សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អ្នកចិញ្ចឹមត្រីក្នុងស្រុកជាច្រើនតែងតែមិនចង់ឱ្យមានការនាំចូលនូវត្រីពីប្រទេសជិតខាង ព្រោះវាធ្វើឱ្យបាត់បង់ចំណែកទីផ្សារ និងបង្កជាបញ្ហាដល់ការលក់ រួមមានការធ្លាក់ថ្លៃជាដើម ហើយរឹតតែមិនអាចបញ្ចេញត្រីចិញ្ចឹមក្នុងស្រះរបស់ខ្លួនមកកាន់ទីផ្សារបានឡើយ។ នេះគឺជាបញ្ហាក្តៅដែលកំពុងកើតមានឡើងក្នុងវិស័យវារីវប្បកម្មកម្ពុជាដែលក្រសួងកសិកម្ម រុក្ខាប្រមាញ់ និងនេសាទកំពុងស្វះស្វែងរកដំណោះស្រាយជួយដល់កសិករដែលអ្នកប្រកបរបរចិញ្ចឹមត្រី។
ជាទូទៅ សម្រាប់ការនាំចូលត្រីពីប្រទេសវៀតណាមចូលមកកានើទីផ្សារកម្ពុជា រួមមានប្រភេទត្រីអណ្ដែង ត្រីប្រា ត្រីពោរ ត្រីក្រាញ់ និងត្រីឆ្តោរជាដើម ដែលវារីវប្បករកម្ពុជាសុទ្ធតែអាចមានលទ្ធភាពចិញ្ចឹមបានដូចគ្នា។
ប្រធានសមាគមវារីវប្បករកម្ពុជា លោក សុខ រ៉ាដែន បានមានប្រសាសន៍ប្រាប់AMSថា ភាគច្រើនសមាជិកសមាគមវារីវប្បករកម្ពុជាមិនសូវ ទទួលបានការចាប់អារម្មណ៍ ឬបញ្ជាទិញត្រីចិញ្ចឹមរបស់ខ្លួនដើម្បីយកទៅចែកចាយនៅលើទីផ្សារក្នុងស្រុកនោះឡើយ ហើយបញ្ហានេះក្រសួងកសិកម្ម រុក្ខាប្រមាញ់ និងនេសាទ ក៏ធ្លាប់បានហៅអ្នកប្រមូលទិញ និងអ្នកចិញ្ចឹមត្រីក្នុងស្រុកជជែកគ្នារួចហើយ ដោយលើកទឹកចិត្តដល់អ្នកបញ្ជាទិញគួរទិញត្រីក្នុងស្រុកឱ្យអស់សិន ទើបត្រូវនាំចូលត្រីពីប្រទេសជិតខាង ជាពិសេសប្រទេសវៀតណាម ប៉ុន្តែជាលទ្ធផល បញ្ហានៅតែបន្តកើតមានដដែល។
លោក សុខ រ៉ាដែន បានមានប្រសាសន៍ថា ៖
“គេមិនចាប់ត្រីក្នុងស្រុកទេ គេបាននាំចូលត្រីពីប្រទេសវៀតណាមមកចែកចាយលក់ក្នុងស្រុក ហើយគេមានឡានចែកចាយដល់បណ្តាខេត្តថែមទៀត។ ដូច្នេះត្រីនៅក្នុងស្រះរបស់សមាជិកសមាគមមួយចំនួននៅសល់ពេញក្នុងស្រះ ស្ទះពុំអាចបញ្ចេញលក់បាន”
លោកបានបញ្ជាក់ថា ៖
“ការនាំចូលផលិតផលជលផលពីក្រៅប្រទេសមកប្រកួតប្រជែងជាមួយនឹងផលិតផលក្នុងស្រុកដោយគ្មានភាពត្រឹមត្រូវ និងសមធម៌ រួមជាមួយនឹងការធ្វើអាជីវកម្មតាមបែបទុច្ចរិតរបស់ឈ្មួញអាចនឹងបង្កអន្តរាយដល់វិស័យវារីវប្បកម្មក្នុងស្រុកជាក់ជាមិនខាន”
ប្រធានសមាគមវារីប្បកម្មកម្ពុជារូបនេះបានបញ្ជាក់ថា ដោយសារតែបញ្ហាទប់ស្កាត់ការនាំចូលត្រីពីក្រៅស្រុកនៅមិនទាន់មានប្រសិទ្ធភាពខ្ពស់នោះ ក្នុងចំណោមសមាជិករបស់សមាគមជាង 270នាក់ ភាគច្រើនគ្មានលទ្ធភាពយកត្រីពីស្រះទៅដល់យឿត្រីដើម្បីចែកចាយ និងផ្គត់ផ្គង់ចំណែកទីផ្សារនោះឡើយ ហើយអ្នកចិញ្ចឹមត្រីទាំងនោះកំពុងប្រឈមនឹងការខាតបង់យ៉ាងធ្ងន់ធ្ងរ។
ពាក់ព័ន្ធទៅនឹងបញ្ហាខាងលើនេះ ឯកឧត្តម ស្រី វុឌ្ឍី អគ្គលេខាធិការនៃក្រសួងកសិកម្ម រុក្ខាប្រមាញ់ និងនេសាទ បានប្រាប់AMSថា បញ្ហាដែលបានលើកឡើងនេះ ក្រសួងកំពុងមានយន្តការ និងបន្តស្វែងរកដំណោះស្រាយ ដើម្បីធ្វើយ៉ាងណាអាចមានភាពល្អប្រសើរដល់វិស័យមួយនេះ។
ឯកឧត្តមបន្តថា ៖
“ខាងសមាគមចង់សុំបង្កើននូវយឿត្រី ឬស្តង់ថ្មីមួយ ដើម្បីឱ្យសមាជិកសមាគមអាចចាប់ត្រីពីស្រះសម្រាប់លក់ទៅកាន់ទីផ្សារ សំណើនេះ ក្រសួងគិតថាមិនមានបញ្ហាអ្វីទេ។ ការស្នើសុំបង្កើតយឿត្រីនេះក្រសួងជំរុញ និងចង់ឱ្យតែមានអ្នកបង្កើត ព្រោះត្រូវការថវិកាវិនិយោគ។ គាត់មានលុយខ្លះ ហើយគាត់អាចប្រមូលពីសមាជិកបានខ្លះ ឬក៏ខ្ចីទុនបន្ថែមតាមរយៈធនាគារអភិវឌ្ឍកសិកម្ម បើគាត់ធ្វើដូចនេះ ក្រសួងអបអរសាទរ។ ការបង្កើតស្តង់ ឬយឿត្រីរួចហើយ អ្នកចិញ្ចឹមត្រីត្រូវរកស៊ីជាមួយគ្នា។ ការចិញ្ចឹមត្រូវច្បាស់លាស់ពីចំនួន ដើម្បីផ្គត់ផ្គង់ឱ្យឆាប់ និងមាននិរន្តរភាព ទាន់ពេលវេលា”
ឯកឧត្តមបានបញ្ជាក់ថា ៖
“យើងក៏មានផែនការហ្នឹងដើម្បីឱ្យគាត់ធ្វើ ព្រោះថាឈ្មួញនាំចូលក៏មានតែ2-3នាក់ យើងអាចសម្របសម្រួល ដើម្បីបង្កើតជាអ្នកនាំត្រីផ្គត់ផ្គង់របស់សមាគមយើងដោយកុំរង់ចាំតែគេ។ ដូច្នេះទំនាស់នេះ ក៏ជាទំនាស់មួយដែលជួយធ្វើឱ្យមានការរីកចម្រើន យើងកំពុងតែព្យាយាមបន្តយន្តការជួយដល់វារីវប្បករដោយដាក់ការស្នើសុំទៅក្រសួងសេដ្ឋកិច្ច ដើម្បីសម្រេចកិច្ចការនេះដែរ”
ទោះជាយ៉ាងណាក៏ដោយ ឯកឧត្តម ស្រី វុឌ្ឍី បានលើកឡើងថា ក្រសួងកសិកម្ម រុក្ខាប្រមាញ់ និងនេសាទ មានតែបច្ចេកទេស និងទុនបន្តិចបន្តួចដែលអាចជួយត្រឹមកសិករខ្នាតតូច ដូចជាបង្កើតឱ្យមានស្តង់ដារ ឬក៏ជាស្រះល្អជាងមុន ធំជាងមុនបន្តិច ហើយក៏បានលើកយកបញ្ហាទាំងនេះប្រគល់ជូនទៅជំនាញរដ្ឋបាលជលផលសិក្សារួចហើយ ដើម្បីជំរុញការងារ និងមានដំណោះស្រាយឱ្យបានឆាប់ សម្រាប់គាំទ្រដល់វិស័យវារីវប្បកម្មនៅកម្ពុជា៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
អារ៉ាប៊ីសាអូឌីត ត្រៀមបំពាក់យន្តហោះបំបាំងកាយ F-35 ចំនួន ៤៨គ្រឿង ក្រោយអាម៉េរិកអនុម័តលក់
ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
អារ៉ាប៊ីសាអូឌីតគ្រោងទិញយន្តហោះចម្បាំងបំបាំងកាយ F-35 Lightning II ចំនួន ៤៨គ្រឿងពីរដ្ឋាភិបាលអាម៉េរិក ក្រោយទីក្រុងវ៉ាស៊ីនតោនអនុម័តកិច្ចព្រមព្រៀងលក់អាវុធដែលមានទំហំទឹកប្រាក់សរុប ២៤,៣ពាន់លានដុល្លារ
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
កាណាដា និងអេមីរ៉ាតអារ៉ាប់រួមបានពិភាក្សាជំរុញផែនការវិនិយោគទំហំ ៥០ ពាន់លានដុល្លារ ដើម្បីពង្រីកកិច្ចសហប្រតិបត្តិការសេដ្ឋកិច្ច និងពាណិជ្ជកម្មទ្វេភាគីលើវិស័យសំខាន់ៗ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ក្រុមហ៊ុន អប្សរា មេឌា សឺវីស (AMS) និងសមាគមធនាគារនៅកម្ពុជា សហការគ្នាផលិត និងផ្សព្វផ្សាយមាតិកាលើកកម្ពស់ការយល់ដឹងអំពីការឆបោកតាមអ៊ីនធឺណិត
វារីវប្បកម្មកម្ពុជា មានភាពរីកចម្រើនផ្នែកចិញ្ចឹម និងបង្កាត់ពូជកូនត្រី ខណៈទីផ្សារក្នុងស្រុកកំពុងមានតម្រូវការ
Account
Security
Favourite Content