អ្នកជំនាញមើលឃើញថា ទីផ្សារខុនដូកម្ពុជានឹងមានតម្រូវការខ្ពស់ឡើងវិញនៅពេលដ៏ខ្លីខាងមុខនេះ

ភ្នំពេញ ៖ នៅក្នុងរយៈពេលប៉ុន្មានឆ្នាំចុងក្រោយនេះ ការអភិវឌ្ឍនៅក្នុងទីផ្សារខុដូនៅកម្ពុជាត្រូវបានគេកត់សម្គាល់ឃើញថាមានកំណើនខ្ពស់ បើទោះជាតម្រូវការត្រូវបានជាប់ទ្រឹងនៅក្នុងរយៈពេល២ឆ្នាំនៃវិបត្តិកូវីដ។ យ៉ាងណាក្ដី បន្ទាប់ពីស្ថានភាពនៃវិបត្តិមួយនេះត្រូវបានថមថយ អ្នកជំនាញនៅក្នុងវិស័យមួយនេះបានបង្ហាញពីក្ដីរំពឹងយ៉ាងជឿជាក់ថា នឹងមានតម្រូវការឡើងវិញក្នុងពេលដ៏ខ្លីខាងមុខនេះ។

លោក ឃុន ហេង នាយកផ្នែកវិនិយោគខុនដូនៃក្រុមហ៊ុនអចលនទ្រព្យ Century 21 Mekong បានឱ្យដឹងថា កាលពី៥ឆ្នាំមុន ការអភិវឌ្ឍលើវិស័យខុនដូនៅក្នុងប្រទេសកម្ពុជាមិនទាន់មានភាពសកម្មភាពផុសផុលប៉ុន្មានទេ តែរយៈពេល៥ឆ្នាំក្រោយសកម្មភាពលើផ្នែកខុនដូ ទាំងការអភិវឌ្ឍ និងតម្រូវការទីផ្សារឃើញថាមានភាពផុសផុលខ្លាំង ដែលធ្វើឱ្យវិនិយោគិនបរទេស និងក្នុងស្រុកចាប់ផ្ដើមអភិវឌ្ឍគម្រោងជាបន្តបន្ទាប់ដើម្បីផ្គត់ផ្គត់ទៅតាមតម្រូវការទីផ្សារ។

លោកបន្តថា ៖

“រហូតមកដល់ពេលនេះ ការទិញ-លក់ខុនដូ ពីសំណាក់ជនបរទេសបានថមថយបន្តិចដោយសារតែវិបត្តិកូវីដ១៩ ពីព្រោះតែជនបរទេសមិនអាចចូលមកកម្ពុជាដើម្បីធ្វើការ និងស្នាក់នៅបាន ប៉ុន្តែក្នុងរយៈដ៏ខ្លីខាងមុខនេះ ដែលមិនលើសពី៣ឆ្នាំនោះទេ ទីផ្សារខុនដូនឹងមានតម្រូវការឡើងវិញ។ ជាក់ស្ដែងបច្ចុប្បន្ននេះយើងឃើញថារាជរដ្ឋាភិបាលបានអនុញ្ញាតឱ្យជនបរទេសចូលមកកម្ពុជាឡើងវិញដោយមិនតម្រូវធ្វើចត្តាឡីស័ក ឬរឹតបន្តឹងវិធានការនោះទេ ដូច្នេះរំពឹងថាជនបរទេសនឹងចូលមកកម្ពុជាឡើងវិញ ដើម្បីស្វែងរកការវិនិយោគធ្វើក្នុងប្រទេសកម្ពុជា ដែលធ្វើឱ្យចំនួនជនបរទេសទិញខុនដូ ឬជួលខុនដូ មានកំណើនឡើងវិញ បូករួមនឹងកំណើនអ្នកក្នុងស្រុកទិញខុនដូក៏មានច្រើនដូចគ្នា”

លោក ពិន សារី ប្រធានផ្នែកទីផ្សារនៃក្រុមហ៊ុន ERA Cambodia ក៏បានលើកឡើងដែរថា ទំនោរប្រជាជនកម្ពុជាចាប់ផ្ដើមងាកទៅរកការរស់នៅក្នុងខុនដូកាន់តែច្រើន នឹងធ្វើឱ្យតម្រូវការទីផ្សារខុនដូក្នុងប្រទេសកម្ពុជាកាន់តែមានកំណើនឡើង ក្នុងនោះដែរ នៅពេលជនបរទេសអាចចូលមកកម្ពុជាឡើងវិញបាននោះ តម្រូវការនៃទីផ្សារខុនដូនឹងកាន់តែកើនឡើងខ្ពស់បន្ថែមទៀត ដូច្នេះការអភិវឌ្ឍខុនដូក្នុងប្រទេសកម្ពុជានឹងកាន់តែច្រើន ទាំងអ្នកក្នុងស្រុក និងវិនិយោគិនមកពីបរទេស។ យ៉ាងណាក្ដី របាយការណ៍របស់ក្រុមហ៊ុន CBRE Cambodia បានបង្ហាញចំនួនខុនដូដែលត្រូវបានផ្គត់ផ្គង់ក្នុងត្រីមាសទី១ ឆ្នាំ២០២២នេះមានតិចតួចនៅឡើយ ដោយសារតែវិបត្តិនៃសង្គ្រាមរវាងអ៊ុយក្រែន និងរស្ស៊ី និងវិបត្តិកូវីដ១៩មិនទាន់បញ្ចប់ទាំងស្រុង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា