សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទី២ក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់ និងរយៈពេលយូរ ដោយសារតែទីផ្សារថាមពល និងភាពតានតឹងផ្នែកភូមិសាស្ត្រនយោបាយនៅតែជាក្តីបារម្ភចម្បង នេះបើយោងតាមសេចក្ដីរាយការណ៍ពី DW ។
ក្នុងកិច្ចប្រជុំប្រចាំឆ្នាំនៅទីក្រុងប៊ែរឡាំង កាលពីថ្ងៃព្រហស្បតិ៍កន្លងទៅនេះ ធនាគារកណ្តាលអឺរ៉ុបបានសម្រេចដំឡើងអត្រាការប្រាក់ ២,៥ ភាគរយ។ នេះគឺជាការដំឡើងលើកទី២ ក្នុងឆ្នាំនេះពីអត្រា ២,២៥ ភាគរយ ដើម្បីទប់ទល់នឹងការឡើងថ្លៃទំនិញដែលជំរុញដោយការកើនឡើងតម្លៃថាមពលកាន់តែខ្ពស់។ ការឡើងថ្លៃនៃតម្លៃប្រេងឆៅ និងឧស្ម័នធម្មជាតិ បានជំរុញឱ្យអតិផរណានៅក្នុងតំបន់ចាយលុយអឺរ៉ូដែលមាន ២១ ប្រទេស កើនឡើងលើសពីកម្រិត ៣ ភាគរយ ខ្ពស់ជាងគោលដៅរបស់ធនាគារ ២ ភាគរយ។
សេចក្តីថ្លែងការណ៍របស់ធនាគារកណ្តាលអឺរ៉ុបបានបញ្ជាក់ថា ទស្សនវិស័យសម្រាប់សេដ្ឋកិច្ចនៅតែមានភាពមិនប្រាកដប្រជាខ្លាំង ដោយសារហានិភ័យនៃការកើនឡើងអតិផរណា និងការធ្លាក់ចុះកំណើនសេដ្ឋកិច្ច។ ទន្ទឹមនឹងនេះ ធនាគារកណ្តាលបានព្យាករណ៍ថា កំណើនសេដ្ឋកិច្ចអាចកើនបន្តិចបន្តួចប៉ុណ្ណោះក្នុងកម្រិត ០,៩ ភាគរយឆ្នាំនេះ ខណៈអតិផរណានឹងមានជាមធ្យម ៣,០ ភាគរយនៅឆ្នាំ២០២៦ និង ២,៥ ភាគរយនៅឆ្នាំ២០២៧។ ជាមួយគ្នានេះដែរ ស្របពេលដែលគ្មានដំណោះស្រាយច្បាស់លាស់ចំពោះជម្លោះរវាងអាម៉េរិក អ៊ីស្រាអែល និងអ៊ីរ៉ង់ តម្លៃថាមពលនៅតែបន្តឡើងថ្លៃ ដែលជាសញ្ញាបញ្ជាក់ពីអតិផរណាដ៏រ៉ាំរ៉ៃ។ បន្ថែមពីលើនេះ កម្រិតស្តុកឧស្ម័នទាបជាងកម្រិតធម្មតាជាប្រវត្តិសាស្រ្ត បានក្លាយក្ដីព្រួយបារម្ភខ្លាំងបំផុតដោយសារជិតឈានចូលដល់រដូវរងា។
សូមជម្រាបថា ការដំឡើងអត្រាការប្រាក់សាឡើងវិញលើកទី២នេះ មានន័យថា ពលរដ្ឋនៅក្នុងបណ្តាប្រទេសចាយលុយអឺរ៉ូនឹងត្រូវប្រឈមមុខចំណាយខ្ពស់លើប្រាក់កម្ចីទិញផ្ទះ កម្ចីទិញទំនិញ និងប្រាក់កម្ចីផ្សេងៗទៀត ខណៈដែលបច្ចុប្បន្នកំពុងប្រឈមនឹងការឡើងថ្លៃនៃតម្លៃស្បៀងអាហារ ទំនិញ និងសេវាកម្មទូទៅ៕
Account
Security
Favourite Content