សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យោងតាមរបាយការណ៍របស់ក្រុមហ៊ុនអន្តរជាតិ CBRE Cambodia បានបង្ហាញថា នៅក្នុងឆ្នាំ២០១៥ សម្រាប់តែនៅក្នុងរាជធានីភ្នំពេញ ទទួលបានគម្រោងវិនិយោគនៅក្នុងវិស័យអចលនទ្រព្យរហូតដល់ចំនួនជាង៣០គម្រោង ដោយក្នុងនោះគម្រោងវិនិយោគលើទីផ្សារខុនដូតម្លៃធ្យមមានចំនួនច្រើនជាងគេ ហើយបន្ទាប់មកគឺខុនដូតម្លៃសមរម្យ ខណៈគម្រោងខុនដូតម្លៃខ្ពស់ មានចំនួនតិចតួច ។ ក្រៅពីនេះ នៅក្នុងចន្លោះឆ្នាំ២០១៦ ឆ្នាំ២០១៧ និងឆ្នាំ២០១៨ ការវិនិយោគលើខុនដូនៅក្នុងរាជធានីភ្នំពេញ មានចំនួនជាមធ្យមជាង១០គម្រោងក្នុងមួយយឆ្នាំ ហើយរហូតដល់ឆ្នាំ២០១៩ ការវិនិយោគខុនដូបានផ្ទុះងើបឡើងជាថ្មី ដោយមានគម្រោងវិនិយោគថ្មីចំនួន២៤គម្រោង ។
របាយការណ៍ដដែលបានបង្ហាញផងដែរថា នៅក្នុងឆ្នាំ២០២០ ការវិនិយោគលើគម្រោងខុនដូនៅភ្នំពេញ ក៏មិនទាន់ជាធ្លាក់ខ្លាំងនោះទេ ដោយក្នុងឆ្នាំ២០២០ដដែលនេះ មានគម្រោងវិនិយោគលើខុនដូចំនួន១៦គម្រោង ប៉ុន្តែចាប់ពីឆ្នាំ២០២១ រហូតដល់ពាក់កណ្ដាលឆ្នាំ២០២៤នេះ ការវិនិយោគលើគម្រោងខុនដូនៅរាជធានីភ្នំពេញ មានការធ្លាក់ចុះខ្លាំងតែម្ដង ដោយនៅក្នុងនោះ២០២១ មានតែ៦គម្រោងប៉ុណ្ណោះ ក្នុងឆ្នាំ២០២២ មានចំនួនជិត១០គម្រោង ខណៈដែលនៅក្នុងឆ្នាំ២០២៣ មានចំនួន៦គម្រោង។
ដោយឡែក អ្វីដែលជាការគួរឱ្យកត់សម្គាល់ ចាប់តាំងពីដើមឆ្នាំ២០២៤ រហូតដល់ពាក់កណ្ដាលឆ្នាំនេះ នៅក្នុងរាជធានីភ្នំពេញមានគម្រោងវិនិយោគត្រឹមតែចំនួន ៣គម្រោងប៉ុណ្ណោះ ដោយក្នុងនោះរួមមាន ទី១.គម្រោង Time Square 7 ជាប្រភេទខុនដូតម្លៃមធ្យម, ទី២. គម្រោង Capital Center City ជាគម្រោងតម្លៃសមរម្យ និងទី៣ ជាគម្រោង L Tower TTP ជាប្រភេទខុនដូតម្លៃមធ្យម ៕
Account
Security
Favourite Content