វិស័យបច្ចេកវិទ្យារងផលប៉ះពាល់ខ្លាំងប្រៀបធៀបដើមឆ្នាំ និងចុងឆ្នាំ

បរទេស ៖ យោងទៅតាមប្រភពព័ត៌មានពីបរទេសមួយបានរាយការណ៍ថា ការធ្លាក់ចុះនៃសេដ្ឋកិច្ចនៅក្នុងឆ្នាំ២០២២ នេះបានជះឥទ្ធិពលអាក្រក់ដល់វិស័យបច្ចេកវិទ្យា ដែលត្រូវបានរងផលប៉ះពាល់យ៉ាងខ្លាំងពីកំណើនអតិផរណា និងកត្តាមួយចំនួនដែលធ្វើឱ្យខាតបង់ប្រាក់ចំណូលពួកគេរាប់ពាន់លានដុល្លារ។

ក្នុងអំឡុងពេលការរាតត្បាតកូវីដ-១៩ ក្រុមហ៊ុនបច្ចេកវិទ្យាជាច្រើនបានជ្រើសរើសបុគ្គលិកបន្ថែមទៀតបន្ទាប់ពីមើលឃើញការកើនឡើងនៃប្រាក់ចំណូល និងតម្រូវការអតិថិជន ប៉ុន្តែនៅពេលដែលសេដ្ឋកិច្ចធ្លាក់ចុះ ក្រុមហ៊ុនជាច្រើនប្រឈមនឹងបញ្ហាចំនួនបុគ្គលិកច្រើនពេក។ ជាក់ស្ដែង ក្នុងប៉ុន្មានខែថ្មីៗនេះ ក្រុមហ៊ុនបច្ចេកវិទ្យាធំៗ Meta Microsoft Amazon Snapchat និង Twitter បានប្រកាសពីការកាត់បន្ថយកម្លាំងការងារ និងបុគ្គលិករាប់ម៉ឺននាក់។

ក្រុមហ៊ុន Meta ពឹងផ្អែកខ្លាំងលើប្រាក់ចំណូលពីការផ្សាយពាណិជ្ជកម្ម​ ប៉ុន្តែប្រាក់ចំណូលធ្លាក់ចុះនៅត្រីមាសជាប់ៗគ្នាក្នុងឆ្នាំនេះ ខណៈដែលក្រុមហ៊ុនដូចជា Amazon Nintendo និង Microsoft បានខាតបង់ប្រាក់ចំណេញនៅក្នុងត្រីមាសមួយចំនួនក្នុងឆ្នាំនេះផងដែរ។ ក្រុមហ៊ុន Nintendo បាននិយាយថា ការលក់ Switch ត្រូវបានរងផលប៉ះពាល់ដោយសារបញ្ហាផលិតកម្មខ្វះខាតបន្ទះឈីប ជាបញ្ហាដែលបានប៉ះពាល់ដល់ Sony និង PlayStation 5 ផងដែរ។

កាលពីខែតុលាកន្លងទៅនេះ Meta បានកាត់បន្ថយការងារចំនួន ១១ ០០០ ឬ ស្មើរនឹង ១៣ ភាគរយនៃកម្លាំងពលកម្មទូទាំងពិភពលោកជាសរុបរបស់ក្រុមហ៊ុននេះ។ Twitter បានកាត់បន្ថយការងារជាង ៣ ៧០០ ការងារ និងខាតបង់ច្រើនជាង ៤ លានដុល្លារក្នុងមួយថ្ងៃ។ Amazon បានកាត់បន្ថយបុគ្គលិកជិត ១ ម៉ឺននាក់ និងបានខាតបង់ច្រើនជាង ៥ ពាន់លានដុល្លារ។

ការធ្លាក់ចុះនៃសេដ្ឋកិច្ចនេះបានកើតឡើងចំពេលដែលមានបញ្ហាដូចជា ឧស្សាហកម្មមានប្រកួតប្រជែង បញ្ហាខ្សែសង្វាក់ផ្គត់ផ្គង់ និងការខ្វះខាតបន្ទះឈីបដែលបណ្តាលមកពីការរឹតបន្តឹងកូវីដ-១៩ នៅក្នុងមជ្ឈមណ្ឌលផលិតកម្មដូចជាចិនជាដើម។ ស្របពេលនេះដែរ រដ្ឋាភិបាលប្រធានាធិបតីសហរដ្ឋអាមេរិក លោក ​Joe Biden គ្រោងនឹងដាក់ក្រុមហ៊ុនផលិតបន្ទះឈីបចិន Yangtze Memory Technologies (YMTC) និងក្រុមហ៊ុនចិនចំនួន ៣៥ ផ្សេងទៀតទៅក្នុងបញ្ជីខ្មៅពាណិជ្ជកម្ម ដើម្បីរារាំងពួកគេពីការទិញគ្រឿងបន្លាស់មួយចំនួនពីអាមេរិក។ ក្រុមហ៊ុនបច្ចេកវិទ្យាបន្ទះឈីបអង់គ្លេស Arm Ltd ដែលជាកម្មសិទ្ធិរបស់ SoftBank (9984.T) បានបញ្ជាក់ថាសហរដ្ឋអាមេរិក និងចក្រភពអង់គ្លេសនឹងមិនព្រមអនុម័តលើអាជ្ញាប័ណ្ណនាំចេញគ្រឿងបរិក្ខាបច្ចេកវិទ្យាទៅកាន់ប្រទេសចិននោះទេ។ ក្រុមហ៊ុន Foxconn ដែលជាអ្នកផ្គត់ផ្គង់ក្រុមហ៊ុន Apple បានខាតបង់ប្រាក់ចំណូល ២៩ ភាគរយ ឬ ៧,៤ ពាន់លានដុល្លារ។ កាលពីខែតុលាកន្លងទៅនេះ Foxconn បានបិទរោងចក្រដ៏ធំរបស់ខ្លួននៅទីក្រុង Zhengzhou ហើយកម្មករចំនួនប្រហែល ២០០​​​ ០០០ នាក់នោះ ក៏ត្រូវបានជួបប្រទះនូវបញ្ហា្ផផ្សេងៗដូចជា ការបិទរោងចក្រ ការបិទតំបន់ មិនមានប្រាក់ឈ្នួល និង បញ្ហានៃលក្ខខណ្ឌរស់ ហើយបង្កទៅជាភាពមិនសប្បាយចិត្ត ដែលនាំឱ្យមានការផ្ទុះជម្លោះហិង្សារវាងក្រុមកម្មករ និង ក្រុមហ៊ុន។ បញ្ហាទាំងនេះរួមជាមួយនឹងភាពមិនប្រាកដប្រជានៃសេដ្ឋកិច្ចពិភពលោក ការឡើងថ្លៃតម្លៃរស់នៅ និង វិបត្តិហិរញ្ញវត្ថុ បានធ្វើឲ្យក្រុមហ៊ុនបច្ចេកវិទ្យាជាច្រើនជួបការលំបាកក្នុងការរក្សាអាជីវកម្មរបស់ពួកគេឱ្យមានស្ថិរភាព ពីព្រោះខាងផ្នែកផ្សាយពាណិជ្ជកម្មក៏បានបន្ថយការចំណាយផងដែរ។ អ្នកវិភាគកំពុងទស្សន៍ទាយពីភាពមិនប្រាកដប្រជានៃសេដ្ឋកិច្ច ហើយការខ្វះខាតបន្ទះឈីបនឹងបន្តរហូតដល់ឆ្នាំ ២០២៣ ដែលមានន័យថា វិស័យបច្ចេកវិទ្យានៅតែអាចជួបបញ្ហាជាច្រើននៅថ្ងៃខាងមុខ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

កំពង់ស្ពឺ ​និងស្វាយរៀង ​ជា​ខេត្ត​ទទួល​បានគម្រោង​វិនិយោគ​ច្រើនជាង​គេ​ក្នុង​រយៈ​ពេល៦ខែ​ដើមឆ្នាំ

ព្រឹត្តិការណ៍, អចលនទ្រព្យ

• 17/07/2024

គិតត្រឹម​ឆមាសទី១​ឆ្នាំ ២០២៤ ខេត្ត​កំពង់ស្ពឺ និងស្វាយរៀង​ជា​ខេត្ត​ដែលទទួលបានគម្រោ​ងវិនិយោគ​ច្រើនជាង​គេក្នុង​ចំណោម​បណ្ដាខេត្ត​នានា​

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

ស្មៅដំរី ជាដំណាំសម្រាប់ជាចំណីសត្វ ងាយស្រួលដាំ និងបានផលច្រើនដែលកសិករគួរសាកល្បង

ជំនួញ, ព្រឹត្តិការណ៍

• 17/07/2024

ស្មៅដំរី ជាប្រភេទដំណាំចំណីសត្វមួយដែលមានផ្ទុកសារធាតុចិញ្ចឹមខ្ពស់ ងាយស្រួលដាំ និងអាចជួយបំប៉នដល់ការលូតលាស់របស់សត្វបានល្អ

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

មូលនិធិអភិវឌ្ឍន៍ជំនាញ បានបណ្តុះបណ្តាលធនធានមនុស្សជាង១ម៉ឺន៤ពាន់នាក់ នៅឆមាសទី១ឆ្នាំ២០២៤

ព្រឹត្តិការណ៍, អាជីវកម្មថ្មី និងនវានុវត្ត

• 17/07/2024

មូលនិធិអភិវឌ្ឍន៍ជំនាញ (SDF) បានបណ្តុះបណ្តាលធនធានមនុស្សជាង ១ម៉ឺន ៤ពាន់នាក់ នៅក្នុងឆមាសទី១ នៃឆ្នាំ២០២៤ ដែលស្ម;នឹង ៥៦ ភាគរយនៃផែនការមេ