ភ្នំពេញ ៖ ថ្មីៗនេះកម្ពុជាកំពុងស្វែងរកកាអនុម័តគោលនយោបាយជាតិស្វាយចន្ទី ដើម្បីបំពេញបន្ថែមនូវតម្លៃរបស់ស្វាយចន្ទី ចំពោះអ្នកដាំដុះ លើការអនុវត្តខ្សែចង្វាក់តម្លៃ និងខ្សែច្រវាក់ផលិតកម្មស្វាយចន្ទី និងអ្នកកែច្នៃ ផលិតកម្មកែច្នៃគ្រាប់ស្វាយចន្ទីរបស់កម្ពុជា ដែលជំរុញឲ្យមានការប្រកួតប្រជែង និងការធ្វើពិពិធកម្មទីផ្សារផងដែរ។ ប៉ុន្តែកសិករអ្នកដាំដំណាំស្វាយចន្ទីមួយចំនួនហាក់មិនទាន់បានយល់ដឹងច្បាស់ថា តើគោលនយោបាយនេះជួយអ្វីខ្លះដល់ពួកគាត់។

លោក អេង ថុង ប្រធានសហគមន៍សំបូរមានជ័យបានថ្លែងប្រាប់ AMS ពីគោលបំណងចង់ឱ្យការងារបង្កើតសិប្បកម្មកែច្នៃគ្រាប់ស្វាយចន្ទី សម្រេចបានផលនាពេលឆាប់ៗ ព្រោះសហគមន៍មានស្វាយចន្ទីជាង ២០០ហិកតា ខណៈដែលសិប្បកម្មកែច្នៃគ្រាប់ស្វាយចន្ទីក្នុងស្រុកមានតិចតួចនៅឡើយ។ ម៉្យាងវិញទៀត គ្រាប់ស្វាយចន្ទីរបស់ប្រជាកសិករតាមគ្រួសារ(មិនបានចូលជាសហគមន៍) នៅមានរាយប៉ាយច្រើន ដែលលោកសង្ឃឹមថានឹងអាចប្រមូលផ្តុំបាន និងបង្កភាពងាយស្រួលក្នុងការកែច្នៃសម្រាប់នាំចេញទៅកាន់ទីផ្សាររួម។

លោក អេង ថុង បានមានប្រសាសន៍ថា ៖
«បើគោលនយោបាយជាតិស្តីពីស្វាយចន្ទីល្អ ជួយដល់កសិករ យើងអាចផ្តល់ការងារជូនដល់ពលរដ្ឋក្នុងតំបន់ ក៏ដូចជាកសិករមួយចំនួនទៀត ដោយអាចចូលរួមជួយកាត់បន្ថយការធ្វើចំណាកស្រុក ហើយអាចអភិវឌ្ឍសមត្ថភាពផលិតកម្មនៃសិប្បកម្មក្នុងការកែច្នៃ ក៏ដូចជាផលិតនូវគ្រាប់ស្វាយចន្ទីសម្រាប់នាំចេញពីកម្ពុជាទៅកាន់ទីផ្សារអន្តរជាតិ»
លោកស្រី ឡឹង ម៉ានុត ជាម្ចាស់សិប្បកម្មកែច្នៃគ្រាប់ស្វាយចន្ទីចំការលើ បានប្រាប់ AMS ផងដែរថា សិប្បកម្មរបស់លោកស្រីបានបង្កើតតាំងពីឆ្នាំ២០១៦ និងមានការទទួលស្គាល់ពីសំណាក់អតិថិជនក្នុងស្រុក និងបានដាក់លក់នៅក្នុងផ្សារទំនើបក្នុងស្រុកមួយចំនួនផងដែរដូចជា ឡាក់គី និងអ៊ីអនជាដើម បន្ថែមពីនេះក៏បានធ្វើការផ្គត់ផ្គងទីផ្សារយ៉ាងទូលាយ ទាំងការលក់ដុំ និងលក់រាយទៅតាមបណ្តាខេត្តផងដែរ។

លោកស្រី ឡឹង ម៉ានុត បានមានប្រសាសន៍បញ្ជាក់ថា ៖
«សិប្បកម្មគ្រាប់ស្វាយចន្ទីរបស់ខ្ញុំចង់នាំចេញផលិតផលដែលធ្វើបានទៅក្រៅស្រុកដែរ ប៉ុន្តែមានផលលំបាក និងឧបសគ្គច្រើន។ បញ្ហាសំខាន់សម្រាប់សិប្បកម្មខ្ញុំ គឺលំបាកការរៀបចំឯកសារ ដោយមិនដឹងច្បាស់ថា គួររៀបចំបែបណា ទាក់ទងខាងនាយកដ្ឋានណាឲ្យប្រាកដ ដូច្នេះជាជម្រើសគឺមានតែផលិត និងផ្គត់ផ្គង់តែនៅលើទីផ្សារក្នុងស្រុកដូចសព្វថ្ងៃ ដែលអាចបង្កើតឱកាសការងារជួយដល់កម្មករជាស្ត្រីបានចំនួន១២នាក់ដែរ»
បច្ចុប្បន្ន សិប្បកម្មរបស់លោកស្រី ឡឹង ម៉ានុត មានសមត្ថភាពផលិត និងកែច្នៃគ្រាប់ស្វាយចន្ទីបានប្រមាណ ១០០គីឡូក្នុងមួយថ្ងៃ ប៉ុន្តែក៏អាស្រ័យលើអ្នកបញ្ជាទិញដែរ។
ដោយឡែកសិប្បកម្មជ័យសំបូររបស់លោកស្រី អ៊ិន ឡៃហួត បច្ចុប្បន្នបានធ្វើការផលិត កែច្នៃ និងនាំចេញគ្រាប់ស្វាយចន្ទីចំនួន ៧តោនទៅកាន់ប្រទេសជប៉ុន(លើកទី១) និងលើកទី២ មានចំនួន ៩តោន ដោយមានការទទួលស្គាល់ពីរដ្ឋមន្ត្រីកសិកម្ម តាមរយៈលទ្ធផលនៃការអនុវត្ត MOU ជាមួយក្រុមហ៊ុន Top Planning Japan (TPJ)បង្កើតសិប្បកម្មសាកល្បង និងដោយមានកិច្ចសហការល្អជាមួយនាយកដ្ឋានកសិ-ឧស្សាហកម្ម។
សិប្បកម្មជ័យសំបូររបស់លោកស្រី អ៊ិន ឡៃហួត មានសមត្ថភាពកែច្នៃគ្រាប់ស្វាយចន្ទីបាន ១០តោនក្នុងមួយខែ និងមានបុគ្គលិកបម្រើការងារសរុបចំនួន ១១០នាក់ (ស្រ្តី ៩៥) ។ ក្រៅពីទីផ្សារអន្តរជាតិ (ជប៉ុន)សិប្បកម្មមួយនេះ បានផ្គត់ផ្គងឱ្យទីផ្សារក្នុងស្រុក ដូចជា តំបន់ទេសចរណ៍ប្រាសាទសំបូរព្រៃគុក សហករណ៍សរីរាង្គខ្មែរ និងលក់ដុំ លក់រាយជូនអតិថិជនទៅតាមបណ្តាខេត្ត។
យោងតាមតួលេខក្រសួងកសិកម្មបង្ហាញថា កម្ពុជាបាននាំចេញផលិតផលគ្រាប់ស្វាយចន្ទីមានចំនួន ៨៩២ ៥៣៥,៧១ តោន (កើនឡើងចំនួន ៣៣៧,០៧%) ទៅកាន់ទីផ្សារបរទេសក្នុងរយៈពេល ៩ ខែនៃឆ្នាំ២០២១នេះ។ គ្រាប់ស្វាយចន្ទី បាននាំចេញទៅប្រទេសវៀតណាមចំនួន ៨៨៥ ១៤០ តោន ប្រទេសចិនចំនួន ៣ ៨៩៦,៩៤ តោន ប្រទេសថៃចំនួន ៣ ៣០៥,៤០ តោន ប្រទេសឥណ្ឌាចំនួន ៩៨,៦០ តោន ប្រទេសជប៉ុនចំនួន ៤៤,១៣ តោន ប្រទេសកូរ៉េចំនួន ១៦,៨៨ តោន ប្រទេសអារ៉ាប់ចំនួន ១៤,៥១ តោន ប្រទេសហូឡង់ចំនួន ៨,២១ តោន ប្រទេសបង់ក្លាដែសចំនួន ៧ តោន ប្រទេសឡាវចំនួន ៤ តោន ប្រទេសស្វីសចំនួន ០,០២ តោន ប្រទេសតូហ្គោចំនួន ០,០១ តោន និងប្រទេសអារ៉ាប់រួមចំនួន ០,០១ តោន៕

ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026

បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026

កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ
ព្រឹត្តិការណ៍, អត្ថបទពាណិជ្ជកម្ម
• 17/11/2026
ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)

ណាតូ លុបចោលកិច្ចប្រជុំកំពូលឆ្នាំ ២០២៧ ចំពេលភាពតានតឹងអាម៉េរិក-អឺរ៉ុបកើនឡើង
ព្រឹត្តិការណ៍, អាជីវកម្មថ្មី និងនវានុវត្ត
• 17/11/2026
អង្គការសន្ធិសញ្ញាអាត្លង់ទិកខាងជើង (NATO) បានសម្រេចមិនរៀបចំកិច្ចប្រជុំកំពូលថ្នាក់ដឹកនាំនៅឆ្នាំ ២០២៧ តាមផែនការដើមឡើយ ដោយសារការខ្វែងគំនិតគ្នាកាន់តែខ្លាំងឡើងក្នុងចំណោមសម្ព័ន្ធមិត្ត ជាពិសេសរវាងសហរដ្ឋអាម៉េរិក និងប្រទេសជាសមាជិកអឺរ៉ុប

កម្មវិធីសហគ្រិនចុងភៅ ឆ្នាំ២០២៦ ! អបអរសាទរទេពកោសល្យចុងភៅជំនាន់ថ្មី និងសហគ្រិនភាពក្នុងវិស័យម្ហូបអាហារ ចាប់ផ្តើមពីគំនិតច្នៃប្រឌិតម្ហូបអាហារ ឆ្ពោះទៅកាន់ឱកាសក្លាយជាសហគ្រិន
ព្រឹត្តិការណ៍, អត្ថបទពាណិជ្ជកម្ម
• 17/11/2026
ភ្នំពេញ ៖ សហគ្រិនខ្មែរបានបញ្ចប់កម្មវិធី «សហគ្រិនចុងភៅ» (Chefpreneur) ឆ្នាំ២០២៦ តាមរយៈការប្រកួតចម្អិនអាហារវគ្គផ្តាច់ព្រ័ត្រ្រ ដោយមានការចូលរួម ពីយុវជនដែលមានទេពកោសល្យ គណៈកម្មការជំនាញ ដៃគូធុរកិច្ច និងអ្នកប្រឹក្សាជំនាញ ក្នុងវិស័យសេវាកម្ម។ កម្មវិធីនេះបានឆ្លុះបញ្ចាំងពីយុទ្ធសាស្ត្រអភិវឌ្ឍសហគ្រិនភាពក្នុងវិស័យម្ហូបអាហារ តាមរយៈការរួមបញ្ចូល ការបណ្តុះបណ្តាលអំពីគំនិតអាជីវកម្ម ការគ្រប់គ្រងថ្លៃដើម ការប្រើប្រាស់គ្រឿងទេសចម្រុះ និងការកសាង ម៉ាកយីហោ

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន
ព្រឹត្តិការណ៍, អាជីវកម្មថ្មី និងនវានុវត្ត
• 17/11/2026
នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ
Top News, ព្រឹត្តិការណ៍, អចលនទ្រព្យ
• 17/11/2026
សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖





វិថីហិរញ្ញវត្ថុ























































Account
Security
Favourite Content