សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រុមហ៊ុនកសិកម្មចិនដ៏ធំ Danong បានបង្ហាញពីគម្រោងផែនការវិនិយោគលើវិស័យកសិកម្មក្នុងប្រទេសកម្ពុជា ដោយត្រូវការដីប្រមាណ១៥គីឡូម៉ែត្រការ៉េ ឬប្រមាណ ១៥០០ហិកតា នៅក្នុងខេត្តព្រះសីហនុ ដើម្បីបង្កើតធនាគារកសិកម្ម និងមជ្ឈមណ្ឌលសេវាកម្មចម្រុះ។
នៅក្នុងជំនួបជាមួយឯកឧត្តម ដួង តារា រដ្ឋលេខាធីការទីស្ដីការគណៈរដ្ឋមន្ត្រី លោក Zhao Shujie ប្រធានក្រុមហ៊ុន Danong បានបញ្ជាក់ពីទស្សនកិច្ចមកកម្ពុជាលើកនេះគឺដើម្បីចុះសិក្សាបន្ថែមលើទីតាំងដីវិនិយោគអោយបានលំអិត និងពិនិត្យអំពីគោលនយោបាយ ព្រមទាំងសិក្សាពីច្បាប់អនុញ្ញាតផ្សេងៗក្នុងការវិនិយោគវិស័យកសិកម្មនៅកម្ពុជា។
លោក Zhao Shujie បានឱ្យដឹងទៀតថា ក្រុមហ៊ុនក៏មានបំណងពិភាក្សាជាមួយក្រសួងជំនាញអំពីរូបមន្តវិនិយោគរបស់ក្រុមហ៊ុន Danong ជាលក្ខណៈកសិកម្មពាណិជ្ជូបនីយកម្មឧស្សាហកម្មនៅកម្ពុជា ដែលក្នុងនោះរួមទាំងគម្រោងបង្កើតកសិដ្ឋានបង្កាត់ពូជសត្វ និងដំណាំ, កសិដ្ឋានដាំស្មៅសម្រាប់មនុស្ស និងសត្វ, កសិដ្ឋានចិញ្ចឹមសត្វយកសាច់ និងកសិដ្ឋានដាំដំឡូងមីជាដើម។
ដោយឡែកចំពោះទីផ្សារ ដើមទុនវិនិយោគ និងបច្ចេកទេសគឺក្រុមហ៊ុនបានត្រៀមរួចហើយ ប៉ុន្តែនៅចំណុចមួយដែលជាគន្លឹះដ៏សំខាន់បំផុតក្នុងការជំរុញការនាំចេញផលិតផលកសិកម្មកម្ពុជាទៅបរទេស ឬទៅកាន់ប្រទេសចិនឱ្យមានសន្ទុះបរិមាណកាន់តែច្រើនមហិមានោះ គឺទាំងភាគីរាជរដ្ឋាភិបាលកម្ពុជា និងរដ្ឋាភិបាលចិនត្រូវតែកំណត់ឱ្យបានច្បាស់លាស់អំពីស្តង់ដានៃផលិតផលកសិកម្ម (Standardization) ដែលប្រទេសទាំង២អាចបង្កើតជាឯកសារកិច្ចព្រមព្រៀងពិសេសទទួលស្គាល់ និងយល់ព្រមលើគុណភាពផលិតផលកសិកម្មកម្ពុជាដែលធានាដល់ក្រុមហ៊ុនវិនិយោគមានទំនុកចិត្តកាន់តែខ្លាំងទាំងក្នុងការផលិត និងក្នុងការនាំចេញដោយគ្មានការភ័យខ្លាច និងមិនកំណត់កូតាឡើយ ។
គួររម្លឹកថា នៅឆ្នាំ២០២៣នេះ វិនិយោគិន និងទេសចរជនជាតិចិនបានចាប់ផ្ដើមចូលមកកម្ពុជាជាបន្តបន្ទាប់ឡើងវិញហើយ ដោយខ្លះក៏មានវិនិយោគិនដែលធ្លាប់មកកម្ពុជាពីមុន និងខ្លះជាវិនិយោគិនថ្មីៗ និងកំពុងស្វែងរកការវិនិយោគនានានៅតាមជំនាញរបស់ពួកគេ។ ការចូលមកពីសំណាក់វិនិយោគិនទាំងនេះដែរ ក៏នឹងរំពឹងថានឹងជួយជំរុញការវិនិយោគ និងសេដ្ឋកិច្ចប្រទេសកម្ពុជាកាន់តែមានភាពប្រសើរឡើងវិញបន្ទាប់ពីរងផលប៉ះពាល់ដោយសារតែវិបត្តិកូវីដ១៩ និងសង្គ្រាមរវាងរុស្ស៊ី និងអ៊ុយក្រែន ៕
Account
Security
Favourite Content