សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ តួលេខជាផ្លូវការដែលត្រូវបានបង្ហាញដោយរដ្ឋាភិបាលនៃចក្រភពអង់គ្លេសនៅសប្តាហ៍នេះបានបង្ហាញថា ពលរដ្ឋអង់គ្លេសដែលបាត់បង់ជិវិតដោយសារគ្រឿងស្រវឹងមានចំនួនកើនឡើងខ្លាំងដល់កម្រិតមួយខ្ពស់បំផុតមិនធ្លាប់មានឡើយក្នុងរយៈពេល៤ឆ្នាំចុងក្រោយនេះ។
របាយការណ៍ដែលត្រូវបានចេញមកផ្សាយដោយទូរទស្សន៍ BBC បានឲ្យដឹងថា គិតត្រឹមឆ្នាំ២០២៣ប៉ុណ្ណោះ មនុស្សដែលបានបាត់បង់ជិវិតដោយសារគ្រឿងស្រវឹងមានចំនួនដល់ទៅជាង ៨ ២០០នាក់ ពោលគឺស្ថិតនៅក្នុងអត្រាកើនឡើង៤២ភាគរយធៀបទៅនឹងឆ្នាំ២០១៩។ នៅក្នុងនោះដែរ ស្ថាប័នជំនាញរបស់រដ្ឋាភិបាលបានសរសេរថា វាគឺជាតួលេខខ្ពស់បំផុត និងមិនអាចទទួលយកបាននោះទេ ហើយបញ្ហាសុខមាលភាពនេះនឹងត្រូវគេដាក់ឲ្យក្លាយទៅជាកិច្ចការងារជាអាទិភាពដែលត្រូវដោះស្រាយសម្រាប់ផែនការសុខមាលភាពជាតិប្រចាំឆ្នាំនៅក្នុងរយៈពេល១០ឆ្នាំខាងមុខជាមិនខាន។
គួរកត់សម្គាល់ថា ក្នុងអំឡុងពេលពេលវិបត្តិកូវីដ គេសង្កេតឃើញថា ជាពេលវេលាដែលនាំឲ្យមានតួលេខនៃអ្នកបាត់បង់ជីវិតដោយសារគ្រឿងស្រវឹងកើនឡើងខ្ពស់ ដោយសារតែក្នុងអំឡុងពេលរាំងខ្ទប់វាបានធ្វើឲ្យចំនួននៃអ្នកទទួលទានគ្រឿងស្រវឹងមានការកើនឡើងខ្ពស់ និងផឹកកាន់តែច្រើនជាងពេលធម្មតាថែមទៀតផង។
ចាប់តាំងពីពេលនោះមក ចំនួនអ្នកស្លាប់មានការកើនឡើងជាប្រចាំនៅអង់គ្លេសដែលក្នុងនោះមនុស្សភាគច្រើនដែលស្លាប់គឺជាមនុស្សប្រុស។ ពួកគេបាត់បង់ជីវិតនៅអាយុមុន៧៥ឆ្នាំ ហើយភាគច្រើនគឺបង្កមកពីជំងឺដែលពាក់ព័ន្ធទៅនឹងគ្រឿងស្រវឹងដូចជាជំងឺថ្លើមជាដើម។ មានកត្តាជាច្រើនដែលនាំឲ្យពួកគេនិយមផឹកស្រាច្រើន ដែលសូម្បីរដ្ឋាភិបាលអង់គ្លេសក៏ទទួលស្គាល់ដែរថា បញ្ហានៃវិបត្តិសេដ្ឋកិច្ច ការកើនឡើងនៃខ្ទង់ចំណាយនាពេលបច្ចុប្បន្នក៏ជាចំណែកមួយធ្វើឲ្យពលរដ្ឋអង់គ្លេសទាំងនោះត្រូវប្រឈមមុខទៅនឹងបញ្ហាស្តេ្រស និងពិបាកចិត្តជាមួយនឹងបញ្ជីចំណាយខ្ពស់ ហើយបែរជាងាកទៅរកការទទួលទានគ្រឿងស្រវឹងជំនួសវិញ។
សម្ព័ន្ធដើម្បីសុខភាពជាតិកិច្ចការងារគ្រឿងស្រវឹងរបស់អង់គ្លេស ( Alcohol Health Alliance) ដែលជាតំណាងឲ្យអង្គការពាក់ព័ន្ធប្រមាណជា៦០ដែលកំពុងធ្វើការងារដើម្បីកាត់បន្ថយភាពគំរាមកំហែងពីផលិតផលគ្រឿងស្រវឹងបានលើកឡើងថា ការបាត់បង់ជីវិតដោយសារគ្រឿងស្រវឹង គឺជាសញ្ញាដ៏អាក្រក់មួយដែលឆ្លុះបញ្ចាំងអំពីសង្គម ហើយវានឹងក្លាយទៅជាសំពាធដ៏ធ្ងន់ធ្ងរមួយដែលទំលាក់ទៅលើការអភិវឌ្ឍសេដ្ឋកិច្ចជាតិ និងដាក់ទំងន់ខ្លាំងទៅលើសេវាសាធារណៈផ្នែកសុខាភិបាលផង៕
Account
Security
Favourite Content