សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងមហាផ្ទៃនៃព្រះរាជាណាចក្រកម្ពុជា កាលពីខែមុននេះ បានប្រកាសដាក់ឱ្យដំណើរការនូវកម្មវិធី «កម្ពុជាផ្ទះទី២របស់ខ្ញុំ» ជាភាសាអង់គ្លេស Cambodia My 2nd home ( CM2H ) ដើម្បីទាក់ទាញការវិនិយោគពីខាងក្រៅប្រទេសចូលមកកម្ពុជាឡើងវិញ ហើយតាមរយៈគម្រោង «កម្ពុជាផ្ទះទី២របស់ខ្ញុំ» នឹងរំពឹងថាអាចទាញវិនិយោគិនចូលមកកម្ពុជាបន្ថែមទៀត ។
លោក កាំង នីន អគ្គនាយកនៃក្រុមហ៊ុនអចលនទ្រព្យ GC Realty និងជាដៃគូរបស់គម្រោង «កម្ពុជាផ្ទះទី២របស់ខ្ញុំ» ផងដែរនោះ បានមានប្រសាសន៍ឱ្យដឹងថា ថ្មីៗកន្លងទៅនេះ ក្រុមហ៊ុនរបស់លោកបានចុះហត្ថលេខាលើកិច្ចព្រមព្រៀងជាមួយនឹងកម្មវិធីគម្រោង «កម្ពុជាផ្ទះទី២របស់ខ្ញុំ» ហើយគម្រោងនេះដែរ រំពឹងទុកថានឹងទាក់ទាញវិនិយោគិនបរទេសចូលមកក្នុងប្រទេសកម្ពុជាច្រើនឡើងវិញ និងអាចច្រើនជាងកាលពីមុនកូវីដ១៩ទៅទៀត ។
លោកបន្តថា ៖
“ដូចយើងបានដឹងហើយពីតួលេខនៃរំហូរទុនវិនិយោគពីបរទេសនៅក្នុងបរិបទកូវីដ១៩កន្លងទៅ មិនមានការធ្លាក់ចុះនោះទេ ផ្ទុយទៅវិញវាមានតែកើនឡើងក្នុងឆ្នាំ២០២១ធៀបនឹងឆ្នាំ២០២២ ដូច្នេះហើយបើសិនជាគម្រោង កម្ពុជាផ្ទះទី២របស់ខ្ញុំបានដាក់ដំណើរការ យើងជឿជាក់ថានឹងមានវិនិយោគិនបរទេសចូលច្រើនហើយទុនវិនិយោគពីបរទេសក៏មានច្រើន និងអាចច្រើនជាងកាលពីអំឡុងពេលកូវីដ១៩ទៅទៀត។ ពេលនេះប្រទេសកម្ពុជាយើងបានបើកសេដ្ឋកិច្ច ហើយម្នាក់ក៏លែងត្រូវការពាក់ម៉ាសនិងរឹតបន្តឹងចំពោះការជួបជុំដូចមុនទៀតហើយ អញ្ចឹងពេលនេះវាជាពេលដែលសកម្មភាពសេដ្ឋកិច្ច អាជីវកម្មនានាត្រូវការពង្រឹងខ្លួននិងជំរុញសកម្មភាពឱ្យកាន់តែខ្លាំងឡើងថែមទៀត ។វាក៏ជាពេលដែលយើងអាចទាក់ទាញអ្នកវិនិយោគពីបរទេសចូលមកកម្ពុជាបន្ថែមផងដែរ”
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជាក៏បានលើកឡើងថា ក្នុងឆ្នាំ២០២២នេះ វិនិយោគិនបរទេសនឹងមិនមកកម្ពុជាច្រើននោះទេ ប៉ុន្តែនៅចុងឆ្នាំនេះ ឬដើមឆ្នាំ២០២៣ វិនិយោគិនបរទេសនឹងចូលមកកម្ពុជាឡើងវិញនឹងមានចំនួនកាន់តែច្រើន ។ អ្វីដែលកម្ពុជាត្រូវត្រៀមខ្លួននោះ គឺភាពស្របច្បាប់នៃក្រុមហ៊ុន និងទ្រព្យរបស់ខ្លួនសម្រាប់សហការ និងផ្ដល់ជូនវិនិយោគិនបរទេសដើម្បីវិនិយោគរួមគ្នា។ លោកបន្តទៀតថា បណ្ដារាជធានី ខេត្តមួយចំនួននឹងមានសក្ដានុពលកាន់តែខ្ពស់នៅពេលវិនិយោគិនបរទេសហូរចូលមកកម្ពុជាឡើងវិញ ហើយនឹងជំរុញឱ្យសកម្មភាពវិនិយោគ អភិវឌ្ឍន៍ដីធ្លី និងសំណង់មានសកម្មភាពឡើងវិញផងដែរ និងអាចជំរុញឱ្យសេដ្ឋកិច្ចកម្ពុជាមានសន្ទុះងើបឡើងមួយកម្រិតទៀត៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អ្នកដឹកនាំធុរកិច្ច និងសហគ្រិនមកពីតំបន់អាស៊ី-អូស្ត្រាលី ជួបគ្នាក្នុងកិច្ចប្រជុំកំពូល ស្វែងរកឱកាសវិនិយោគ និងផ្គូផ្គងធុរកិច្ចនៅកម្ពុជា
នៅឯវេទិកាសេដ្ឋកិច្ចពិភពលោក កម្ពុជាបន្តខិតខំផ្សព្វផ្សាយ បញ្ចុះបញ្ចូលក្រុមហ៊ុនអន្តរជាតិឱ្យមកវិនិយោគនៅកម្ពុជា
Account
Security
Favourite Content