សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមរបាយការណ៍របស់ Financial Times ដែលត្រូវបានដកស្រង់មកផ្សាយបន្តដោយកាសែត RT បានឱ្យដឹងថា ដោយសារតែភ្លើងសង្គ្រាមនៅអ៊ីរ៉ង់ ក្រុមកសិករជនជាតិអាមេរិកដែលជាអ្នកផលិតសម្រាប់ផ្គត់ផ្គង់ទីផ្សារគ្រាប់ធញ្ញជាតិបានធ្លាក់ចូលទៅក្នុងវិបត្តិហិរញ្ញវត្ថុយ៉ាងធ្ងន់ធ្ងរបំផុតមិនធ្លាប់មានក្នុងរយៈពេល ៤០ឆ្នាំចុងក្រោយមកនេះ។ វិបត្តិស្ថិតនៅត្រង់ថា ជម្លោះនៅតែបន្តជាមួយប្រទេសអ៊ីរ៉ង់បានបណ្តាលធ្វើឱ្យប្រេងម៉ាស៊ូត និងជីកសិកម្មសំខាន់ៗបន្តឡើងថ្លៃឥតឈប់ឈរ រួមផ្សំជាមួយបញ្ហាអាកាសធាតុ និងចំណូលកសិកម្មថយចុះជាច្រើនឆ្នាំធ្វើឱ្យជីវភាពធ្លាក់ចុះ។
សម្ពាធសេដ្ឋកិច្ចថ្មីចុងក្រោយនេះបានកើតឡើងបន្ទាប់ពីយោធាអាមេរិក សហការជាមួយអ៊ីស្រាអែល វាយប្រហារលើប្រទេសអ៊ីរ៉ង់នាចុងខែកុម្ភៈ ដែលនាំឱ្យទីក្រុងតេហរ៉ង់សម្រេចបិទការដឹកជញ្ជូនពាណិជ្ជកម្មស្ទើរទាំងស្រុងតាមច្រកសមុទ្រ Hormuz ដែលប៉ះពាល់ដល់ចំណុចបេះដូងនៃកសិកម្មអាមេរិក ជាពិសេ កសិករដែលបង្កបង្កើនផលដំណាំពោត បានចំណាយកាន់តែច្រើនលើប្រតិបត្តិការដំណាំ។
លោក John Hansen ប្រធានសហជីពកសិករ Nebraska បានលើកឡើងថា កំឡុងពេលមានវិបត្តិ ជីដែលមានសារធាតុភូសហ្វ័រ (Phosphorus) សម្រាប់ប្រើប្រាស់ក្នុងរដូវដាំដុះឥឡូវនេះមានតម្លៃលើសពី ៩០០ដុល្លារក្នុងមួយតោន កើនឡើងពី ៤៧០ដុល្លារក្នុងមួយតោនកាលពីមួយទសវត្សរ៍មុន ហើយតម្លៃថាមពលក៏បានកើនឡើងដូចគ្នា។
ទិន្នន័យពីទីភ្នាក់ងារព័ត៌មានថាមពលសហរដ្ឋអាមេរិក (EIA) បានបង្ហាញថា តម្លៃប្រេងម៉ាស៊ូតជាមធ្យមនៅទូទាំងប្រទេសបានកើនឡើងដល់ប្រហែល ៥,៤៥ដុល្លារក្នុងមួយហ្គាឡុង កើនឡើងពី ៣,៨១ដុល្លារក្នុងមួយហ្គាឡុងមុនពេលសង្គ្រាមចាប់ផ្តើម។ តំណាងវិស័យនេះ បានបញ្ជាក់ថា កសិករជាច្រើនត្រូវបានគេព្យាករណ៍ថានឹងទទួលការខាតបង់រហូតដល់២ឆ្នាំខាងមុខ ដោយសារតែភាពមិនប្រាកដប្រជានៃសេដ្ឋកិច្ចដែលពាក់ព័ន្ធនឹងសង្គ្រាម។
ការព្យាករណ៍ពីអ្នកសេដ្ឋកិច្ចនៃសហព័ន្ធកសិដ្ឋានអាមេរិក American Farm Bureau Federation បានបង្ហាញថា កសិករដាំដំណាំសំខាន់ៗចំនួន៩នៅសហរដ្ឋអាមេរិកនឹងខាតបង់ប្រមាណ ៣១ពាន់លានដុល្លារក្នុងឆ្នាំ២០២៦ ប្រសិនបើគ្មានជំនួយពីរដ្ឋាភិបាល ហើយការខាតបង់នេះនឹងបន្តកើនឡើងដល់ ៣២ពាន់លានដុល្លារក្នុងឆ្នាំ២០២៧។
កសិករអាមេរិក បានបន្ទោសលើតម្រូវការនៅបរទេសដែលធ្លាក់ចុះ ពិសេសសម្រាប់សណ្តែកសៀងអាមេរិកនៅក្នុងប្រទេសចិន ដោយសារតែជម្លោះពាណិជ្ជកម្មពាក់ព័ន្ធនឹងទីក្រុងវ៉ាស៊ីនតោន។ ដូច្នេះ ដើម្បីឆ្លើយតបទៅនឹងសម្ពាធសេដ្ឋកិច្ចដែលកំពុងកើនឡើង រដ្ឋបាលលោក Donald Trump បានស្នើសុំសភាជាតិបញ្ចេញនូវកញ្ចប់ជំនួយបន្ទាន់បន្ថែមចំនួន ១១ពាន់លានដុល្លារសម្រាប់វិស័យនេះ បន្ទាប់ពីវិធានការសង្គ្រោះរាប់ពាន់លានដុល្លារទើបតែធ្វើឡើងកាលពីប៉ុន្មានខែមុន៕
ជាមួយនឹងការធ្លាក់ចុះនូវតម្រូវការទិន្នផលកសិកម្ម តម្លៃថ្លៃផលិតកសិកម្មកើនឡើងខ្ពស់ អ្នកវិភាគបានព្រមានថា រូបភាពទាំងអស់នេះ អាចធ្វើឱ្យអតិផរណាសម្រាប់អ្នកប្រើប្រាស់កាន់តែអាក្រក់ទៅៗ ខណៈពេលបច្ចុប្បន្ន វាមានកម្រិតខ្ពស់ជាងគោលដៅដែលធនាគារកណ្តាលអាមេរិកបានកំណត់រហូតដល់២ភាគរយរួចទៅហើយនោះ៕
Account
Security
Favourite Content