សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
យោងទៅតាមប្រភពព័ត៌មានពីរ៉យទ័របានរាយការណ៍ថា ក្រុមហ៊ុនបច្ចេកវិទ្យាយក្សរបស់អាមេរិក Apple នឹងកាត់បន្ថយការផលិត iPhone 14 Plus ដែលទើបនឹងចេញថ្មីៗនេះ ដោយសារធ្លាក់ចុះនៃតម្រូវការអ្នកប្រើប្រាស់ និងដើម្បីទប់ទល់នឹងការធ្លាក់ចុះនៃការលក់ស្មាតហ្វូន ដោយនឹងផ្តោតទៅលើម៉ូដែលលំដាប់ខ្ពស់វិញ។
ក្រុមហ៊ុនផលិតនឹងបង្កើនការលក់ស៊េរី iPhone 14 Pro ដែលមានតម្លៃថ្លៃជាង និងមានចំណែកក្នុងការកើនឡើងដល់ ៦០ ភាគរយនៃការផលិតសរុបពីរ ហើយវាអាចនឹងកើនឡើងថែមដល់ ៦៥ ភាគរយទៀតនៅថ្ងៃខាងមុខ។ ក្រុមអ្នកស្រាវជ្រាវបានវិភាគថា ពួកស៊េរី Pro និង Pro Max គឺជាស៊េរីទូរស័ព្ទល្អលំដាប់របស់ Apple និងជាផលិតផលលក់ចេញដ៏ខ្លាំងមួយនៅពេលដែលវិបត្តិបន្ទះឈីបសកលកំពុងកើតឡើង ដែលជួយក្រុមហ៊ុនទទួលបានប្រាក់ចំណេញកាន់តែខ្ពស់។
ទោះជាយ៉ាងណាក្តី ពួកគេក៏បានព្រមានផងដែរថា ការកើនឡើងអត្រាការប្រាក់របស់សហរដ្ឋអាមេរិកបានកាត់បន្ថយការចំណាយរបស់អ្នកប្រើប្រាស់ ដោយនឹងធ្វើឱ្យធ្លាក់ចុះនៃតម្រូវការសម្រាប់ iPhones នៅក្នុងត្រីមាសទី១ នៃឆ្នាំ២០២៣ ខាងមុខនេះ ដែលអាចនាំឱ្យផលិតកម្មធ្លាក់ចុះ ១៤ ភាគរយ ឬ ធ្លាក់ចុះការផលិតមកត្រឹម ៥២ លានគ្រឿង។
ក្រុមអ្នកស្រាវជ្រាវ Canalys បានបង្ហាញពីទិន្នន័យថា Apple គឺជាអ្នកលក់តែមួយគត់នៅក្នុងកំពូលទាំង ៥ ដែលបានចុះបញ្ជីកំណើននៃការនាំចេញនៅក្នុងត្រីមាសទី៣ឆ្នាំនេះ។ ក្រុមហ៊ុនបានធ្វើឱ្យទីផ្សារស្មាតហ្វូនពិភពលោកកើនឡើងដល់ ១៨ ភាគរយពី ១៥ ភាគរយកាលពីឆ្នាំមុន បើទោះបីជាទីផ្សារធ្លាក់ចុះក៏ដោយ។
កាលពីខែមុន Apple បាននិយាយថា ខ្លួននឹងផលិត iPhone 14 នៅក្នុងប្រទេសឥណ្ឌា ខណៈពេលដែលផ្លាស់ប្តូរផលិតកម្មរបស់ខ្លួនមួយចំនួនចេញពីប្រទេសចិន ដើម្បីចៀសវាងពីភាពតានតឹងដែលកើតឡើងរវាងទីក្រុងវ៉ាស៊ីនតោន និងទីក្រុងប៉េកាំង៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ធនាគារ ស្ថាបនា និងក្រុមហ៊ុន វីសា រៀបចំកម្មវិធីទស្សនាការប្រកួតបាល់ទាត់ពិភពលោក FIFA World Cup 2026™ Visa Sathapana Viewing Party
ព្រឹត្តិការណ៍, អត្ថបទពាណិជ្ជកម្ម
• 10/07/2026
ធនាគារ ស្ថាបនា និងក្រុមហ៊ុន វីសា រៀបចំកម្មវិធីទស្សនាការប្រកួតបាល់ទាត់ពិភពលោក FIFA World Cup 2026™ Visa Sathapana Viewing Party
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content