សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុនាថ្ងៃទី ២៤ ខែឧសភាថ្មីៗនេះ សហគ្រិនខ្មែរដែលជាស្ថាប័នបង្កើតឡើងដោយ ក្រសួងសេដ្ឋកិច្ចនិងហិរញ្ញវត្ថុ បានរៀបចំ “ថ្ងៃបណ្តាញទំនាក់ទំនងប្រព័ន្ធអេកូឡូស៊ី” ដើម្បីជាការផ្ដល់វេទិកាជូនដល់ដៃគូរដែលបានចូលរួម នូវឳកាសក្នុងការទំនាក់ទំនង ក៏ដូចជាបើកកិច្ចពិភាក្សាដើម្បីបង្កើតជាយុទ្ធសាស្ត្រដ៏រឹងមុំាមួយ សម្រាប់ការអនុវត្តគម្រោងទៅថ្ងៃអនាគត។
កម្មវិធីនេះដែរ ធ្វើឡើងក្រោមអធិបតីភាពរបស់ឯកឧត្តម វង្សី វិស្សុត រដ្ឋមន្រ្តីប្រតិភូអមនាយករដ្ឋមន្រ្តី រដ្ឋលេខាធិការប្រចាំការក្រសួងសេដ្ឋកិច្ចនិងហិរញ្ញវត្ថុ និងជាប្រធាន ក្រុមប្រឹក្សាបរធនបាលនៃមូលនិធិអភិវឌ្ឍសហគ្រិនភាព។ ក្រៅពីនោះ ក៏មានការចូលរួមពីអ្នកតំណាងមកពីស្ថាប័នរាជរដ្ឋាភិបាល ស្ថានទូត ស្ថាប័នគាំទ្រវិស័យសហគ្រិនភាព (ESOs) ស្ថាប័នហិរញ្ញវត្ថុ សមាគម បណ្តាញធុរកិច្ច និងអ្នកពាក់ព័ន្ធដទៃទៀត សរុបប្រមាណជា ១២០នាក់។
ក្នុងឳកាសនេះផងដែរ សហគ្រិនខ្មែរបានលើកឡើងពី សកម្មភាពមួយចំនួនក្នុងចំណោមកម្មវិធីជាច្រើនដែលបានអនុវត្តកន្លងមករាប់បញ្ចូលកាគាំទ្រទាំងផ្នែកបច្ចេកទេស និងហិរញ្ញវត្ថុ។ ក្នុងនោះ ក៏មានវគ្គជជែកពិភាក្សា ដែលមានការចូលរួមយ៉ាងសកម្មពីសំណាក់ដៃគូជាតិ និងអន្តរជាតិ ក្នុងការចែករំលែកមតិកែលម្អ និងបទពិសោធន៍ដែលរួមចំណែកដល់ការកែលម្អប្រព័ន្ធអេកូឡូស៊ី។
តាមរយៈកិច្ចខិតខំប្រឹងប្រែងកន្លងមកនេះ ឯកឧត្តម វង្សី វិស្សុត បានមានប្រសាសន៍ថា៖
“ប្រព័ន្ធអេកូឡូស៊ីសហគ្រិនភាព គឺជាកត្តាសំខាន់មិនអាចខ្វះបានសម្រាប់លើកស្ទួយសហគ្រិនភាព និងជាសសរស្តម្ភ នៃការអភិវឌ្ឍវិស័យឯកជន ដែលជាកម្លាំងចលករក្នុងការទ្រទ្រង់កំណើនសេដ្ឋកិច្ច ការបង្កើតតម្លៃបន្ថែម ការបង្កើតការងារ ការបង្កើនប្រសិទ្ធភាព សេដ្ឋកិច្ច និងជាប្រភពនៃនាវានុវត្តន៍។”
ឯកឧត្តមបន្តមានប្រសាសន៍ទៀតថា៖
“រាជរដ្ឋាភិបាលចង់ឃើញធុរកិច្ចបង្កើតថ្មី (Start-up) រីកលូតលាស់ក្លាយ ទៅជាសហគ្រាសធុនតូច និងមធ្យម (SMEs) ចង់ឃើញសហគ្រាសធុនតូច (Micro Enterprises) រីកលូតលាស់ក្លាយទៅជាសហគ្រាសធុនមធ្យម (Medium Enterprises) និងចង់ឃើញសហគ្រាសធុនមធ្យម រីកចម្រើនលូតលាស់អភិវឌ្ឍន៍ខ្លួន ទៅជាសហគ្រាសធុនធំ ព្រមទាំងចង់ឃើញសហគ្រាសទាំងនោះ ជួយបង្កើតតម្លៃបន្ថែមឱ្យបានកាន់តែច្រើនក្នុងសេដ្ឋកិច្ចជាតិ និងបង្កើនសមត្ថភាពប្រកួតប្រជែងឱ្យកាន់តែខ្លាំងក្លា។”
យ៉ាងណាមិញ ដើម្បីសម្រេចនូវគោលដៅសេដ្ឋកិច្ចជាតិទាំងនេះ សហគ្រិនខ្មែរបានធ្វើការជាច្រើន ដោយផ្ដោតសំខាន់លើវិស័យចំនួន៤គឺ បច្ចេកវិទ្យា កសិកម្ម ឧស្សាហកម្ម និងសេវាកម្ម។
បើតាម ឯកឧត្តមបណ្ឌិត ឈៀង វណ្ណមុនិណ្ឌ នាយកប្រតិបត្តិនៃសហគ្រិនខ្មែរ បានឲ្យដឹងថា កន្លងមកសហគ្រិនខ្មែរបានដាក់ចេញនូវសកម្មភាពជាច្រើន ដើម្បីជាជំនួយដល់ធុរកិច្ចបង្កើតថ្មី និងសហគ្រាសដែលកំពុងដំណើរការអាជីវកម្មផងដែរ។
សកម្មភាពទាំងនោះរួមមាន៖ បណ្ដុះបណ្ដាលសិស្សានុសិស្សចាប់តាំងពីកម្រិតវិទ្យាល័យទៅ ដោយបណ្ដុះគំនិតសហគ្រិនភាពទៅដល់ពួកគេ។ សម្រាប់សហគ្រិនដែលចង់ក្លាយជាអ្នកប្រកបអាជីវកម្មណាមួយ ពួកគេក៏នឹងទទួលបានការបណ្ដុះបណ្ដាល អំពីរបៀបដែលធ្វើឲ្យអាជីវកម្មពួកគេលូតលាស់ បន្ទាប់មកនៅក្នុងប្រព័ន្ធអេកូឡូស៊ី នៅពេលដែលសហគ្រិនចាប់ផ្ដើមអាជីវកម្ម ពួកគេនឹងប្រឈមមុខនឹងការខ្វះបណ្ដាញ ដូច្នេះសហគ្រិនខ្មែរក៏មានក្រុមការងារដែលធ្វើការ លើចំនុចនេះតែម្ដង។ និងចុងក្រោយ សហគ្រិនខ្មែរក៏មានជួយជាថវិកាសម្រាប់ទ្រទ្រង់អាជីវកម្មដែលរងផលប៉ះពាល់ដោយកូវីដផងដែរ៕
Account
Security
Favourite Content