សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្នុងឆ្នាំ២០២៤ ក្រសួងសាធារណការ និងដឹកជញ្ជូន បានស្ថាបនាផ្លូវជាតិ និងផ្លូវខេត្ត សរុប ចំនួន ៨៥៤ខ្សែ មានប្រវែងសរុប ២០ ៣០៧,៦០គ.ម កើនឡើង ២៩១,៦០គ.ម ធៀបនឹង ឆ្នាំ២០២៣ ដែលមានប្រវែង ២០ ០១៦គ.ម ក្នុងនោះក្រាលកៅស៊ូ និងបេតុងសរុបបានចំនួន ១១ ៦៤៩គ.ម ស្មើនឹង ៥៧,៣៦% នៃប្រវែងផ្លូវសរុប។នេះបើតាមរបាយការណ៍របស់ក្រសួង។
ជាមួយគ្នានេះ ផ្លូវល្បឿនលឿន មានចំនួន ២ខ្សែ មានប្រវែងសរុប ៣២២,១៥គ.ម ក្នុង នោះ ផ្លូវល្បឿនលឿនភ្នំពេញ-ក្រុងព្រះសីហនុ បានបញ្ចប់ការសាងសង់មានប្រវែង ១៨៧,០៥គ.ម និង ផ្លូវល្បឿនលឿនភ្នំពេញ-ក្រុងបាវិត កំពុងដំណើរការសាងសង់មានប្រវែង ១៣៥,១០គ.ម។ គម្រោងទាំងពីរនេះ គឺស្ថិតក្រោមក្របខ័ណ្ឌកិច្ចសន្យាភាពជាដៃគូរវាងរដ្ឋ និងឯកជន (PPP)។
ក្រសួងក៏បានបញ្ចប់ការសាងសង់គម្រោងអភិវឌ្ឍន៍ហេដ្ឋារចនាសម្ព័ន្ធផ្លូវថ្នល់មានចំនួន ៦គម្រោង និងមានប្រវែងសរុប ៣៦០,២៥គ.ម ដោយប្រើប្រាស់ថវិកាហិរញ្ញប្បទានដៃគូអភិវឌ្ឍន៍ ក្នុងនោះរួមមាន ១)កំណាត់ផ្លូវជាតិលេខ៧ ប្រវែង ៣១,២៥គ.ម ២)ផ្លូវជាតិលេខ៣១ ប្រវែង ៥៣,៥៣គ.ម ៣) ផ្លូវជាតិលេខ៣៣ ប្រវែង ៥២,៥៧គ.ម ៤) ផ្លូវជាតិលេខ៤១ ប្រវែង ៩៥,២៧គ.ម ៥) ផ្លូវជាតិលេខ៧១០ ប្រវែង ១១៤,៩៩២គ.ម និង ៦) វិថីតេជោសន្តិភាពឆ្នេរអង្គោល ប្រវែង ១២,៦៤៥គ.ម។
របាយការណ៍ដដែលនេះ បានឱ្យដឹងថា៖ក្រសួងក៏បាននិងកំពុងអនុវត្តគម្រោងសាងសង់ហេដ្ឋារចនាសម្ព័ន្ធផ្លូវថ្នល់ធំៗ ដោយប្រើប្រាស់ថវិកាហិរញ្ញប្បទានរបស់ដៃគូអភិវឌ្ឍន៍ មានចំនួន ១៣គម្រោង មានប្រវែងសរុប ៩៤២,៥៨គ.ម និងបានកំពុងធ្វើការសិក្សាគម្រោងសាងសង់ហេដ្ឋារចនាសម្ព័ន្ធផ្លូវថ្នល់ មានចំនួន ៤១គម្រោង មានប្រវែងសរុប ៣ ២៨៥,៤៤គ.ម៕
Account
Security
Favourite Content