កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។

វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT) នៅតែជាកម្លាំងចលករដ៏សំខាន់សម្រាប់សេដ្ឋកិច្ច និងការបង្កើតការងារនៅកម្ពុជា ជាពិសេសសម្រាប់ស្ត្រី ហើយវិស័យនេះបានរួមចំណែកប្រមាណ ២ ភាគ ៣ នៃការនាំចេញទំនិញសរុបរបស់ប្រទេស ខណៈដែលទីផ្សារអន្តរជាតិកំពុងផ្តោតការយកចិត្តទុកដាក់កាន់តែខ្លាំងលើនិរន្តរភាព ការកែលម្អប្រសិទ្ធភាពថាមពល និងការអនុវត្តផលិតកម្ម កំពុងក្លាយជាផ្នែកមួយដ៏សំខាន់ក្នុងការរក្សាភាពប្រកួតប្រជែងរបស់វិស័យនេះ។

កម្មវិធីនេះត្រូវបានរៀបចំឡើងដើម្បីពន្លឿនការវិនិយោគលើប្រសិទ្ធភាពថាមពល និងថាមពលកកើតឡើងវិញនៅទូទាំងវិស័យឧស្សាហកម្មកម្ពុជា ទន្ទឹមនឹងការពង្រឹងក្របខ័ណ្ឌបទប្បញ្ញត្តិ ការកសាងសមត្ថភាពបច្ចេកទេស ការកែលម្អលក្ខខណ្ឌការងារដែលគិតគូរពីយេនឌ័រ និងការសម្រួលដល់ការទទួលបានហិរញ្ញប្បទានសម្រាប់គម្រោងថាមពលប្រកបដោយចីរភាព។

ជាមួយគ្នានេះដែរ គំនិតផ្តួចផ្តើម«ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម»ក៏បានគាំទ្រដល់អន្តរកាលបៃតងដ៏ទូលំទូលាយរបស់កម្ពុជា ដោយគាំទ្រដោយផ្ទាល់ដល់គោលនយោបាយជាតិស្តីពីប្រសិទ្ធភាពថាមពល និងរួមចំណែកដល់គោលបំណងនៃយុទ្ធសាស្ត្រជាតិផ្សេងទៀត រួមមាន យុទ្ធសាស្ត្រអភិវឌ្ឍន៍វិស័យកាត់ដេរ ផលិតស្បែកជើង និងកាបូប និងយុទ្ធសាស្ត្រ និងផែនការសកម្មភាពស្តីពីប្រសិទ្ធភាពធនធាន និងផលិតកម្មស្អាត ឆ្នាំ២០២១–២០៣០។

ថ្លែងក្នុងពិធីប្រកាសដាក់ឱ្យដំណើរការ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល បានបញ្ជាក់យ៉ាងច្បាស់ថា៖ ថាមពលដែលមានតម្លៃបំផុតមួយ គឺជាថាមពលដែលមិនចាំបាច់ប្រើប្រាស់។

ឯកឧត្តមបញ្ជាក់ថា ៖ «កម្ពុជាទទួលស្គាល់ថា ឥន្ធនៈលាក់មុខ នេះ គឺជាសសរស្តម្ភស្នូលនៃយុទ្ធសាស្ត្រថាមពលជាតិរបស់យើង ខណៈដែលតម្រូវការបន្តកើនឡើង ការកែលម្អការប្រើប្រាស់ថាមពលក្នុងវិស័យកម្មន្តសាល នឹងជួយឱ្យឧស្សាហកម្មរបស់យើងអភិវឌ្ឍប្រកបដោយចីរភាពជាងមុន។ យើងសូមស្វាគមន៍ចំពោះភាពជាដៃគូរបស់សហភាពអឺរ៉ុប ក្នុងការជំរុញកិច្ចការងារនេះឱ្យឆ្ពោះទៅមុខ»។

ថ្លែងអំពីថាមពល ឯកឧត្តមបានមានប្រសាសន៍ថា កម្ពុជាមានគោលដៅប្រើប្រាស់ថាមពលស្អាត ដើម្បីកាត់បន្ថយការពឹងផ្អែកលើឥន្ធនៈហ្វូស៊ីល បង្កើតភាពប្រកួតប្រជែងដែលវិស័យឧស្សាហកម្ម ព្រមទាំងផ្តល់ការយកចិត្តទុកដាក់លើដំណោះស្រាយបរិស្ថាន។ 

ឯកឧត្តម កែវ រតនៈ បានបន្ថែមថា៖ «ភាពជាដៃគូដែលយើងដាក់ឱ្យដំណើរការនៅថ្ងៃនេះ នឹងគាំទ្រដល់ការអនុវត្តនៅក្នុងវិស័យឧស្សាហកម្ម។ វានឹងជួយអភិវឌ្ឍស្តង់ដារអប្បបរមានៃប្រសិទ្ធភាពថាមពល ការបិទស្លាកសញ្ញាប្រសិទ្ធភាពថាមពលលើឧបករណ៍ និងក្របខ័ណ្ឌសម្រាប់ការគ្រប់គ្រងថាមពលឧស្សាហកម្ម។ នៅកម្រិតរោងចក្រ កម្មវិធីនេះនឹងគាំទ្រដល់ការធ្វើសវនកម្មថាមពល និងការទទួលយកបច្ចេកវិទ្យាដែលមានប្រសិទ្ធភាពជាងមុន ទន្ទឹមនឹងការជួយសមាគមឧស្សាហកម្មក្នុងការអភិវឌ្ឍជំនាញបច្ចេកទេស»។

ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក៏បានកត់សម្គាល់ផងដែរថា ប្រសិទ្ធភាពថាមពល គឺជាផ្នែកមួយដ៏សំខាន់នៃការធ្វើទំនើបកម្មវិស័យកម្មន្តសាលរបស់កម្ពុជា និងការពង្រឹងភាពប្រកួតប្រជែងរបស់ខ្លួន។

ឯកឧត្តមបានបន្ថែមថា៖ «ភាពជាដៃគូនេះនឹងជួយរោងចក្រកសាងសមត្ថភាពបច្ចេកទេស អនុវត្តផលិតកម្មដែលស្អាត និងមានប្រសិទ្ធភាពជាងមុន ព្រមទាំងបង្កើនផលិតភាព។ តាមរយៈការប្រែក្លាយគោលនយោបាយទៅជាការកែលម្អជាក់ស្តែងនៅតាមរោងចក្រ យើងអាចកសាងឧស្សាហកម្មដែលមាននិរន្តរភាព និងភាពប្រកួតប្រជែងជាងមុន ដែលឆ្លើយតបទៅនឹងការរំពឹងទុកដែលកំពុងវិវត្តនៃទីផ្សារអន្តរជាតិ»។

យោងតាមសេចក្តីប្រកាសព័ត៌មានរបស់សភាពាណិជ្ជកម្មអឺរ៉ុបប្រចាំកម្ពុជា (EuroCham​ Cambodia) លទ្ធផលរំពឹងទុកទី២ នៃ «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ផ្តោតលើការអនុវត្តប្រសិទ្ធភាពថាមពលនៅកម្រិតរោងចក្រ ការអភិវឌ្ឍខ្សែច្រវាក់ផ្គត់ផ្គង់ជីវម៉ាសប្រកបដោយចីរភាព និងការលើកកម្ពស់បរិយាកាសការងារដែលមានសុវត្ថិភាព និងគិតគូរពីយេនឌ័រ។

សេចក្តីប្រកាសព័ត៌មានបានបញ្ជាក់ថា៖ កម្មវិធីនេះគ្រោងនឹងគាំទ្រការធ្វើសវនកម្មថាមពលចំនួន ២១០ លើក នៅតាមបណ្តារោងចក្រក្នុងវិស័យ GFT រួមជាមួយនឹងជំនួយតាមដានបន្ត ដើម្បីអនុវត្តតាមអនុសាសន៍នៃសវនកម្ម។ ការបណ្តុះបណ្តាលរោងចក្រស្តីពីការគ្រប់គ្រងថាមពលប្រកបដោយចីរភាព គឺជាផ្នែកមួយដ៏សំខាន់នៃលទ្ធផលរំពឹងទុកនេះ ដែលមានគោលបំណងកសាងសមត្ថភាពរបស់វិស័យនេះក្នុងការកំណត់អត្តសញ្ញាណ និងអនុវត្តវិធានការសន្សំសំចៃថាមពល។

សេចក្តីប្រកាសព័ត៌មានបានបន្ថែមថា ក្នុងពេលជាមួយគ្នានេះ ដោយផ្តល់អាទិភាពលើគោលការណ៍ការងារសមរម្យ លទ្ធផលរំពឹងទុកនេះក៏នឹងដោះស្រាយបញ្ហាសម្ពាធកម្ដៅ និងបញ្ហាផ្សេងទៀតនៅកន្លែងការងារដែលទាក់ទងនឹងថាមពល ដូចជា កង្វះពន្លឺ ការបំពុលដោយសំឡេង និងខ្យល់ចេញចូលមិនគ្រប់គ្រាន់។

យោងតាមឯកឧត្តម ហែម វណ្ណឌី ដោយមានកំណើននាំចេញពីប្រមាណ ៩,៧ ពាន់លានដុល្លារអាមេរិក ក្នុងឆ្នាំ២០២០ ដល់ជិត ១៦ ពាន់លានដុល្លារអាមេរិក ក្នុងឆ្នាំ២០២៥ និងរក្សាបាននូវសន្ទុះកំណើនយ៉ាងរឹងមាំជាង ៧% ក្នុងរយៈពេល ១០ ខែដំបូងនៃឆ្នាំនេះ វិស័យ GFT គឺជាឆ្អឹងខ្នងនៃជីវភាពរស់នៅរបស់ប្រជាពលរដ្ឋជាតិ ដោយបានផ្តល់ការងារដល់ប្រជាពលរដ្ឋកម្ពុជាចំនួន ១,១ លាននាក់ ជាពិសេសស្ត្រី។

ពាក់ព័ន្ធនឹងបញ្ហានេះ ឯកឧត្តម Igor Driesmans ឯកអគ្គរដ្ឋទូតសហភាពអឺរ៉ុបប្រចាំកម្ពុជា បានថ្លែងថា ខណៈដែលកម្ពុជាត្រៀមខ្លួនចាកចេញពីចំណាត់ថ្នាក់ប្រទេសអភិវឌ្ឍន៍តិចតួច (LDC) វិស័យឧស្សាហកម្មដែលមាននិរន្តរភាព និងប្រសិទ្ធភាពថាមពលជាងមុន អាចជួយអាជីវកម្មកាត់បន្ថយថ្លៃដើម ពង្រឹងផលិតភាព និងឆ្លើយតបទៅនឹងការផ្លាស់ប្តូរនៃការរំពឹងទុករបស់ទីផ្សារ។

ឯកឧត្តមបានមានប្រសាសន៍ថា៖ «តាមរយៈភាពជាដៃគូរបស់យើងជាមួយកម្ពុជា និងក្រោមយុទ្ធសាស្ត្រ Global Gateway របស់សហភាពអឺរ៉ុប សហភាពអឺរ៉ុបកំពុងនាំយកគោលនយោបាយ ឧស្សាហកម្ម និងការវិនិយោគមករួមបញ្ចូលគ្នា ដើម្បីគាំទ្រដល់កំណើនរយៈពេលវែង ភាពធន់ និងអត្ថប្រយោជន៍យូរអង្វែងសម្រាប់អាជីវកម្ម កម្មករ និងសហគមន៍កម្ពុជា»។

ទន្ទឹមនឹងនេះ លទ្ធផលរំពឹងទុកទីបីនៃ«ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម»  មានគោលបំណងលើកកម្ពស់សមត្ថភាពរបស់សមាគមឧស្សាហកម្ម ក្នុងការជួយរោងចក្រឱ្យទទួលបានហិរញ្ញប្បទានសម្រាប់ការវិនិយោគលើថាមពលប្រកបដោយចីរភាព។ កិច្ចការនេះរួមមាន ការអភិវឌ្ឍបណ្តុំគម្រោងដែលត្រៀមខ្លួនរួចរាល់សម្រាប់ការវិនិយោគ ការសម្រួលដល់ការទទួលបានហិរញ្ញប្បទានបៃតង និងការលើកកម្ពស់ការអភិវឌ្ឍទីផ្សារក្រុមហ៊ុនសេវាកម្មថាមពល (ESCO) នៅកម្ពុជា៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​

ក្រោយកិច្ចប្រជុំកំពូលអាស៊ាន លោក ដូណាល់ ត្រាំ ប្រមូលកិច្ចព្រមព្រៀង និងគម្រោងវិនិយោគជាង ១៧ ពាន់លានដុល្លារនៅអាស៊ីអាគ្នេយ៍

ព្រឹត្តិការណ៍, សេដ្ឋកិច្ច

• 20/11/2026

បរទេស៖ ប្រធានាធិបតីអាម៉េរិកលោក ដូណាល់ ត្រាំ បានប្រកាសពីកិច្ចព្រមព្រៀងពាណិជ្ជកម្ម និងការវិនិយោគជាយុទ្ធសាស្ត្រដែលមានទំហំទឹកប្រាក់សរុបជាង ១៧ ពាន់លានដុល្លារសម្រាប់ក្រុមហ៊ុនអាម៉េរិកនៅក្នុងតំបន់អាស៊ីអាគ្នេយ៍ បន្ទាប់ពីបញ្ចប់ដំណើរទស្សនកិច្ចនៅប្រទេសហ្វីលីពីន នេះបើយោងតាមសេចក្ដីរាយការណ៍ពី CNA។ សេតវិមានបានបញ្ជាក់នៅក្នុងសេចក្តីថ្លែងការណ៍មួយថា កិច្ចព្រមព្រៀងទាំងនោះរួមមាន ការសម្រេចជាស្ថាពររបស់ក្រុមហ៊ុន Boeing និង GE Aerospace ក្នុងការលក់យន្តហោះប្រភេទ Boeing

អ្នកជំនាញអាមេរិក កោតសរសើរសន្ទុះនៃភាពរីកចម្រើនផ្នែក Fintech និងបរិយាកាសវិនិយោគនៅកម្ពុជា

ជំនួញ, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ ក្រោយពេលបានមកទស្សនាប្រទេសកម្ពុជាចំនួន ៨ ដង ចាប់តាំងពីឆ្នាំ២០១២ លោក Mitch Pettit ភ្ញៀវទេសចរក៏ដូចជាអ្នកជំនួញជនជាតិអាមេរិក បានកោតសរសើរចំពោះភាពរីកចម្រើនឥតឈប់ឈររបស់កម្ពុជា ដោយសង្កត់ធ្ងន់ថា ក្រុមហ៊ុនបច្ចេកវិទ្យាហិរញ្ញវត្ថុថ្មីៗ (Fintech startups) សហគ្រិន ត្រួសត្រាយផ្លូវ និងការអភិវឌ្ឍហេដ្ឋារចនាសម្ព័ន្ធយ៉ាងឆាប់រហ័ស បានលេចចេញជារូបរាងឡើងជារៀងរាល់ឆ្នាំ។ ថ្លែងប្រាប់សារព័ត៌មាន

ក្រសួង​កសិកម្ម​​ និង​ FAO ​ផ្តល់​គ្រឿងយន្ត​ ​៣​១​គ្រឿង​ ​ជំរុញ​ផលិតកម្ម​ស្រូវ​សរីរាង្គ​នៅ​ព្រះវិហារ​

ព្រឹត្តិការណ៍, សេដ្ឋកិច្ច

• 20/11/2026

ក្រសួង​កសិកម្ម​ ​រុក្ខា​ប្រមាញ់​ និង​នេសាទ​ ​សហការ​ជាមួយ​អង្គការ​ស្បៀង ​និង​កសិកម្ម​នៃ​សហ​ប្រជា​ជាតិ​ ​(​FA​O​)​ ​តាមរយៈ​គម្រោង​គជ់ ​បាន​ផ្តល់​គ្រឿងយន្ត​កសិកម្ម​ចំនួន​ ៣១​គ្រឿង​ ដល់​សហគមន៍​កសិកម្ម​ក្នុង​ខេត្ត​ព្រះវិហារ ​ដើម្បី​ជំរុញ​ផលិតកម្ម​ស្រូវ​សរីរាង្គ ​បង្កើន​ផលិតភាព​ ​និង​កាត់បន្ថយ​ថ្លៃ​ដើម​ផលិតកម្ម​