រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ភ្នំពេញ ៖ ក្នុងគោលបំណងអនុវត្ត​ន៍តាមផែនការ​ កែប្រែខេត្តព្រះសីហនុ​ទៅជា​តំបន់​ទេសចរណ៍លំដាប់​ខ្ពស់​ឱ្យមានប្រសិទ្ធភាព រាជរដ្ឋាភិបាល​កម្ពុជា ​​បាន ​និងកំពុងជំរុញឱ្យ​មានការវិនិយោគ​គម្រោងអភិវឌ្ឍន៍​រមណីយដ្ឋាន​ទេសចរណ៍​នៅតាមបណ្តា​កោះនានា​ក្នុង​ខេត្តព្រះសីហនុ ដូចជា​ សណ្ឋាគារ​ប្រណិត​ ផ្ទះលំហែ ខុនដូ និង​សណ្ឋាគារអេកូទេសចរណ៍​ដែលស្ថិតនៅតាមឆ្នេរ​ និង​កោះ ។

កាលពីថ្ងៃទី១៨ ខែវិច្ឆិកា ឆ្នាំ២០២៦ ក្រុមការងារជំរុញការ​វិនិយោគក្នុងខេត្តព្រះសីហនុ ដឹកនាំដោយឯកឧត្តមបណ្ឌិត​សភាចារ្យ​ ហ៊ាន សាហ៊ីប រដ្ឋលេខាធិការ​ក្រសួង​សេដ្ឋកិច្ច និងហិរញ្ញវត្ថុ និងជាប្រធានក្រុមការងារ បាន​ប្រជុំពិភាក្សា​លើសំណើ​សុំ​ការលើកទឹកចិត្តពិសេស ដើម្បីគាំទ្រ​គម្រោង​អភិវឌ្ឍ​រមណីយដ្ឋានទេសច​រ​ណ៍នៅតាមបណ្ដាកោះក្នុង​ខេត្តព្រះសីហនុ ។

បើតាម​សេចក្ដីប្រកាស​ព័ត៌មាន​របស់​ក្រុមការងារជំរុញការវិនិយោគខេត្តព្រះសីហនុបានឱ្យដឹងថា គម្រោងដែល​ស្នើសុំ​ការ​លើកទឹកចិត្តពិសេស​ពីរាជរដ្ឋាភិបាលសម្រាប់​ដំណើរការ​វិនិយោគនៅតាមកោះក្នុង​ខេត្តព្រះសីហនុ មានគម្រោងអភិវឌ្ឍសណ្ឋាគារ ប៊ូទិក ផ្ទះលំហែ ខុនដូ និង​សណ្ឋាគារ​អេកូទេសចរណ៍​នៅតាមតំបន់ឆ្នេរ និងកោះ​ ។​

នៅក្នុង​កិច្ចប្រជុំនោះដែរ ឯកឧត្តមបណ្ឌិតសភាចារ្យ ហ៊ាន សាហ៊ីប​ បានគូសបញ្ជាក់អំពីសារៈសំខាន់នៃការគាំទ្រដល់ការអភិវឌ្ឍតំបន់កោះ ដើម្បីប្រែក្លាយបណ្តុំកោះរបស់កម្ពុជាឱ្យក្លាយជាគោលដៅទេសចរណ៍ដ៏ទាក់ទាញ និងមានសក្តានុពល ដែលអាចទាក់ទាញភ្ញៀវទេសចរជាតិ និងអន្តរជាតិ ព្រមទាំងចូលរួមចំណែកជំរុញកំណើនសេដ្ឋកិច្ច និង បង្កើតសកម្មភាពសេដ្ឋកិច្ចថ្មីៗនៅតាមបណ្តាកោះ ។

ក្នុងន័យនេះ ឯកឧត្តម​បានបញ្ជាក់​ថា ​ការចូលរួមសហការពីស្ថាប័នពាក់ព័ន្ធ ក្នុងការផ្តល់ការលើកទឹកចិត្ត និងសម្រួលនីតិវិធីរដ្ឋបាលជូនវិនិយោគិន គឺជាកត្តាចាំបាច់ ជាពិសេស សម្រាប់គម្រោងវិនិយោគនៅតាមកោះ ដែលទាមទារឱ្យមានការគាំទ្រ និងការយកចិត្តទុកដាក់ខ្ពស់ពីរាជរដ្ឋាភិបាល ទាំងលើការរៀបចំហេដ្ឋារចនាសម្ព័ន្ធគាំទ្រ និងការបង្កើតបរិយាកាសអំណោយផលសម្រាប់ការវិនិយោគ និងការអភិវឌ្ឍ ប្រកបដោយចីរភាព ។

លោក​ វណ្ណ ធី អ្នកជំនាញវិស័យអចលនទ្រព្យ​ប្រចាំខេត្តព្រះសីហនុ បានប្រាប់បណ្ដាញព័ត៌មាន​ AMS ឱ្យដឹងថា នៅក្នុង​ខេត្តព្រះសីហនុ​ មានកោះជាច្រើន ប៉ុន្តែមានតែកោះចំនួន ២ ​ប៉ុណ្ណោះ ដែលមានភាពទាក់ទាញ វិនិយោគិន​ និងទេសចរច្រើនជាង​គេ គឺកោះរ៉ុង និងកោះរ៉ុង​សន្លឹម ។ កាលពីមុន អ្នកវិនិយោគ​ផ្ដោតការ​ចាប់​អារម្មណ៍​វិនិយោគលើកោះរ៉ុងសន្លឹម​ច្រើនជាង​កោះរ៉ុង ប៉ុន្តែមកដល់បច្ចុប្បន្ននេះ វិនិយោគិន​ហាក់មានការ​ចាប់អារម្មណ៍​វិនិយោគលើកោះរ៉ុង​ច្រើនជាង​កោះរ៉ុងសន្លឹម ហើយភ្ញៀវទេសចរ​មិនថា​បរទេស ឬភ្ញៀវទេស​ចរ​ក្នុងស្រុក​នោះតែ ក៏ចាប់អារម្មណ៍ និងទៅលេងកម្សាន្ត​នៅលើកោះទាំង២ ​នេះ ច្រើនជាង​បណ្ដាកោះផ្សេងៗទៀត ។​

លោកបន្តថា ក្នុងនាមជាប្រជាពលរដ្ឋ​ និងធុរជនមួយរូប​ប្រចាំខេត្តព្រះសីហនុ លោកចង់ឱ្យរដ្ឋាភិបាល​បង្កើនភាពទាក់ទាញ​វិនិយោគិនមក​បណ្ដាក់ទុនវិនិយោគនៅលើ​កោះក្នុង​ខេត្តព្រះសីហនុបន្ថែមទៀត ជាពិសេស​កោះរ៉ុង និងកោះរ៉ុងសន្លឹម ។

លោកបញ្ជាក់ថា ៖ « កម្ពុជា​គួរទាក់ទាញវិនិយោគិនមកពីប៉ែក​អឺរ៉ុប និងទាក់ទាញទេសចរមកពីប៉ែកអឺរ៉ុប​ដូចគ្នា ។​ បច្ចុប្បន្ននេះ មានវិនិយោគិនមកពីអឺរ៉ុប​ច្រើន​កំពុង​ធ្វើសកម្មភាពវិនិយោគ​នៅលើ​កោះ​ក្នុងខេត្ត​ព្រះសីហនុ ក្នុងនោះឃើញថា ​ប៉ូឡូញកំពុង​នាំមុខ​ក្នុងការ​វិនិយោគសេវាកម្មទេសចរណ៍នៅលើកោះ​ក្នុង​ខេត្តព្រះសីហនុ»។

លោក ​វណ្ណ ធី​ បាន​បន្ថែមថា កន្លងមកនេះ ក្នុង​ក្រុង​នៃខេត្តព្រះសីហនុ​ហាក់មានជាប់ឈ្មោះមិនសូវ​ល្អ ក្នុង​ក្រសែភ្នែក​ និងអារម្មណ៍​របស់ភ្ញៀវទេសចរដោយសារល្បែងអនឡាញ ប៉ុន្តែសម្រាប់​បណ្ដាកោះក្នុង​ខេត្តព្រះសីហនុ នៅតែអាចទាក់ទាញ និងមានកេរ្តិ៍ឈ្មោះល្អក្នុងអារម្មណ៍របស់​ភ្ញៀវទេសចរជាតិ​និងអន្តរជាតិ ។

លោក​ជំទាវ ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា បានមានប្រសាសន៍ថា បណ្ដាកោះនានា​ក្នុងខេត្តព្រះសីហនុ ចាត់ទុកជា​ទ្រព្យសម្បត្តិធម្មជាតិដ៏មានតម្លៃ និងមានសក្ដានុពលដ៏សំខាន់​សម្រាប់អនាគត​វិស័យ​ទេសចរណ៍នៅកម្ពុជា ដែលអាចអភិវឌ្ឍទៅជាទេសចរណ៍​សមុទ្រ ទេសចរណ៍ធម្មជាតិ និងទេសចរណ៍កម្រិតខ្ពស់​ដើម្បីទាក់ទាញភ្ញៀវទេសចរជាតិ​ និងអន្តរជាតិ ។​

លោកជំទាវ​បន្តថា ៖ «បច្ចុប្បន្ន​នេះ បណ្ដា​កោះក្នុង​ខេត្តព្រះសីហនុមានការ​វិនិយោគ​ច្រើន ប៉ុន្តែបើទោះបីជាមានការ​វិនិយោគច្រើនគួរសមបែបនេះក៏ដោយ ក៏នៅទីតាំងខ្លះ ផ្ដល់​សេវា​កម្មទេសចរណ៍ជូនភ្ញៀវ​នៅមិនទាន់​ឆ្លើយតប​បានគ្រប់គ្រាន់នៅឡើយ ជាពិសេស​សេវាកម្ម​ទេសចរណ៍តម្លៃ​មធ្យម ខណៈសេវាកម្ម​ទេសចរណ៍កម្រិត​ខ្ពស់ក៏ត្រូវទាមទារឱ្យមានការយកចិត្តទុកដាក់បន្ថែម ព្រោះទេសចរកម្រិតនេះមានការចំណាយខ្ពស់»។

លោក​ជំទាវបន្តថា ស្របពេលដែល​បណ្ដាកោះ​មួយចំនួនក្នុងខេត្តព្រះសីហនុកំពុង​ហុច​សក្ដានុពលទាំ​ងការ​វិនិយោគ និងទេសចរណ៍ អ្នកពាក់ព័ន្ធទាំងអស់​គួរតែ​ច្នៃប្រឌិត​ឱ្យមានសកម្មភាព សេវាកម្ម​​ ផលិ​ត​ផ​ល​​ទេ​សចរណ៍នៅលើកោះ ក្រោមទឹក និងលើ​ទឹក ដើម្បីទាក់ទាញភ្ញៀវមក​ស្នាក់នៅលើ​កោះឱ្យបានយូរ និងទាញ​​ការ​ចំណាយរបស់ភ្ញៀវ​ឱ្យបានច្រើន ។ អ្វីដែល​ជាការកត់សម្គាល់​នោះ នៅពេលឆាប់ៗនេះ នឹង​មានការ​ហោះហើរត្រង់មកពីតំបន់អឺរ៉ុប​ចូល​មក​កាន់ខេត្តព្រះសីហនុ​ផ្ទាល់​តែម្ដង ដូច្នេះ​ ត្រូវតែមានការ​ត្រៀម​ពីពេលនេះតទៅ ធ្វើយ៉ាងណា​បង្កើតសេវាកម្មទេសចរណ៍ឱ្យមានគុណភាព និងល្អជា​ងមុន​ ជាពិសេស​ត្រូវ​មានផលិត​ផលទេសចរណ៍ថ្មីៗ ។​

សូមរំលឹកដែរថា កាលពី​ដើមខែវិច្ឆិកា ២០២៦នេះ អភិបាលខេត្តព្រះសីហនុ​ បានដឹកនាំ​ប្រតិភូទៅបំពេញទស្សនកិច្ច​នៅបណ្ដាប្រទេស​ជាច្រើន​ក្នុ​ងតំបន់​អឺរ៉ុប ដើម្បីផ្សព្វផ្សាយពីសក្ដានុពល​វិនិយោគ និងទេសចរណ៍​ក្នុង​ខេត្តព្រះសីហនុ ហើយបានពិភាក្សា​ជាមួយ​វិស័យ​ឯកជន​ និងរដ្ឋ​ជាច្រើន​នៅក្នុងប្រទេស​ទាំងនោះ រួមមានប្រទេសប៉ូឡូញ ប្រទេស​ឆែក និងអាល្លឺម៉ង់ជាដើម ៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​

ក្រោយកិច្ចប្រជុំកំពូលអាស៊ាន លោក ដូណាល់ ត្រាំ ប្រមូលកិច្ចព្រមព្រៀង និងគម្រោងវិនិយោគជាង ១៧ ពាន់លានដុល្លារនៅអាស៊ីអាគ្នេយ៍

ព្រឹត្តិការណ៍, សេដ្ឋកិច្ច

• 20/11/2026

បរទេស៖ ប្រធានាធិបតីអាម៉េរិកលោក ដូណាល់ ត្រាំ បានប្រកាសពីកិច្ចព្រមព្រៀងពាណិជ្ជកម្ម និងការវិនិយោគជាយុទ្ធសាស្ត្រដែលមានទំហំទឹកប្រាក់សរុបជាង ១៧ ពាន់លានដុល្លារសម្រាប់ក្រុមហ៊ុនអាម៉េរិកនៅក្នុងតំបន់អាស៊ីអាគ្នេយ៍ បន្ទាប់ពីបញ្ចប់ដំណើរទស្សនកិច្ចនៅប្រទេសហ្វីលីពីន នេះបើយោងតាមសេចក្ដីរាយការណ៍ពី CNA។ សេតវិមានបានបញ្ជាក់នៅក្នុងសេចក្តីថ្លែងការណ៍មួយថា កិច្ចព្រមព្រៀងទាំងនោះរួមមាន ការសម្រេចជាស្ថាពររបស់ក្រុមហ៊ុន Boeing និង GE Aerospace ក្នុងការលក់យន្តហោះប្រភេទ Boeing

អ្នកជំនាញអាមេរិក កោតសរសើរសន្ទុះនៃភាពរីកចម្រើនផ្នែក Fintech និងបរិយាកាសវិនិយោគនៅកម្ពុជា

ជំនួញ, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ ក្រោយពេលបានមកទស្សនាប្រទេសកម្ពុជាចំនួន ៨ ដង ចាប់តាំងពីឆ្នាំ២០១២ លោក Mitch Pettit ភ្ញៀវទេសចរក៏ដូចជាអ្នកជំនួញជនជាតិអាមេរិក បានកោតសរសើរចំពោះភាពរីកចម្រើនឥតឈប់ឈររបស់កម្ពុជា ដោយសង្កត់ធ្ងន់ថា ក្រុមហ៊ុនបច្ចេកវិទ្យាហិរញ្ញវត្ថុថ្មីៗ (Fintech startups) សហគ្រិន ត្រួសត្រាយផ្លូវ និងការអភិវឌ្ឍហេដ្ឋារចនាសម្ព័ន្ធយ៉ាងឆាប់រហ័ស បានលេចចេញជារូបរាងឡើងជារៀងរាល់ឆ្នាំ។ ថ្លែងប្រាប់សារព័ត៌មាន

ក្រសួង​កសិកម្ម​​ និង​ FAO ​ផ្តល់​គ្រឿងយន្ត​ ​៣​១​គ្រឿង​ ​ជំរុញ​ផលិតកម្ម​ស្រូវ​សរីរាង្គ​នៅ​ព្រះវិហារ​

ព្រឹត្តិការណ៍, សេដ្ឋកិច្ច

• 20/11/2026

ក្រសួង​កសិកម្ម​ ​រុក្ខា​ប្រមាញ់​ និង​នេសាទ​ ​សហការ​ជាមួយ​អង្គការ​ស្បៀង ​និង​កសិកម្ម​នៃ​សហ​ប្រជា​ជាតិ​ ​(​FA​O​)​ ​តាមរយៈ​គម្រោង​គជ់ ​បាន​ផ្តល់​គ្រឿងយន្ត​កសិកម្ម​ចំនួន​ ៣១​គ្រឿង​ ដល់​សហគមន៍​កសិកម្ម​ក្នុង​ខេត្ត​ព្រះវិហារ ​ដើម្បី​ជំរុញ​ផលិតកម្ម​ស្រូវ​សរីរាង្គ ​បង្កើន​ផលិតភាព​ ​និង​កាត់បន្ថយ​ថ្លៃ​ដើម​ផលិតកម្ម​

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈពេលប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា