សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឈរនៅលើគោលការណ៍ «ទីក្រុងស្អាត បរិស្ថានស្អាត សេវាកម្មល្អ» គណៈគ្រប់គ្រងផ្សារបោះដុំឃ្លាំងរំសេវថ្មីសែនសុខ បាន និងកំពុងយកចិត្តទុកដាក់រៀបចំបន្ថែមនូវហេដ្ឋារចនាសម្ព័ន្ធនានា ទាំងនៅផ្នែកខាងក្នុង និងនៅបរិវេណជុំវិញផ្សារឱ្យមានសោភ័ណភាពគួរជាទីទាក់ទាញប្រកបដោយអនាម័យខ្ពស់ និងមានសណ្ដាប់ធ្នាប់ល្អ ដើម្បីអភិវឌ្ឍខ្លួនក្លាយជាផ្សារគំរូមួយនៅក្នុងរាជធានីភ្នំពេញ។
ក្នុងនាមជាផ្សារមានរបៀបរៀបរយនៅក្នុងតំបន់បច្ចុប្បន្ន ផ្សារបោះដុំឃ្លាំងរំសេវថ្មីសែនសុខត្រូវបានមហាជនមើលឃើញថា ជាផ្សារដែលមានការរៀបចំយ៉ាងមានរបៀប មានសណ្ដាប់ និងមានអនាម័យខ្ពស់ ជាពិសេសមានប្រព័ន្ធការពារសុខសុវត្ថិភាពល្អជាងបណ្តាផ្សារមួយចំនួននៅក្នុងរាជធានីភ្នំពេញ។
លោក សោម កែវម៉ាលីដា នាយកប្រតិបត្តិផ្សារបោះដុំឃ្លាំងរំសេវថ្មីសែនសុខ បានលើកឡើងឱ្យដឹងថា ជាទូទៅ ពាក្យថាផ្សារ គឺជាទីប្រមូលផ្តុំមុខទំនិញ និងសម្ភារៈប្រើប្រាស់នានា ដែលមានមនុស្សយ៉ាងច្រើនកុះករចេញចូលជាប្រចាំ ដូច្នេះការរក្សាអនាម័យ សោភ័ណភាព សុវត្ថិភាព គឺជាចំណុចមួយយ៉ាងសំខាន់ដែលអ្នកអភិវឌ្ឍន៍ផ្សារចាំបាច់ត្រូវតែយកចិត្តទុកដាក់ជាពិសេសមុនគេបន្ទាប់ពីការរៀបចំហេដ្ឋារចនាសម្ព័ន្ធឱ្យបានធំទូលាយ និងមានរបៀបរៀបរយ។
លោក សោម កែវម៉ាលីដា បានមានប្រសាសន៍ថា ៖
“ផ្សារបោះដុំឃ្លាំងរំសេវថ្មីសែនសុខរបស់យើងនេះ គឺមានចក្ខុវិស័យវែងឆ្ងាយ ដែលក្រៅពីជាទីកន្លែងផ្គត់ផ្គង់រាល់មុខទំនិញបោះដុំគ្រប់ប្រភេទទៅដល់បណ្តាអាជីវករជាដៃគូ ក៏ដូចជាបណ្តាផ្សារដទៃទៀតនៅក្នុងតំបន់ដើម្បីយកទៅលក់បន្តយកចំណេញនោះ យើងក៏មានការផ្គត់ផ្គង់ទំនិញរាយដែលជាតម្រូវការចាំបាច់ប្រចាំថ្ងៃសម្រាប់បងប្អូនប្រជាពលរដ្ឋទាំងនៅក្នុងតំបន់ និងអ្នកឆ្លងកាត់ ជាពិសេសផ្នែកចំណីអាហារ និងគ្រឿងអេឡិចត្រូនិក គ្រឿងទូរស័ព្ទជាដើម”
ជាមួយនឹងការបង្ហាញពីចក្ខុវិស័យវែងឆ្ងាយនេះ លោក សោម កែវម៉ាលីដា បានមានប្រសាសន៍ប្រាប់ឱ្យដឹងថា គណៈគ្រប់គ្រងផ្សារមានបំណងធ្វើការរៀបចំផ្សារបោះដុំឃ្លាំងរំសេវថ្មីសែនសុខ ឱ្យក្លាយទៅជាផ្សារគំរូមួយនៅក្នុងតំបន់ ក៏ដូចជានៅក្នុងរាជធានីភ្នំពេញផងដែរ ខណៈដែលទម្រង់នៃប្លង់មេរបស់ផ្សារត្រូវបានរចនាយ៉ាងយកចិត្តទុកដាក់ មានលក្ខណៈល្អបំផុត និងមានផាសុកភាព ខុសប្លែកពីបណ្តាផ្សារដទៃទៀត។
លក្ខណៈពិសេសរបស់ផ្សារបោះដុំឃ្លាំងរំសេវថ្មីសែនសុខ ដែលកំពុងអភិវឌ្ឍខ្លួនក្លាយជាផ្សារគំរូនាពេលនេះ ក្រៅពីមានតូបសម្រាប់លក់ទំនិញចំរុះសរុបប្រមាណ ១ ០០០តូបក្រោមការរៀបចំយ៉ាងមានរបៀប មានផ្លូវមេទំហំរហូតដល់៦ម៉ែត្រ ផ្លូវតូចទំហំ ៣ម៉ែត្រ ដែលអាចអនុញ្ញាតឱ្យអតិថិជនជិះម៉ូតូចូលបានយ៉ាងងាយស្រួល មានទីចំណតរថយន្តធំទូលាយអាចផ្ទុកបានរាប់រយគ្រឿងប្រកបដោយសុវត្ថិភាព មានបន្ទប់ទឹកអនាម័យធំទូលាយចំនួន៣ទីតាំង ដំបូលផ្សារមានកម្ពស់ខ្ពស់ មិនហប់ មិនក្ដៅ និងមានខ្យល់ចេញចូលគ្រប់គ្រាន់ មានបណ្តាញទឹកស្អាត និងអគ្គិសនី ២៤ម៉ោង លើ ២៤ម៉ោង ដោយមានម៉ាស៊ីនភ្លើងសម្រាប់ផ្គត់ផ្គង់បន្ថែមគ្រប់គ្រាន់ ហើយថែមទាំងមានអង់តែនសេវាផ្ទាល់ខ្លួនទៀតផង។ ដោយឡែក សម្រាប់ផ្សារផ្គត់ផ្គង់បន្លែ ត្រី សាច់ ក៏ត្រូវបានរៀបចំយ៉ាងមានរបៀបរៀបរយ មានអនាម័យល្អដូចគ្នា ដែលផ្តោតសំខាន់ទៅលើសោភ័ណភាព និងផាសុកភាពរបស់អាជីវករ និងអតិថិជនជាសំខាន់ផងដែរ។
គួរបញ្ជាក់ផងដែរថា ជាមួយនឹងការយកចិត្តទុកដាក់ទៅលើបណ្តាអាជីវករក្នុងការរៀបចំយុទ្ធសាស្ត្រជួយសម្រួលដល់ការលក់ និងទទួលបានផលចំណេញ គណៈគ្រប់គ្រងផ្សារបោះដុំឃ្លាំងរំសេវថ្មីសែនសុខក៏បានផ្តល់នូវសិទ្ធិជាអាទិភាពដល់គ្រប់បណ្តាអាជីវករផងដែរក្នុងការរៀបចំតុបតែងលម្អរស្តង់ ឬហាងរបស់ខ្លួន ជាពិសេសការសម្រេចចិត្តនាំយកផលិតផលគ្រប់ប្រភេទមកដាក់តាំងលក់តាមតម្រូវការ លើកលែងតែប្រភេទផលិតផលដែលត្រូវបានហាមឃាត់ដោយច្បាប់តែប៉ុណ្ណោះ។ ពោល គឺគ្រប់អាជីវករទាំងអស់មានសិទ្ធិសេរីភាពក្នុងការលក់គ្រប់ប្រភេទទំនិញដែលស្របច្បាប់ ហើយអាចកំណត់តម្លៃទំនិញបានដោយខ្លួនឯងដើម្បីអាចប្រកួតប្រជែងទីផ្សារ និងទទួលបានផលចំណេញខ្ពស់៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន ប៉េង ហួត គ្រុប ប្រារព្ធខួប ២០ឆ្នាំ និងបង្ហាញពីវិសាលភាពនៃការរីកចម្រើនលើផ្ទៃដីអភិវឌ្ឍន៍ជិត ១,០០០ ហិកតា ជុំវិញរាជធានីភ្នំពេញ
ព្រឹត្តិការណ៍, អត្ថបទពាណិជ្ជកម្ម
• 13/04/2026
ក្រុមហ៊ុន ប៉េង ហួត គ្រុប ដែលជាសសរស្តម្ភដ៏រឹងមាំក្នុងវិស័យអភិវឌ្ឍន៍អចលនទ្រព្យនៅកម្ពុជា បានរៀបចំពិធីជប់លៀងប្រចាំឆ្នាំយ៉ាងមហោឡារិក ដើម្បីអបអរសាទរដំណើរកសាងសមិទ្ធផលអស់រយៈពេល ២ទសវត្សរ៍
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content