ឥណ្ឌា បង្ហើបពីមូលហេតុដែលមិនគាំទ្រ BRICS ចំពោះការបង្កើតរូបិយប័ណ្ណរួម

បរទេស៖ យោងទៅតាមប្រភពព័ត៌មានពី Strat News Global បានរាយការណ៍ថា ក្រុមប្រទេស BRICS មានបំណងចង់បង្កើតរូបិយប័ណ្ណរួមមួយសម្រាប់ជំនួសប្រាក់ដុល្លារអាមេរិកក្នុងពាណិជ្ជកម្មឆ្លងព្រំដែន ប៉ុន្តែឥណ្ឌាហាក់ដូចមិនគាំទ្រដល់ការផ្លាស់ប្តូរមួយនេះទេ។ ទោះជាយ៉ាងណាក្តី គេលើកឡើងថា ក្រុមប្រទេស BRICS ដែលមានប្រេស៊ីល រុស្ស៊ី ឥណ្ឌា ចិន និង អាហ្រ្វិកខាងត្បូង អាចនឹងផ្តោតលើការពង្រីកក្រុមនៅកិច្ចប្រជុំកំពូលនាចុងខែនេះ នៅអាហ្វ្រិកខាងត្បូង ប៉ុន្តែការពិភាក្សាអំពីការបង្កើតរូបិយប័ណ្ណមិនមាននៅក្នុងរបៀបវារៈនៃកិច្ចប្រជុំនោះទេ។

Suranjali Tandon សាស្ត្រាចារ្យរងនៅវិទ្យាស្ថានជាតិហិរញ្ញវត្ថុ និងគោលនយោបាយសាធារណៈនៃទីក្រុងញូវដេលី បាននិយាយថា វាតម្រូវឱ្យមានការចូលរួមពីប្រទេសជាច្រើនសម្រាប់ឥណ្ឌាក្នុងការគាំទ្ររូបិយប័ណ្ណដែលស្ថិតក្នុងន័យពហុភាគី។ យ៉ាងណាមិញ BRICS គឺជា​ក្រុម​ចម្រុះ​ដែល​ប្រកួតប្រជែងគ្នា​ក្នុងផ្នែក​សេដ្ឋកិច្ច​មួយ​ចំនួន​ទាក់ទងនឹងលំហូរពាណិជ្ជកម្ម និងការវិនិយោគជាដើម។

កាលពីខែមុនកន្លងទៅនេះ ឥណ្ឌា និងអារ៉ាប់រួមបានចុះហត្ថលេខាលើកិច្ចព្រមព្រៀងស្តីពីការប្រើប្រាស់រូបិយប័ណ្ណក្នុងស្រុកសម្រាប់ពាណិជ្ជកម្មឆ្លងព្រំដែន ហើយទីក្រុងញូដេលីកំពុងរៀបចំធ្វើការទូទាត់លើកដំបូងរបស់ខ្លួនជាប្រាក់រូពីសម្រាប់ទិញប្រេង Emirati ។ លើសពីនេះ កិច្ចព្រមព្រៀងស្រដៀងគ្នានេះត្រូវបានឥណ្ឌាចុះហត្ថលេខាជាមួយស្រីលង្កា និង ជាមួយម៉ាឡេស៊ីកាលពីខែមេសាកន្លងទៅនេះ ហើយបង់ក្លាដែសក៏អាចនឹងចូលរួមនៅពេលអនាគតផងដែរ ដោយសារកង្វះខាតនៃដុល្លារក្នុងទុនបម្រុងរូបិយប័ណ្ណបម្រុងបរទេស។​

ទន្ទឹមនឹងនេះ ការទូទាត់ជាប្រាក់រូពីជួយឥណ្ឌា​មួយកម្រិតផងដែរ ដោយសារទុនបម្រុងរូបិយប័ណ្ណបរទេសមានបរិមាណកំណត់ ដែលជាញឹកញាប់ត្រូវបានប្រើក្នុងការទូទាត់ការនាំចូល។ ដូច្នេះហើយ ការធ្វើពាណិជ្ជកម្មជារូបិយប័ណ្ណផ្ទាល់ខ្លួនអាចជួយឥណ្ឌាលើបញ្ហានេះ ប្រសិនបើទុនបម្រុងរូបិយប័ណ្ណបម្រុងបរទេសខ្វះខាត ឬ មានកម្រិតទាប។ វាជួយសម្រួលដល់ការទូទាត់ប្រតិបត្តិការ និង កាត់បន្ថយការព្រួយបារម្ភអំពីការប្រែប្រួលនៃអត្រាប្តូរប្រាក់។ ជាឧទាហរណ៍ ប្រសិនបើចលនានៃប្រាក់រូពីមានកម្រិតស្មើរនឹងប្រាក់ដុល្លារ នោះវាអាចជួយឱ្យឥណ្ឌាធ្វើពាណិជ្ជកម្មដោយប្រើរូបិយប័ណ្ណខ្លួនរឹតតែទូលំទូលាយជាមួយដៃគូពាណិជ្ជកម្មផ្សេងទៀត។ ទោះជាយ៉ាងណាក្តី នេះមិនមែនមានន័យថា ពាណិជ្ជកម្មជាប្រាក់ដុល្លារអាមេរិកនឹងរលាយបាត់ក្នុងពេលឆាប់ៗនេះទេ។ មហាសេដ្ឋីអាមេរិកលោក Warren Buffet ដែលជាបិតាវិនិយោគដ៏ល្បី ក៏ធ្លាប់លើកឡើងថា ប្រាក់ដុល្លារនឹងរឹងមាំរយៈពេល ៥០ ឆ្នាំទៀត៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល

តម្លៃជួញដូរហ៊ុននៅកម្ពុជាប្រចាំថ្ងៃ ជាមធ្យមជាង២១ម៉ឺនដុល្លារ តែថ្ងៃខ្លះហក់ឡើងដល់ជាងកន្លះលាន

ព្រឹត្តិការណ៍, សេដ្ឋកិច្ច

• 12/07/2024

តម្លៃជួញដូរហ៊ុនប្រចាំថ្ងៃជាមធ្យមជាង២១ម៉ឺនដុល្លារអាម៉េរិក តែមានថ្ងៃខ្លះបានហក់ឡើងដល់ជាងកន្លះលានដុល្លារ និងប្រមូលបានសាច់ប្រាក់សរុប៣៨៩លានដុល្លារ

ចំណេះដឹងសំខាន់ៗស្ដីពីការដាំដុះខ្ញីឱ្យទទួលបានផលច្រើនដែលកសិករគួរយល់ដឹង

ជំនួញ, ព្រឹត្តិការណ៍

• 12/07/2024

ខ្ញីជារុក្ខជាតិមើមដែលប្រជាជនខ្មែរនិយមដាំ និងយកទៅច្នៃជាគ្រឿងទេស បន្ថែមរសជាតិម្ហូបអាហារបានច្រើនមុខ អាចធ្វើជាឱសថបុរាណផងដែរ

គន្លឹះសំខាន់ៗចំនួន ៦ អាចជួយដោះស្រាយបញ្ហាបំណុលលើសលប់

ព្រឹត្តិការណ៍, ហិរញ្ញវត្ថុ

• 12/07/2024

ពាក្យថាបំណុលគឺមិនមែនសំដៅលើភាពអវិជ្ជមានទាំងស្រុងនោះទេ ពោលគឺបំណុលមានគុណសម្បត្តិ និងគុណវិបត្តរៀងៗខ្លួន

គម្រោង​សាងសង់​​ហេដ្ឋារចនាសម្ព័ន្ធធំៗចំនួន​៣ ​កំពុង​ដំណើរការ​មានទឹកប្រាក់ជាង ៥,៣ពាន់​លាន​​ដុល្លារ​

ព្រឹត្តិការណ៍, អចលនទ្រព្យ

• 12/07/2024

រាជរដ្ឋាភិបាល គ្រោង​ចំណាយថវិកា​រាប់រយពាន់​លានដុល្លារអាមេរិក​ លើការ​សាងសង់ហេដ្ឋារចនាសម្ព័ន្ធនានា​ក្នុង​ប្រទេស​ ដើម្បីទាក់ទាញការវិនិយោគពីក្រៅស្រុកបន្ថែមទៀត

គិតត្រឹម ឆមាសទី១ ឆ្នាំ២០២៤ យានយន្តអគ្គិសនីសរុបចំនួន ២ ៩៦៨គ្រឿង បានចុះបញ្ជីជាផ្លូវការ

ព្រឹត្តិការណ៍, សេដ្ឋកិច្ច

• 12/07/2024

ការចុះបញ្ជីយានយន្តអគ្គិសនីដែលជានិន្នាការថ្មី មានការកើនឡើងជារៀងរាល់ថ្ងៃ ដោយប្រជាពលរដ្ឋមានសុទិដ្ឋិនិយមច្រើន និងបង្ហាញការចាប់អារម្មណ៍ខ្ពស់

រយៈពេល ៥ខែ ដើមឆ្នាំ២០២៤ មានទេសចរជាតិ និងអន្តរជាតិសរុបជាង ១២លាន ៦សែននាក់ បានចេញដើរកម្សាន្តនៅទូទាំងប្រទេស

ព្រឹត្តិការណ៍, សេដ្ឋកិច្ច

• 12/07/2024

ទេសចរអន្តរជាតិជាង២លាន៦សែននាក់ បានមកទស្សនាកម្ពុជាក្នុងរយៈពេល៥ខែនៃដើមឆ្នាំ២០២៤ ខណៈទេសចរក្នុងស្រុកមានចំនួន ១០,៦៨៨,០៧៣ នាក់

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម

ព្រឹត្តិការណ៍, អាជីវកម្មថ្មី និងនវានុវត្ត

• 12/07/2024

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម និងប្រែក្លាយពីកសិកម្មលក្ខណៈគ្រួសារទៅជាសហគ្រាសសេដ្ឋកិច្ចកសិកម្ម

ក្រសួងកសិកម្ម និងសហគ្រិនខ្មែរ គាំទ្រគោលនយោបាយអាទិភាព«សហគមន៍កសិកម្មទំនើប»

ព្រឹត្តិការណ៍, សេដ្ឋកិច្ច

• 12/07/2024

ក្រសួងកសិកម្ម និង សហគ្រិនខ្មែរ បានចុះ MoU ជាមួយគ្នា ក្នុងគោលបំណងជំរុញការអភិវឌ្ឍប្រព័ន្ធអេកូឡូស៊ី សហគ្រិនភាពឱ្យរស់រវើក