សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បឹងកេងកង ដែលកាលពីប៉ុន្មានឆ្នាំមុនធ្លាប់ជាតំបន់ដីធ្លីមានតម្លៃខ្ពស់ជាងគេនៅរាជធានីភ្នំពេញ ប៉ុន្តែក្នុងឆ្នាំ២០២៤ កន្លងទៅនេះ គិតត្រឹមឆមាសទី២ ឃើញថាតម្លៃដីធ្លីនៅក្នុងខណ្ឌមួយនេះបានធ្លាក់ចុះ និងទាបជាងតំបន់មួយចំនួនក្នុងរាជធានីភ្នំពេញ ។ សូមស្វែងយល់ពីតម្លៃដីធ្លីនៅតាមបណ្ដោយផ្លូវសំខាន់ៗក្នុងខណ្ឌបឹងកង ដោយយោងលើការវាយតម្លៃរបស់ក្រុមហ៊ុនអចលនទ្រព្យធំមួយនៅកម្ពុជា ។
តាមការសិក្សា និងរវាយតម្លៃរបស់ក្រុមហ៊ុនអចលនទ្រព្យ CBRE Cambodia បានបង្ហាញថាតំបន់បឹងកេងកង មានការធ្លាក់ចុះនូវតម្លៃដីធ្លីបើធៀបនឹងឆ្នាំ២០២៣ ។ ដីធ្លីដែលមានទីតាំងស្ថិតនៅតាមបណ្ដោយសម្ដេចព្រះមុនី្នរ៉េត ក្នុងសង្កាត់ទំនប់ទឹក និងសង្កាត់ទួលស្វាយព្រៃទី១ មានតម្លៃចន្លោះពី ៣៥០០ដុល្លារ ដល់ ៤៥០០ដុល្លារអាមេរិក ខណៈកាលពីឆ្នា២០២៣ ដីនៅតំបន់នេះ ទីតាំងខ្លះមានតម្លៃរហូតដល់ ៧ ៧០០ដុល្លារអាមេរិកមួយម៉ែត្រការ៉េឯងណោះ ។ សម្រាប់ទីតាំងដីនៅតាមបណ្ដោយផ្លូវ២៧១ នៃសង្កាត់ទំនប់ទឹក មានតម្លៃចន្លោះពី២៧០០ដុល្លារដល់ ៣៧០០ដុល្លារអាមេរិក ក្នុងមួយម៉ែត្រ ។
យោងតាមរបាយការណ៍ដដែលបានបង្ហាញផងដែរទៅលើតំបន់នៅតាមបណ្ដោយផ្លូវសំខាន់ៗផ្សេងទៀតក្នុងខណ្ឌបឹងកេងកង ដូចជាតាមបណ្ដោយផ្លូវព្រះសីហនុឃើញថាមានតម្លៃ ចន្លោះពី ៥ ៥០០ដុល្លារដល់ ៧ ៥០០ដុល្លារអាមេរិកក្នុងមួយម៉ែត្រការ៉េ សម្រាប់ទីតាំងដីដែលស្ថិតនៅតាមបណ្ដោយផ្លូវព្រះមុនីវង្ស ក្នុងរបាយការណ៍បង្ហាញថាវាមានតម្លៃចន្លោះពី៤ ៥០០ដុល្លារអាមេរិកដល់ ៦៥០០ដុល្លារអាមេរិក ក្នុងមួយម៉ែត្រការ៉េ ។ សម្រាប់ទីតាំងដីនៅបណ្ដោយផ្លូវម៉ៅសេទុង ក៏ឃើញថាមានតម្លៃចន្លោះពី ៤២០០ដុល្លារអាមេរិកដល់ ៥ ៦០០ដល្លារអាមេរិកក្នុងមួយមែត្រការ៉េ ខណៈតម្លៃដីដែលមានទីតាំងនៅតាមបណ្ដោយផ្លុវព្រះនរោត្តមវិញក៏ឃើញថាមានតម្លៃចន្លោះពី៤ ៥០០ដុល្លារដល់ ៦ ៥០០ដុល្លារអាមេរិក ។ ផ្លូវប៉ាស្ទ័រ និងផ្លូវព្រះត្រសក់ផ្អែម ក៏ឃើញថាមានតម្លៃពី ៣ ៥០០ដុល្លារដល់ ៤៥០០ដុល្លារអាមេរិក។
ក្នុងខណ្ឌបឹងកេងកងទាំងមូល តំបន់ដីដែលស្ថិតនៅតាមបណ្ដោយផ្លូវព្រះសីហនុមានតម្លៃខ្ពស់ជាងគេ គឺចន្លោះពី ៥ ៥០០ដុល្លារដល់៧៥០០ដុល្លារអាមេរិកក្នុងមួយម៉ែត្រការ៉េ ជាពិសេសចាប់ពីផ្លូវព្រះមុន្នីរ៉េត ដល់ផ្លូវព្រះមុនីវង្ស ។
សម្រាប់ទីតាំងដីដែលស្ថិតនៅផ្លូវក្នុងឬផ្លូវតូចៗផ្សេងទៀតមានតម្លៃ នៅចន្លោះ២៥០០ដុល្លារទៅ៣៥០០ដុល្លារអាមេរិក និង កន្លែងខ្លះទៀតស្ថិតនៅក្នុងចន្លោះ ៣២០០ដុល្លារដល់ ៤២០០ដុល្លារអាមេរិក ។
នៅក្នុងរបាយការណ៍របស់ក្រុមហ៊ុន CBRE Cambodia បានបង្ហាញថាតំបន់ ដែលមានតម្លៃដីខ្ពស់ជាងគេ គឺតំបន់ក្នុងខណ្ឌដូនពេញ គឺ ទីតាំងដែលស្ថិតនៅក្នុងសង្កាត់ចតុមុខ សង្កាត់ផ្សារកណ្ដាលទី១ និងសង្កាត់បឹងរាំង ជាពិសេសទីតាំងដែលស្ថិតនៅតាមបណ្ដោយផ្លូវព្រះនរោត្តម មហាវិថីព្រះមុនីវង្ស៕
Account
Security
Favourite Content