សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ស្រា Tequila គឺជាស្រាដ៏ពេញនិយមសម្រាប់ទទួលទាននៅតាមបណ្តាភោជនីយដ្ឋាន ជាពិសេសបារកំសាន្តនាពេលរាត្រីដែលមានលក់ភេសជ្ជៈស្រាក្រឡុក ឬ cocktails ហើយក្នុងនោះប្រទេសមិចស៊ីកូគឺជាអ្នកផលិតប្រភេទរសជាតិដើម original tequila និងធំជាងគេបំផុតលើពិភពលោក។
ជារៀងរាល់ឆ្នាំ ប្រទេសមិចស៊ីកូផលិតបានស្រា Tequila សម្រាប់នាំចេញយ៉ាងហោចណាស់ជាង៥០០លានលីត្រដែលក្នុងនោះទីផ្សារធំជាងគេបំផុតគឺលក់ទៅឱ្យសហរដ្ឋអាមេរិកដែលមានចំណែកធំជាងគេបំផុត ហើយបន្ទាប់មកគឺទីផ្សារនៅអេស្បាញ និងអាល្លឺម៉ង់។
គិតត្រឹមឆ្នាំ២០២៣ ប្រទេសនេះអាចផលិតបាន Tequila ប្រមាណជា៥៩៩លានលីត្រប៉ុន្តែស្ថានភាពហាក់ដូចជាចាប់ផ្តើមមានបញ្ហាដោយសារតែមកដល់ចុងឆ្នាំចំនួន Tequila ដែលនៅសេសសល់ក្នុងស្តុកមានទំហំធំរហូតទៅដល់១ភាគ៦នៃចំនួនបានផលិត។
ឧស្សាហកម្មផលិតស្រា Tequila បានធ្វើការប្រកាសអាសន្ននៅចុងឆ្នាំ២០២៤កន្លងទៅនេះ ដោយសារតែចំនួនដែលនៅសេសសល់ក្នុងស្តុកនៅពេលបច្ចុប្បន្នបានកើនឡើង និងមានចំនួនប្រហាក់ប្រហែលទៅនឹងចំនួនដែលត្រូវផលិតជារៀងរាល់ឆ្នាំ ពោលគឺនៅសល់ប្រមាណជា ៥២៥លានលីត្រ។
គួរឲ្យដឹងដែរថា ជារៀងរាល់ឆ្នាំ Tequila សរុបប្រមាណជា២ភាគ៣នៃការនាំចេញទាំងអស់គឺត្រូវបានលក់ទៅឲ្យអាមេរិក ឬប្រមាណជា៨០ភាគរយប៉ុន្តែកាលពីឆ្នាំ២០២៤រ យៈពេល៧ខែដំបូងប៉ុណ្ណោះចំនួននៃការប្រើប្រាស់ Tequila នៅក្នុងទីផ្សារអាមេរិកផ្ទាល់បានធ្លាក់ចុះប្រមាណជាជាង១ភាគរយធៀបទៅនឹងអត្រាកើនឡើងជាប្រចាំឆ្នាំយ៉ាងហោចណាស់ជាង១៥ភាគរយជារៀងរាល់ឆ្នាំ។
កត្តាផ្សេងទៀតដែលបានធ្វើឲ្យការនាំចេញធ្លាក់ចុះខ្លាំងត្រូវបានអ្នកវិភាគរកឃើញថាទំលាប់នៃការប្រើប្រាស់ភេសជ្ជៈគ្រឿងស្រវឹងផងពីសំណាក់ពលរដ្ឋនៅក្នុងអំឡុងពេលកូវីដ ក៏ដូចជាការកើនឡើងនៃតម្លៃរបស់ផលិតផលនេះ។
កាន់តែអាក្រក់សម្រាប់ទីផ្សារ Tequila នៅពេលនេះពីព្រោះថាការវិលត្រឡប់មកវិញនៃរដ្ឋបាលដឹកនាំរបស់លោក Donald Trump នឹងធ្វើឲ្យរបាំងពាណិជ្ជកម្មកាន់តែតានតឹងឡើងដោយសារតែប្រធានាធិបតីថ្មីរូបនេះធ្លាប់បានព្រមានរួចហើយថា លោកនឹងដាក់តម្លៃពន្ធបន្ថែមលើគ្រប់ទំនិញរបស់ប្រទេសមិកស៊ិកូប្រមាណជា២៥ភាគរយទៀតនៅពេលដែលលោកឡើងមកកាន់តំណែងសាជាថ្មី៕
Account
Security
Favourite Content