សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ធនាគារហត្ថា បានផ្ដល់ជូនអត្រាការប្រាក់បន្ថែម០,១០%ចំពោះអតិថិជនដែលបើកគណនីបញ្ញើមានកាលកំណត់គ្រប់ប្រភេទតាមរយៈកម្មវិធី Hattha Mobile ។កម្មវិធីនេះផ្តល់ជូនពីថ្ងៃនេះរហូតដល់ថ្ងៃទី ៣០ ខែមេសា ឆ្នាំ២០២៤។
លោក យឹម ទិត្យា អគ្គនាយកឌីជីថលនៃធនាគារហត្ថា បានមានប្រសាសន៍ឱ្យដឹងថា៖ គោលបំណងនៃការបន្ថែមអត្រាការប្រាក់ ០,១០%នេះគឺដើម្បីលើកទឹកចិត្តដល់អតិថិជនទាំងអស់កំពុងប្រើប្រាស់ Hattha Mobileហើយត្រូវការបើកគណនីបញ្ញើមានកាលកំណត់បន្ថែម។ហើយសម្រាប់អតិថិជនដែលមិនទាន់មានគណនីជាមួយធនាគារហត្ថា ពួកគាត់ក៏អាចទទួលបានអត្ថប្រយោជន៍នេះដែរដោយគាត់គ្រាន់តែដោនឡូត Hattha Mobile រួចបង្កើតគណនីជាមួយធនាគារហត្ថាដោយខ្លួនឯង បន្ទាប់មកបង្កើតគណនីសន្សំមានការកំណត់មួយនោះ នឹងទទួលបានការប្រាក់បន្ថែម០,១០% ពីលើស្តង់ដារអត្រាការប្រាក់។
លោកអគ្គនាយកឌីជីថល បានឱ្យដឹងទៀតថា៖អត្រាការប្រាក់បន្ថែម០,១% នេះ នឹងត្រូវបានបូកបន្ថែមដោយស្វ័យប្រវត្តិលើអត្រាការប្រាក់ស្តង់ដានៅរៀងរាល់ពេលដែលអតិថិជនបើកគណនី រួចដាក់ប្រាក់ចំនួនតិចបំផុតចាប់ពី២០០.០០០រៀលឬ៥០ដុល្លារឡើងទៅហើយជ្រើសរើសរយៈពេលណាមួយក៏បាន។ពិសេសជាងនេះទៅទៀតអតិថិជនដែលបានដាក់ប្រាក់បញ្ញើចាប់ពី១០.០០០ ដុល្លារ និង១ឆ្នាំឡើងទៅនឹងទទួលបាន«កញ្ចប់ធានារ៉ាប់រងអាយុជីវិត១០.០០០ដុល្លារ រយៈពេលមួយឆ្នាំ»ដោយឥតគិតថ្លៃពីកម្មវិធីការផ្ដល់ជូនពិសេសផលិតផលធានារ៉ាប់រង«ស្មាយ ការពារគ្រោះថ្នាក់អាយុជីវិតជាក្រុម»ដោយគ្រាន់តែអតិថិជនត្រូវគោរពតាមលក្ខខណ្ឌមួយចំនួននៃកម្មវិធីប៉ុណ្ណោះ។
ធនាគារ ហត្ថា ជាធនាគារពាណិជ្ជដែលមានវត្តមាននៅក្នុងព្រះរាជាណាចក្រកម្ពុជាអស់រយៈកាល៣០ឆ្នាំមកហើយ ដែលផ្តល់ជូនសេវាហិរញ្ញវត្ថុយ៉ាងទូលំទូលាយដល់អតិថិជនរបស់ខ្លួន។ គិតត្រឹមត្រីមាសទី៤ ឆ្នាំ២០២៣ ធនាគារ ហត្ថា កំពុងកាន់កាប់តំណែងជាធនាគារពាណិជ្ជធំជាងគេលំដាប់ទី៤ផ្អែកលើការិយាល័យប្រតិបត្តិការរបស់ខ្លួន។ ធនាគារ ហត្ថា ជាក្រុមហ៊ុនបុត្រសម្ព័ន្ធរបស់ ធនាគារ ក្រុងស្រ៊ី ដែលជាសម្ព័ន្ធហិរញ្ញវត្ថុធំបំផុតលំដាប់ទី៥ នៅក្នុងព្រះរាជាណាចក្រថៃឡង់ដ៍ ដែលមានអាយុកាលអាជីវកម្មរយៈពេល៧៨ឆ្នាំ។ ធនាគារ ក្រុងស៊្រី ជាសមាជិកយុទ្ធសាស្ត្រនៃសម្ព័ន្ធហិរញ្ញវត្ថុអន្តរជាតិ MUFG Financial Group ដែលជាសម្ព័ន្ធហិរញ្ញវត្ថុធំជាងគេនៅក្នុងប្រទេសជប៉ុននិងធំបំផុតមួយនៅក្នុងពិភពលោក៕
Account
Security
Favourite Content