សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពង់ចាម ៖ ក្នុងឆ្នាំ២០២៤នេះ សកម្មភាពទិញលក់ និងតម្លៃអចលនទ្រព្យនៅតាមតំបន់មួយចំនួនក្នុងប្រទេសកម្ពុជានៅតែបន្តជួបបញ្ហាប្រឈម និងមិនទាន់ងើបឡើងវិញនៅឡើយ ហើយមានតំបន់ខ្លះទៀតថែមទាំងថមថយចុះលើតម្លៃ និងសកម្មភាពទិញលក់ជាងឆ្នាំ២០២៣ទៅទៀត ។ ជាក់ស្ដែងតម្លៃដី និងសកម្មភាពទិញលក់អចលនទ្រព្យក្នុងខេត្តកំពង់ចាម ឃើញថា បន្តធ្លាក់ចុះជាងឆ្នាំមុនមួយកម្រិតទៀត ។
បើតាមលោកស្រី ក្រី ម៉ាយ៉ា ប្រធានក្រុមហ៊ុនអចលនទ្រព្យ KW Cambodia ប្រចាំខេត្តកំពង់ចាម បានមានប្រសាសន៍ថា ក្នុងឆ្នាំ២០២៤នេះ សកម្មភាពទិញ-លក់ និងតម្លៃ ដីធ្លីក៏ដូចការទិញលក់អចលនទ្រព្យផ្សេងទៀតក្នុងខេត្តកំពង់ចាមបន្តធ្លាក់ចុះមួយកម្រិតទៀត ដោយមិនមានសកម្មភាពវិនិយោគថ្មីៗចូលមកក្នុងតំបន់នេះនៅឡើយ ។
លោកស្រីបន្តថា តំបន់ដីមួយចំនួននៅតាមបណ្ដោយផ្លូវជាតិលេខ៧ ដែលពីមុនមានការចាប់អារម្មណ៍ពីសំណាក់វិនិយោគិនក្នុង និងក្រៅប្រទេស បានស្ងប់ស្ងាត់ ទោះបីជាបច្ចុប្បន្នផ្លូវជាតិមួយនេះ កំពុងត្រូវបានសាងសង់លើកកម្រិតគុណភាព ឬកំពុងសាងសង់ថ្មីក៏ដោយ ។ តម្លៃអចលនទ្រព្យដូចជាផ្ទះល្វែង បានធ្លាក់ចុះ៣០ភាគរយធៀបនឹងឆ្នាំមុន ជាក់ស្ដែងផ្ទះដែលមានតម្លៃ១០ម៉ឺនដុល្លារអាមេរិកកាលពីឆ្នាំមុន បានធ្លាក់ថ្លៃមកនៅត្រឹម៧ម៉ឺនដុល្លារ ។
លោកស្រី ម៉ាយ៉ា បានមានប្រសាសន៍បន្ថែមថា ស្ថានភាពអចលនទ្រព្យនៅក្នុងខេត្តកំពង់ចាម ត្រូវបានមើលឃើញថាការផ្គត់ផ្គត់លើសតម្រូវការជាក់ស្ដែង ទាំងផ្ទះល្វែង និងដីឡូត៏ ហើយបើតាមការមើលឃើញពីស្ថានភាពនេះគឺត្រូវការពេលវេលាយ៉ាងតិច៣ឆ្នាំទៀត ដើម្បីដាស់វិស័យនេះឱ្យងើបឡើងវិញ ដូចនឹងមុនវិបត្តិកូវីដ១៩ ឬមានសកម្មភាពល្អប្រសើរឡើងវិញ ។
លោកស្រីបានបញ្ជាក់ថា បច្ចុប្បន្ននេះ ការទិញលក់អចលនទ្រព្យគឺមានតែសម្រាប់អ្នកដែលមានតម្រូវការប្រើប្រាស់ជាក់ស្ដែងប៉ុណ្ណោះ ដោយឡែកសម្រាប់អ្នកដែលទិញទុកធ្វើជាមរតក តកូន តចៅ ឬទិញសម្រាប់វិនិយោគរកប្រាក់ចំណេញ មិនមាននោះទេ ហើយសកម្មភាពរបស់វិនិយោគមួយចំនួនក៏បានធ្វើឱ្យទីផ្សារអចលនទ្រព្យក្នុងខេត្តមួយនេះ កាន់តែជួបបញ្ហាប្រឈមថែមទៀត ។
បើតាមរបាយការណ៍របស់ធនាគារជាតិនៃកម្ពុជាក៏បានបង្ហាញផងដែរថា វិស័យអចលនទ្រព្យក្នុងប្រទេសកម្ពុជាក្នុងឆ្នាំ២០២៤នេះ មានកំណើនឡើងតិចតួច ទៅតាមផ្នែក និងតាមតំបន់ ហើយធនាគារជាតិនៃកម្ពុជាក៏បានផ្ដល់ទស្សនដល់បណ្ដាគ្រឹះស្ថានហិរញ្ញវត្ថុឱ្យប្រុងប្រយ័ត្នចំពោះការផ្ដល់ឥណទានដល់វិស័យអចលនទ្រព្យ ។
អ្នកជំនាញនៃវិស័យអចលនទ្រព្យមួយចំនួនទៀតក៏បានមើលឃើញផងដែរថា ការផ្គត់ផ្គង់អចលនទ្រព្យមិនថាដីធ្លី សំណង់អគារ និងផ្នែកផ្សេងទៀត បានលើសតម្រូវការហើយ ដូច្នេះហើយបច្ចុប្បន្នជាពេលវេលាដែលត្រូវការអ្នកទិញ ឬអ្នកប្រើប្រាស់ទៅលើការផ្គត់ផ្គង់ទាំងនោះ ៕
Account
Security
Favourite Content