សម្ដេចធិបតី ៖ ស្ពានមិនត្រឹមតែតភ្ជាប់ការធ្វើដំណើរប៉ុណ្ណោះទេ​ ប៉ុន្តែក៏អាចតភ្ជាប់ចរន្ដសេដ្ឋកិច្ចផងដែរ

ភ្នំពេញ ៖ នាព្រឹកថ្ងៃទី ១៩ ខែកុម្ភៈនេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានអញ្ជើញ​​បើក​ការ​ដ្ឋាន​សាងសង់ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) ដោយក្នុងនោះសម្ដេចក៏បានថ្លែងផងដែរអំពីសារៈសំខាន់ដ៏លើសលប់នៃការកសាងហេដ្ឋារចនាសម្ព័ន្ធ។

បើតាមប្រសាសន៍របស់សម្ដេចធិបតី ហ៊ុន ម៉ាណែត ស្ពានចាក់អង្រែក្រោម-ព្រែកប្រា​នេះ មិនមែនសម្រាប់តែប្រជាពលរដ្ឋ​រស់នៅទីក្រុងភ្នំពេញ​ប៉ុណ្ណោះទេ ប៉ុន្តែវានឹងផ្ដល់អត្ថប្រយោជន៍ជាច្រើនដល់បងប្អូនប្រជាពលរដ្ឋទាំងអស់​នៅទូទាំងប្រទេស តាមរយៈការសម្រួលដល់ការធ្វើដំណើរឆ្លងកាត់ពីត្រើយខាងកើត ទៅត្រើយខាងលិចបាន​ឆាប់រហ័ស និងសុវត្ថិភាព។

ក្រោយបញ្ចប់ការកសាង ស្ពាននេះក៏នឹងចូលរួមចំណែកធ្វើសមាហរណកម្មតភ្ជាប់ត្រើយខាងកើត និងខាងលិចរបស់ទន្លេបាសាក់ នៅក្នុងភូមិសាស្ត្ររាជធានីភ្នំពេញ និងមួយចំណែកទៀតរបស់ខេត្តកណ្ដាល ជាពិសេសជួយកាត់​បន្ថយការកកស្ទះចរាចរណ៍ចំពោះការធ្វើដំណើរទៅមកកាត់ស្ពានព្រះមុនីវង្ស និងតាមដងទន្លេបាសាក់។

សម្ដេចធិបតី បានមានប្រសាសន៍បន្តទៀតថា៖

“ស្ពាននេះក៏ជាផ្នែកមួយនៃការធ្វើទំនាក់ទំន​ងសេដ្ឋកិច្ច រវាងប៉ែកខាងត្បូងរាជធានីភ្នំពេញទៅនឹង​ខេត្តកណ្ដាល រួមទាំងការតភ្ជាប់ទៅព្រលានយន្ដហោះ​អន្តរជាតិ​ភ្នំពេញតេជោ ក្រុងតាខ្មៅ ការធ្វើឱ្យ​ប្រសើរឡើងនូវប្រសិទ្ធភាពដឹកជញ្ជូន និងប្រព័ន្ធភស្តុភា​កម្មនៅក្នុង​តំបន់រាជធានីភ្នំពេញផង។”

យ៉ាងណាមិញ នៅរយៈពេលប៉ុន្មានឆ្នាំចុងក្រោយនេះ នៅតំបន់ច្បារអំពៅមានសម្ទុះនៃការអភិវឌ្ឍ​យ៉ាងឆាប់​រហ័ស ដែលបង្កឱ្យមានការកកស្ទះចរាចរណ៍កើតឡើងជាញឹកញាប់ ធ្វើឱ្យខាតបង់ថវិកា និងពេលវេលា​ជាច្រើនរបស់ប្រជាពលរដ្ឋ ហើយបើទោះជាបច្ចុប្បន្នកម្ពុជាមានស្ពានព្រះមុន្នីវង្ស ស្ពានព្រែកសំរោង​ក្រុងតាខ្មៅ រួមជាមួយនឹងស្ពានកោះពេជ្យ កោះនរា ក៏មិនទាន់អាចបំពេញតម្រូវការនៃកំណើនប្រជាជន និងយានយន្ដឱ្យបានទាំងស្រុងនោះដែរ។ ដូច្នេះ រដ្ឋាភិបាលបាន និងកំពុងរិះរកមធ្យោបាយបន្ថែមទៀត ដើម្បី​រំដោះ និងសម្រួលបញ្ហាកកស្ទះចរាចរណ៍​ជាបន្តបន្ទាប់ ដែលក្នុងនោះរួមមានការសង់ស្ពានជាដើម។

សម្ដេចធិបតី បានចាត់ទុកផ្លូវ និងស្ពានដូចជាសសៃឈាមយ៉ាងដូច្នោះដែរ ដោយផ្លូវ និងស្ពានទៅដល់ទីណា វានឹងជួយចិញ្ចឹមសរីរាង្គនៅទីនោះឱ្យកាន់តែល្អប្រសើរឡើង។

គួរបញ្ជាក់ថា បច្ចុប្បន្នកម្ពុជាមានស្ពានឆ្លងកាត់ទន្លេចំនួន២៥ស្ពាន ក្នុងនោះ ស្ពានចំនួន១៩ ធ្វើរួចរាល់ ៣ស្ពានកំពុងសាងសង់ និង៣ស្ពានទៀតកំពុងសិក្សា។

យោងតាមរបាយការណ៍បានឱ្យដឹងថា ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) ជាប្រភេទ​ស្ពានបេតុងភ្លោះ មានប្រវែង ៨៤៥,៧ម៉ែត្រ មានចំណុចចាប់ផ្តើមពីត្រើយខាងលិចទន្លេបាសាក់ ស្ថិតក្នុង​សង្កាត់ចាក់អង្រែក្រោម ខណ្ឌមានជ័យ និងចំណុចបញ្ចប់នៅត្រើយខាងកើតទន្លេបាសាក់ ស្ថិតក្នុងសង្កាត់​ព្រែកប្រា ខណ្ឌច្បារអំពៅ ក្នុងភូមិសាស្រ្តរាជធានីភ្នំពេញ។

បាយការណ៍បន្តថា គម្រោងនេះនឹងត្រូវអនុវត្ដការសាងសង់ដោយក្រុមហ៊ុនសំណង់សៀងហៃ និងត្រួត​ពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន ប្រើប្រាស់រយៈពេលសាងសង់ចំនួន ៤២ខែ នឹងបញ្ចប់នៅក្នុងអំឡុងឆ្នាំ២០២៧ ដោយគ្រោងចំណាយថវិកាសរុបប្រមាណ ៦០,២លាន​ដុល្លារអាម៉េរិក ដែលជាឥណទានសម្បទានពីរដ្ឋាភិបាលចិន រួមជាមួយនឹងថវិកាបដិភាគរបស់រាជ​រដ្ឋា​ភិបាល​កម្ពុជា សម្រាប់ការដោះស្រាយផលប៉ះពាល់ ការបោសសម្អាតគ្រាប់មីន យុទ្ធភ័ណ្ឌមិនទាន់ផ្ទុះ និងពន្ធអាករ​ផ្សេងៗ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

៥ខែ ឆ្នាំ២០២៤ កម្ពុជា នាំចេញបង្កងប៉ាករស់ ២,៥តោន អន្ទង់០.២០តោន និងកំពិសបង្កកជាង៣៥តោនទៅទីផ្សារចិន

ព្រឹត្តិការណ៍, សេដ្ឋកិច្ច

• 16/07/2024

៥ខែនៃឆ្នាំ២០២៤ កម្ពុជាបាននាំចេញបង្កងប៉ាករស់ ២,៥តោន អន្ទង់០.២០តោន និង កំពិសបង្កកជាង​៣៥តោនទៅទីផ្សារប្រទេសចិន

ទីផ្សារហ៊ុននៅអាស៊ីកំពុងស្ថិតក្រោមស្រមោលនៃព្រឹត្តិការណ៍ប៉ុនប៉ងបាញ់សម្លាប់លោក Trump

ព្រឹត្តិការណ៍, សេដ្ឋកិច្ច

• 16/07/2024

គិតត្រឹមព្រឹកព្រលឹមថ្ងៃចន្ទសប្ដាហ៍នេះ សម្រាប់ទីផ្សារហ៊ុនរបស់លុយគ្រីបតូ Bitcoin បានហក់ឡើងទៅដល់ប្រមាណ ៦ម៉ឺនដុល្លារក្នុងមួយកាក់នៅក្នុងទីផ្សារលក់របស់សកល

សត្វចង្រៃ ដង្កូវ​ហ្វូង និង​រុយ​ស​ បំផ្លាញ​ស្រូវ​កសិករជាច្រើនហិកតា តែអាចគ្រប់គ្រងបាន

ព្រឹត្តិការណ៍, សេដ្ឋកិច្ច

• 16/07/2024

ឯកឧត្តម ងិន ឆាយ ប្រតិភូររាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានបញ្ជាក់ឱ្យដឹងថា ការខូចខាតដំណាំស្រូវ​ដោយសារសត្វល្អិតចង្រៃអាចគ្រប់គ្រងបាន