សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងកិច្ចប្រជុំកំពូលនៃអង្គការសហប្រតិបត្តិការសៀងហៃ ឬ SCO ឆ្នាំ២០២៦ នាទីក្រុង Bishkek កន្លងទៅថ្មីៗនេះ ប្រទេសចិន និងប្រទេសកៀហ្ស៊ីស៊ីស្ថាន បានព្រមព្រៀងគ្នាក្នុងការរុញច្រានវិស័យបច្ចេកវិទ្យាឱ្យកាន់តែជឿនលឿនរួមគ្នា ជាពិសេស វិស័យបញ្ញាសិប្បនិម្មិត AI ។
យោងតាមការចេញផ្សាយដោយកាសែតប៊ុលហ្គារី Novinata បានឱ្យដឹងថា កិច្ចព្រមព្រៀងថ្មីនេះត្រូវបានរំពឹងថា នឹងផ្តល់កម្លាំងជាចលករយ៉ាងសំខាន់ដល់ការអភិវឌ្ឍវិស័យបច្ចេកវិទ្យាក្នុងស្រុករបស់កៀហ្ស៊ីស៊ីស្ថាន ដោយផ្តោតលើផ្នែកសំខាន់ៗចំនួនបី រួមមាន បញ្ញាសិប្បនិម្មិត (AI) សេដ្ឋកិច្ចឌីជីថល និងថាមពលស្អាត។
ក្នុងកិច្ចប្រជុំរយៈពេល ២ថ្ងៃនេះ បានរៀបចំឡើងក្រោមប្រធានបទ ៖ ២៥ឆ្នាំ នៃ SCO រួមគ្នាឆ្ពោះទៅរកសន្តិភាព ការអភិវឌ្ឍ និងវិបុលភាពប្រកបដោយចីរភាព។ កិច្ចប្រជុំកំពូលនេះប្រព្រឹត្តទៅដោយមានការចូលរួមពីថ្នាក់ដឹកនាំមកពីជាង ២០ប្រទេស ។
តាមការបញ្ជាក់ដោយលោក Chubak Temirov អនុប្រធានឧទ្យានបច្ចេកវិទ្យាជាន់ខ្ពស់នៃកៀហ្ស៊ីស៊ីស្ថាន បានឲ្យដឹងថា ទំនុកចិត្តដែលបានកសាងរយៈពេល២៥ឆ្នាំ ក្នុងក្របខ័ណ្ឌ SCO គឺជាគ្រឹះយ៉ាងរឹងមាំសម្រាប់ការបង្កើតបច្ចេកវិទ្យា និងផលិតផលរួមគ្នា។
លោកបានបន្ថែមថា ក្រុមហ៊ុនបច្ចេកវិទ្យានៅកៀហ្ស៊ីស៊ីស្ថាន នាពេលនេះ មិនត្រឹមតែផ្តោតលើទីផ្សារក្នុងស្រុកដែលមានប្រជាជន ៧,៤លាននាក់ប៉ុណ្ណោះទេ ប៉ុន្តែថែមទាំងសម្លឹងមើលឱកាសពង្រីកខ្លួនទៅកាន់ទីផ្សារនៃបណ្តាប្រទេសសមាជិក SCO ទាំងមូល និងទីផ្សារពិភពលោកផងដែរ។
គួរឲ្យដឹងដែរថា ក្នុងអំឡុងជំនួបពិភាក្សាទ្វេភាគីរវាងប្រធានាធិបតីកៀហ្ស៊ីស៊ីស្ថាន លោក Sadyr Zhaparov និងប្រធានាធិបតីចិន លោក Xi Jinping បានលើកឡើងថា ប្រទេសទាំងពីរគួរតែធ្វើការរួមគ្នាដើម្បីបង្កើតមន្ទីរពិសោធន៍រួមគ្នានៃ «ខ្សែក្រវ៉ាត់ និងផ្លូវ» (Belt and Road) ព្រមទាំងពង្រឹងកិច្ចសហប្រតិបត្តិការលើការស្រាវជ្រាវ និងអភិវឌ្ឍន៍បច្ចេកវិទ្យា AI ឱ្យកាន់តែស៊ីជម្រៅផងដែរ៕
Account
Security
Favourite Content