សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្រុមហ៊ុនជីប ម៉ុង កាលពីថ្ងៃទី១៨ ខែធ្នូ ឆ្នាំ២០២៤ បានឧបត្ថម្ភ ម៉ូតូឌ្រីមសង់ថ្មីសន្លាងចំនួន៥គ្រឿង និងភេសជ្ជៈ៤០០កេស សម្រាប់កម្មវិធីសន្និបាតបូកសរុបលទ្ធផលការងារពាណិជ្ជកម្មឆ្នាំ២០២៤ និងលើកទិសដៅការងារពាណិជ្ជកម្មឆ្នាំ២០២៥ ដែលបានប្រព្រឹត្តទៅនាថ្ងៃទី១៩-២០ ខែធ្នូ ឆ្នាំ២០២៤។ សម្រាប់ម៉ូតូទាំង ៥គ្រឿងនេះ ក្រសួងពាណិជ្ជកម្មនឹងប្រើសម្រាប់ធ្វើជារង្វាន់លើកទឹកចិត្តដល់មន្ត្រីរាជការដែលបានខិតខំប្រឹងប្រែងធ្វើការបម្រើជាតិពេញមួយឆ្នាំ ខណៈភេសជ្ជៈ៤០០កេស សម្រាប់បម្រើដល់កម្មវិធីសន្និបាទទាំងមូល។
ឯកឧត្តម ឱក ប៊ុង រដ្ឋលេខាធិការក្រសួងពាណិជ្ជកម្ម និងថ្នាក់ដឹកនាំតំណាងក្រុមហ៊ុនខ្មែរប៊ែរវើរីជីស បានអញ្ជើញចូលរួមនៅក្នុងពិធីប្រគល់ទទួលអំណោយនេះ។
ឯកឧត្តម ឱក ប៊ុង បានថ្លែងអំណរគុណយ៉ាងជ្រាលជ្រៅចំពោះក្រុមហ៊ុនជីបម៉ុង ដែលបានផ្តល់អំណោយសម្រាប់ប្រើជាប្រយោជន៍ជួយលើកទឹកចិត្តដល់មន្ត្រីរាជការក្រសួងពាណិជ្ជកម្ម។ នេះជាកាយវិការដ៏ប្រពៃ និងកិច្ចសហការដ៏ល្អជួយគ្នាទៅវិញទៅមករវាងរដ្ឋាភិបាល និងវិស័យឯកជន។
គួរបញ្ជាក់ថា៖ ក្រុមហ៊ុន ជីប ម៉ុង តែងតែចូលរួមយ៉ាងសកម្មជាមួយរាជរដ្ឋាភិបាលក្នុងការផ្តល់ត្រលប់ទៅសង្គមវិញលើវិស័យជាច្រើនរួមមាន វិស័យបរិស្ថាន សុខាភិបាល អប់រំ ទេសចរណ៍ កីឡា វប្បធម៌ ព្រមទាំងសកម្មភាពសង្គម និងមនុស្សធម៌ជាច្រើនទៀតដើម្បីចូលរួមអភិវឌ្ឍន៍សេដ្ឋកិច្ចកម្ពុជា និងកិច្ចការសង្គម។
ក្រុមហ៊ុន ជីប ម៉ុង ជាក្រុមហ៊ុនពហុពាណិជ្ជកម្មដ៏ធំបំផុតមួយនៅកម្ពុជា ដែលបានចាក់គ្រឹះរឹងមាំ និងឈរជើងលើទីផ្សារជាង ៤ ទសវត្សរ៍ មកហើយ។ ជីប ម៉ុង បានវិនិយោគគ្របដណ្តប់លើវិស័យធំៗជាច្រើននៅក្នុងស្រុករួមមាន៖ វិស័យអចលនទ្រព្យ, ធនាគារ, បដិសណ្ឋារកិច្ច, ផ្សារទំនើប, ឧស្សាហកម្មស្រាបៀរ និងភេសជ្ជៈ ព្រមទាំងវិស័យផ្សេងៗទៀត ក្នុងការផ្តល់ជូននូវផលិតផល និងសេវាកម្មល្អបំផុតដល់អតិថិជន និងដៃគូពាណិជ្ជកម្មទូទាំងប្រទេសកម្ពុជាទទួលស្គាល់ និងជឿជាក់ទៅលើគុណភាព៕
Account
Security
Favourite Content