបស់យើងនៅតែមាន។ ដូច្នេះហើយ យើងក៏បន្តចាត់ទុកអឺរ៉ុបជាទីផ្សារដ៏មានសក្តានុពលសម្រាប់ការលក់ផលិតផលរបស់យើងទៅកាន់ពួកគេ”
សូមរំលឹកថា រុស្ស៊ីមានជម្លោះថាមពលជាមួយអឺរ៉ុបចាប់តាំងពីខែកុម្ភៈមកម្ល៉េះ ហើយកាលពីខែធ្នូកន្លងទៅនេះ ការផ្គត់ផ្គង់ឧស្ម័នហ្គាសទៅខាងអាឡឺម៉ង់ និងប៉ូឡូញក៏ត្រូវបានផ្អាកជាបណ្ដោះអាសន្នផងដែរ ដែលធ្វើឱ្យមានកង្វះខាតធ្លាក់ចុះដល់សូន្យ។
គួរឲ្យបញ្ជាក់ផងដែរថា កាលពីខែឧសភាកន្លងទៅនេះ អ៊ុយក្រែនបានកាត់ផ្តាច់លំហូរហ្គាសធម្មជាតិឆ្លងកាត់ទឹកដីរបស់ខ្លួនចូលទៅក្នុងទ្វីបអឺរ៉ុប ដោយសារមកពីការំខានរបស់កងទ័ពរុស្ស៊ី។ ក្រុមហ៊ុន Gazprom បានបញ្ឈប់ការផ្គត់ផ្គង់តាមបំពង់ Yamal-Europe ដែលរត់ឆ្លងកាត់ប្រទេសប៉ូឡូញ និងបញ្ឈប់ការបញ្ជូនហ្គាសទៅកាន់អ្នកចែកចាយនៅប្រទេសអាល្លឺម៉ង់។ ក្រុមហ៊ុន Gazprom ត្រូវបានបង្ខំឱ្យផ្អាកការផ្គត់ផ្គង់ ដោយសារការដាក់ទណ្ឌកម្មលើក្រុមហ៊ុនធំរបស់ខ្លួន EuRoPol GAZ ៕
Account
Security
Favourite Content