រយៈ​ពេល​១០ខែ ក្រសួង​រៀបចំដែន​ដី ចេញលិខិតអនុញ្ញាតសាងសង់ទូទាំង​ប្រទេសជិត​៣ពាន់​គម្រោង​

ភ្នំពេញ ៖ ទោះបីជា​ស្ថានភាពសេដ្ឋកិច្ច​​កម្ពុជាមិនទាន់​វិលទៅរកស្ថានភាព​ដូច​មុនវិបត្តិកូវីដ​១៩វិញក៏ដោយ​ ក៏​សកម្ម​ភាព​​នៃការ​សាងសង់​ឃើញថា​មាន​ភាពប្រសើរឡើង​វិញជា​បន្តបន្ទាប់ ជាក់​ស្ដែង​​ក្នុង​រយៈពេ​ល១០​ខែឆ្នាំ២០២៣​​នេះ ក្រសួងរៀបចំដែនដី នគរូប​នីយកម្ម​ និងសំណង់​ បានចេញលិខិតអនុញ្ញាត​សាងសង់​ទូទាំង​ប្រទេ​ស​​ចំនួន​ជិត​ ៣ពាន់​​គម្រោង​ ។ នេះបើតាម​កា​រ​បញ្ជាក់ពីឯកឧត្តម ​ផារ៉ា មង្គល រដ្ឋលេខាធិការក្រសួង​រៀបចំ​ដែន​ដី ​នគរូបនីយកម្ម​ និងសំណង់​ ។​

ថ្លែង​នៅក្នុ​ងពិធីបើក​ពិព័រណ៍ឧស្សាហកម្ម​សំណង់​កម្ពុជា អន្តរជាតិ​កាលពីពេលថ្មីៗនេះ ឯកឧត្តម​ ផារ៉ា ​​មង្គល ​បានមានប្រសាសន៍ថា​ ក្នុង​រយៈពេល​១០ខែ​ដើមឆ្នាំ២០២៣​នេះ គម្រោង​ដែល​បានអនុញ្ញាត​សាងសង់​នៅ​ទូ​ទាំ​ង​​ប្រទេស​មាន​ចំនួន ២​ ៩២៤​គម្រោង ​មានផ្ទៃ​ក្រឡា​កម្រាល​សំណង់​សរុបជាង ១២,៣៣លាន​ម៉ែត្រ​ក្រឡា និងមានទុន​វិនិយោគ​ប្រមាណ ​៥,១ពាន់លានដុល្លារអាមេរិក​ ក្នុងនោះ​អគារ​ខ្ពស់ៗ​ចាប់ពី​៥ជា​ន់​ឡើ​ង​​មានចំនួន ​១៤៦គម្រោង ស្មើនឹង ​១៥៤​គម្រោង​ បុរីលំនៅឋាន​ និងបណ្ដុំ​លំនៅឋាន​មានលក្ខណៈ​ជាបុរី មាន​ចំនួន ​៧៩​​គម្រោ​ង​ ស្មើនឹង​ ១៨ ១៧៤​ខ្នង និងសំណង់​អគារ​ពហុមុខ​ងារ​មានចំនួន១៨គម្រោង ។​

ឯកឧត្តម​បន្ថែមថា សមិទ្ធផល​ទាំង​ឡាយ​លើ​វិស័យ​សំណង់ និងវិស័យ​ផ្សេងៗ​នៅទូទាំង​ប្រទេស អាច​កើតឡើង​បាន​ដោយសារតែប្រទេស​មានសន្តិភាព ស្ថិរភាព​នយោបាយ សន្តិ​សុខ​សង្គម ឯករាជ្យ​ជាតិ ការ​ធានាបាន​នូវអធិបតេយ្យ​ជាតិ និងស្ថិរភាពម៉ាក្រូសេដ្ឋកិច្ច ដែលផ្ដល់​នូវទំនុកចិត្ត​ដល់​វិនិយោគិន​ទាំង​ក្នុង និងក្រៅ​ប្រទេស ក្នុងការជំរុញនូវការ​អភិវឌ្ឍ​ប្រទេស​ជាតិឱ្យ​បន្ត​រីក​ចម្រើនទៅមុខ​ឥតឈប់ឈរ​លើ​គ្រប់វិស័យ ព្រមទាំង​បន្ត​លើកកម្ពស់​ជីវភាពរស់​នៅរបស់ប្រជាពលរដ្ឋ និងលើក​ស្ទួយ​កិត្យា​នុភាពជាតិលើឆាកអន្តរជាតិ ។​

ឯកឧត្តម​បញ្ជាក់ថា ដើម្បីធានាដល់​ការគ្រប់គ្រង​សណ្ដាប់ធ្នាប់​​ សុវត្ថិភាព ​និងគុណភាពសំណង់​ ច្បាប់​ស្ដីពី​សំណង់​នៃព្រះរាជាណាចក្រកម្ពុជា ត្រូវ​បានប្រកាស​ឱ្យ​ប្រើ​កាលពី​ចុងឆ្នាំ ២០១៩ ដែល​ជាមូលដ្ឋានដ៏រឹង​មាំ​ក្នុងការគ្រប់គ្រង​វិស័យសំណង់​ និងអ្នកវិជ្ជាជីវៈសំណង់​ ។ បន្ថែម​លើនេះ ក៏មានអនុក្រឹត្យ​ និង​ប្រកាស​ថ្មីៗ​មួយចំនួន​ត្រូវបាន និង​បន្តដាក់​ចេញជា​បន្តបន្ទាប់​ដើម្បីជំនួស​ ឬបំពេញ​បន្ថែម​ទៅលើ​វិធាន​គ្រប់គ្រង​វិស័យ​សំណង់​​ឱ្យបានល្អ​ ។​

គួរ​បញ្ជាក់ថា ​តាមរយៈសកម្មភាពនៃការ​សាងសង់​នេះបានផ្ដល់អត្ថប្រយោជន៍​ជា​ឱកាស​ការងារ​ និងប្រាក់ចំណូល​ដល់ប្រជាពលរដ្ឋ​កម្ពុជា​រាប់សិប​ម៉ឺននាក់​ផងដែរ ដើម្បីឱ្យពួកគេ​មានប្រាក់ចំណូល​សម្រាប់​ផ្គត់ផ្គង់ជីវភាព​គ្រួសារ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ឬ Visa

ព្រឹត្តិការណ៍, សេដ្ឋកិច្ច

• 23/07/2024

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ដើម្បីទាក់ទាញទេសចរ

ការរៀបចំយន្តការតាមដាន និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាលទី១ ជាដំណាក់កាលសំខាន់

ព្រឹត្តិការណ៍, សេដ្ឋកិច្ច

• 23/07/2024

ការរៀបចំយន្តការតាមដាន ត្រួតពិនិត្យ និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាល ទី១ គឺជាដំណាក់កាលសំខាន់នៃគោលនយោបាយរាជរដ្ឋាភិបាល

វេទិកាសេដ្ឋកិច្ចរបស់គណបក្សប្រជាធិបតេយ្យអាចនឹងនៅដដែលបន្ទាប់ពី Joe Biden បញ្ចប់តំណែងជាប្រធានាធិបតី

ព្រឹត្តិការណ៍, សេដ្ឋកិច្ច

• 23/07/2024

ការប្រកាសដកឈ្មោះរបស់ប្រធានាធិបតីសហរដ្ឋអាម៉េរិក Joe Biden ចេញពីគណបក្សប្រជាធិបតេយ្យក្នុងនាមជាបេក្ខជនឈរឈ្មោះបោះឆ្នោតជ្រើសរើសប្រធានាធិបតីឆ្នាំ ២០២៤ កំពុងក្លាយជាប្រធានបទជជែកដេញដោលទាក់ទងនឹងវេទិកាសេដ្ឋកិច្ច

ក្រុមហ៊ុនធំមួយរបស់ចិន នាំចូលរថយន្តអគ្គិសនីទំនើប​ និងបង្កើតមជ្ឈមណ្ឌលតាំងបង្ហាញនៅកម្ពុជា

ព្រឹត្តិការណ៍, សេដ្ឋកិច្ច

• 22/07/2024

ក្រុមហ៊ុនធំមួយរបស់ប្រទេសចិន នាំចូលរថយន្តអគ្គិសនីទំនើប និងបង្កើតមជ្ឈមណ្ឌលតាំងបង្ហាញរថយន្តនៅព្រះរាជាណាចក្រកម្ពុជា .