សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងគោលបំណងលើកកម្ពស់ និងប្រសិទ្ឋភាពការងារឱ្យកាន់តែល្អប្រសើរឡើង គណៈស្ថាបត្យករកម្ពុជាបានរៀបចំកិច្ចប្រជុំ ត្រួតពិនិត្យ និងវាយតម្លៃគុណវុឌ្ឍិវិជ្ជាជីវៈស្ថាបត្យកម្ម ដើម្បីតម្លើងឋានៈលើបេក្ខភាពស្ថាបត្យករចុះបញ្ជីចំនួន០២រូបទៅជាស្ថាបត្យករអាស៊ាន។
ឯកឧត្តម ជា ច័ន្ទថែបរ៉ាស អគ្គលេខាធិការរងគណៈស្ថាបត្យករកម្ពុជា បានមានប្រសាស៍ថា ក្នុងសម័យសាកលភារូបនីកម្មនេះ សមាជិកស្ថាបត្យករទាំងអស់ត្រូវខិតខំពង្រឹងសមត្ថភាពរបស់ខ្លួនឱ្យកាន់តែប្រសើរឡើង ដើម្បីធ្វើការប្រកួតប្រជែងជាមួយប្រទេសក្នុងតំបន់ តាមរយៈការដាក់បញ្ចូលសមាជិកស្ថាបត្យករកម្ពុជាទៅជាសមាជិកស្ថាបត្យករអាអាស៊ាន។
ឯកឧត្តមបញ្ជាក់ថា ៖
«សម្រាប់លក្ខណៈសម្បត្តិដែលអាចចូលជាសមាជិកស្ថាបត្យករអាស៊ានបានលុះត្រាតែ៖ ១.ស្ថាបត្យករត្រូវមានបទពិសោធន៍ការងារយ៉ាងតិច០៣ឆ្នាំ ទៅលើការងារផ្ទាល់របស់ខ្លួន រាប់ចាប់តាំងពីការងាររៀបចំគម្រោង រៀបចំប្លង់គម្រោង និងការដឹកនាំការសាងសង់គម្រោង តាំងពីដំណាក់កាលចាប់ផ្តើមរហូតបញ្ចប់ ទើបអាចស្នើចូលជាសមាជិកគណៈស្ថាបត្យករកម្ពុជាបាន។ ២.នៅពេលចូលជាសមាជិកគណៈបត្យករកម្ពុជារួច បេក្ខជនត្រវមានបទពិសោធន៍លើការងាររបស់ខ្លួនចំនួន ០៥ឆ្នាំបន្ថែមទៀត ទើបអាចស្នើចូលជាសមាជិកស្ថាតបត្យករអាស៊ានបាន»។
ឯកឧត្តមបញ្ជាក់ថា គោលបំណងនៃការដាក់បញ្ចូលទៅជាសមាជិកស្ថាបត្យករអាស៊ាននេះ គឺដើម្បីធ្វើយ៉ាងណាផ្លាស់ប្តូរចរន្តការងារនៅក្រៅប្រទេស ជាពិសេសការងារសាងសង់នៅក្នុងប្រទេសអាស៊ានទាំង១០ នេះតែម្តង។ ដោយសាររហូតមកទល់បច្ចុបប្បន្ន ស្ថាបត្យករកម្ពុជា នៅមិនទាន់ទទួលគម្រោងធំៗនៅក្រៅប្រទេសនៅឡើយ។
ជាមួយគ្នានេះ លោក Brandon Lee អនិកជនខ្មែរមកពីប្រទេសអូស្ត្រាលី ដែលទើបត្រូវបាន ជ្រើសចូលសមាជិកនៃគណៈស្ថាបត្យករកម្ពុជា បានមានប្រសាសន៍ថា ដោយសារមានបទពិសោធន៍សិក្សា ក៏ដូចជាទទួលបានគម្រោងសាងសង់ធំៗនៅក្រៅប្រទេសជាច្រើន លោកមានបំណងចែករំលែក និងផ្តល់នូវបទពិសោធន៍ដល់ស្ថាបត្យករក្នុងស្រុក ដើម្បីអាចស្វែងយល់បន្ថែម និងពង្រឹងសមត្ថភាពឱ្យកាន់តែប្រសើរឡោះងថែមមួយកម្រិតទៀត។ លើសពីនេះ លោកក៏ចាប់អារម្មណ៍បង្រៀនជំនាញផ្នែកស្ថាបត្យករទៅដល់កូនខ្មែរជំនាន់ក្រោយៗទៀតឱ្យទទួលបានចំណេះជំនាញកាន់តែល្អប្រសើរ ដើម្បីអាចចូលរួមប្រកួតប្រជែងការងារផ្នែកស្ថាបត្យករជាមួយអ្នកជំនាញអន្តរជាតិ ក៏ដូចជាបណ្តាប្រទេសផ្សេងទៀតឱ្យកាន់តែទូលំទូលាយនៅថ្ងៃអនាគតខាងមុខ៕ អត្ថបទ ៖ វិន ឈុនហ៊ាត
Account
Security
Favourite Content