ការផ្ដល់​ឥណទាន​សម្រាប់ទិញលំនៅឋាននៅកម្ពុជា​​ កាន់តែទូលំទូលាយ​ជាមួយនឹងអត្រាការ​ប្រាក់ទាបជាងមុន

ភ្នំពេញ ៖ ការផ្ដល់​ឥណទានសម្រាប់ទិញ​លំនៅឋាន​នៅក្នុងប្រព័ន្ធធនាគារ និងហិរញ្ញវត្ថុ ​ក្នុង​រយៈ​ពេលប៉ុន្មាន​ចុង​ក្រោយ​នេះ ​ជាពិសេស​ក្រោយវិបត្តិ​កូវីដ​១៩ ឃើញថា​កាន់តែមានភាពទូលំទូលាយ ដោយ​ធនាគារ​ជាច្រើន​បាន​​ផ្ដល់ឥណទានទៅកាន់អតិថិជន​សម្រាប់ទិញលំនៅឋានជាមួយនឹង​លក្ខខណ្ឌ​​កាន់តែងាយស្រួល​ជាង​មុន ​​។

លោក​អ៊ីន លីអុន តំណាងធនាគារ​វីង បានថ្លែង​​នៅក្នុងវេទិកា​មួយ​នៅទីស្ដីការក្រសួង​រៀបចំដែនដី ន​​គ​រូ​បនី​យក​ម្ម​​ និងសំណង់​នាពេល​កន្លងមក​ បានឱ្យដឹងថា ធនាគារ​វីង​បានផ្ដល់លក្ខខណ្ឌ​ឥណទាន​សម្រាប់អតិថិជន​ទិញ​ផ្ទះ​រហូតដល់៧០ភាគរយនៃ​ទ្រព្យ​ធានា​ និងអាច​ផ្ដល់​ឥណទានរហូតដល់៥លានដុល្លារ​អាមេរិក ​និង​មានរយៈពេលរហុតដល់​២៥ឆ្នាំ ជាមួយអត្រា​ការ​ប្រាក់ចាប់ពី ៨,៥ភាគរយ​ឡើងទៅ ។

លោកបន្តថា សម្រាប់​ការ​បង់ត្រលប់​មក​វិញ ធនាគារ​ក៏ផ្ដល់​លក្ខខណ្ឌ​ជូនអតិថិជន​ដោយបត់បែនទៅ​តា​ម​ស្ថាន​ភា​ព​​ជាក់ស្ដែង និង​ទៅតាម​ប្រាក់ចំណូល​របស់អតិថិជនផងដែរ​ ដោយវានឹង​អា​ស្រ័យទៅលើ​ការ​ចរចា​ និង​ការ​សិក្សា​ជាក់ស្ដែងរវាងធនាគារ និងអតិថិជន ។ សម្រាប់អតិថិជន​ដែលមានបំណង​ស្នើ​សុំ​ឥណទា​នពី​ធនាគារវីង​ក្នុងការទិញផ្ទះ គឺធនាគារ​ផ្ដល់ជូនអតិថិជនជា​ប្រ​ជា​ជន​កម្ពុជា​គ្រប់រូប​ដែលមានអាយុ​ចាប់ពី​១៨​ឆ្នាំដល់​ ៦៥​ឆ្នាំ​ ដែល​មាន​ស្ថិរភាពចំណូល មិនថាអ្នក​ប្រកបអាជីវកម្ម ឬ​បុគ្គលិក​ក្រុមហ៊ុន​ មន្ត្រីរាជការ ។

ចំណែកលោក ពៀច ម៉េងលី ប្រធាននាយក​ដ្ឋាន​នៃធនាគារវឌ្ឍនៈអាស៊ី​ ចំកាត់ ( ABA ) ក៏បានថ្លែង​ផងដែរថា ​ធនាគារ​ ABA ក៏មានផ្ដល់​នូវ​កម្ចីសម្រាប់ទិញផ្ទះជូនប្រជាជនកម្ពុជា ដោយគិតអត្រា​ការ​ប្រាក់ទៅតាមទំហំ​ឥណទាន ជាក់ស្ដែង​បើសិនជាអតិថិជន​យក​កម្ចីដែលមានទំហំចាប់ពី​២ម៉ឺនដុល្លារ​ដល់​១០ម៉ឺនដុល្លារអាមេរិក​ ធនាគារគិត​អត្រា​ការ​ប្រាក់​ត្រឹមតែ ៧​ភាគរយ​ក្នុងមួយឆ្នាំ ។ បើសិនអតិថិជន​ស្នើសុំ​ឥណទាន​​ទិញ​ផ្ទះចាប់​ពី​១០ម៉ឺនដុល្លារអាមេរិកឡើងទៅ​ ធនាគារ​នឹងផ្ដល់​អត្រាការប្រាក់​ទាប​ជាង​នេះ គឺចាប់ពី​ ៦,៥ភាគរយ និង​មាន​រយៈ​ពេល​ឥណទាន​រហូតដល់​ ២៥ឆ្នាំ ជាមួយ​នឹងទំហំឥណទាន​រហូតដល់​៨០ភាគ​រយ​នៃទ្រព្យ​ធានា ។

ក្រសួង​រៀបចំដែនដី​ នគរូប​នីយកម្ម​ និងសំណង់ ក៏បាន​ជំរុញ ​និងសម្របសម្រួលឱ្យ​ធនាគារ និងមីក្រូហិរញ្ញវត្ថុ​​ ផ្ដល់​ឥណទាន​ដល់​ប្រជាពលរដ្ឋ​សម្រាប់ទិញផ្ទះ​ឱ្យបានច្រើនទៅតាមលទ្ធភាព ជាមួយ​នឹងអត្រា​ការ​ប្រាក់ទាប ដើម្បីជំរុញចរន្ត​នៃការ​ទិញលក់​លំនៅឋាននៅកម្ពុជា ។​

ឯកឧត្តម​ សាយ សំអាល់ ឧបនាយករដ្ឋ​មន្ត្រី និងជារដ្ឋមន្ត្រីក្រសួង​រៀបចំដែនដី ​នគរូបនីយកម្ម​ និងសំណង់ បា​ន​ថ្លែ​ង​​នាពេលកន្លងមក​ឱ្យដឹងថា ការផ្ដល់​ឥណទានសម្រាប់ទិញលំនៅឋានជាមួយនឹងអត្រាការ​ប្រាក់​ទាប​វា​នឹង​ធ្វើ​ឱ្យ​​ពលរដ្ឋ​កម្ពុជា​កាន់តែច្រើនមានលទ្ធភាពក្នុងការទិញផ្ទះ​ជា​កម្មសិទ្ធិផ្ទាល់ខ្លួនសម្រាប់ស្នាក់​នៅ​បាន​ ហើ​យ​នៅពេលណាធនាគារ​ផ្ដល់អត្រាការប្រាក់​ទាប​សម្រាប់ឥណទានទិញផ្ទះ​ នៅពេលនោះ ប្រជាពលរដ្ឋ​នឹង​សល់​ប្រាក់សន្សំខ្លះទិញរបស់​របរ​ប្រើប្រាស់ផ្ទាល់​ខ្លួន​បានថែមទៀត​ផង ដូចជា​ ទិញរថយន្ត ទិញ​ម៉ូតូ ​ឬអាច​មានលទ្ធភាពទិញ​ផ្ទះទីពីរ​ ដែលធ្វើឱ្យចរន្ត​សេដ្ឋកិច្ច​កាន់តែ​ដំណើរការ​ល្អ ។​

យោងតាមរបាយការណ៍របស់ក្រុមហ៊ុន​ក្រេឌីត​ប្យូរ៉ូ​​ខេមបូឌា បានឱ្យដឹងថា គិតត្រឹមដាច់ឆ្នាំ២០២៤​ ចំនួន​អ្នក​ប្រើប្រាស់​កម្ចី​សម្រាប់ទិញផ្ទះ​មានជាង​២០ម៉ឺននាក់ បើគិតជាទឹកប្រាក់​ដែល​ធនាគារ និងមីក្រូហិរញ្ញវត្ថុ​ផ្ដល់​ជូន​មានចំនួន​សរុប​ជិត ៨ពាន់លានដុល្លារអាមេរិក ។ នេះមិនទាន់​រាប់​បញ្ចូលនូវ​ចំនួនទឹកប្រាក់ដែលពលរដ្ឋ​បានទិញ​លំនៅឋាន​ដោយ​បង់រម្លស់ជាមួយអ្នកអភិវឌ្ឍន៍​ ឬម្ចាស់​បុរី​នានា​នៅឡើយ ។

បើតាមឯកឧត្តម ជូ វណ្ណៈ អគ្គនាយក​និយ័ត​ករអាជីវកម្ម​អចលនវត្ថុ និង​បញ្ចាំ​បានថ្លែងថា គិតត្រឹមឆ្នាំ ២០២៤ ចំនួនទឹកប្រាក់ដែល​ពលរដ្ឋ​កម្ពុជាបានជំពាក់ ​រឺកំពុង​បង់​រម្លស់​ផ្ទះជាមួយ​ម្ចាស់​បុរី ឬអ្នកអភិ​វឌ្ឍ​ន៍​លំ​នៅឋា​នដែ​ល​​​ចុះប​ញ្ជី​ត្រឹមត្រូវ​មានសរុបប្រមាណ ១ពាន់លានដុល្លារអាមេរិក​ ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា គឺជាស្ពានតភ្ជាប់ទីផ្សារក្នុងស្រុក តំបន់ និងសកលលោកដែលមានប្រជាជនសរុបរាប់ពាន់លាននាក់

Top News, ព្រឹត្តិការណ៍, សេដ្ឋកិច្ច

• 18/11/2026

ភ្នំពេញ ៖ បន្ទាប់ពីបញ្ចប់ដោយជោគជ័យនៃកិច្ចប្រជុំកំពូលហ្វ្រង់កូហ្វូនីលើកទី២០ កម្ពុជា កំពុងដាក់ខ្លួនជាមជ្ឈមណ្ឌលវិនិយោគដ៏មានសក្តានុពល និងគាំទ្រធុរកិច្ចនៅចំបេះដូងនៃតំបន់អាស៊ាន ហើយក៏ជាស្ពានតភ្ជាប់ទីផ្សារពាណិជ្ជកម្មទាំងក្នុងតំបន់ និងសកលលោកផងដែរ។  ជាមួយនឹងឥរិយាបថបើកចំហសម្រាប់ការវិនិយោគដែលផ្តល់ភាពជាម្ចាស់ភាគហ៊ុនដល់បរទេសរហូតដល់ ១០០% ស្របពេលដែលកម្ពុជាជាប្រទេសដែលមានកម្លាំងពលកម្មវ័យក្មេងអាចបណ្តុះបណ្តាលបាន និងការផ្លាស់ប្តូរជាយុទ្ធសាស្ត្រឆ្ពោះទៅរកវិស័យអេឡិចត្រូនិក ថាមពលបៃតង និងផលិតកម្មដែលមានតម្លៃបន្ថែមខ្ពស់ កម្ពុជាបានផ្តល់ជូនអ្នកវិនិយោគសកលនូវច្រកទ្វារដោយផ្ទាល់ទៅកាន់មហាអនុតំបន់ទន្លេមេគង្គ អ្នកប្រើប្រាស់ចំនួន ៧០០ លាននាក់របស់អាស៊ាន និងដៃគូពាណិជ្ជកម្មអន្តរជាតិសំខាន់ៗ។ ថ្លែងក្នុងកិច្ចប្រជុំកំពូលហ្វ្រង់កូហ្វូនី

អាស៊ានចង់ពង្រឹងជំហររបស់តំបន់ឲ្យធំជាងមុននៅក្នុងខ្សែច្រវាក់ផ្គត់ផ្គង់រ៉ែកម្រជាសកល

ព្រឹត្តិការណ៍, សេដ្ឋកិច្ច

• 18/11/2026

នៅក្នុងសេចក្តីថ្លែងការណ៍មួយដែលត្រូវបានអនុម័តក្នុងអំឡុងកិច្ចប្រជុំកំពូលអាស៊ានលើកទី៤៩ នៅទីក្រុងម៉ានីល មេដឹកនាំទាំងអស់ប្តេជ្ញាបង្កើតយុទ្ធសាស្ត្ររ៉ែកម្រសំខាន់ៗរបស់អាស៊ាន ដើម្បីតម្រង់ទិសកិច្ចសហប្រតិបត្តិការនៅទូទាំងខ្សែច្រវាក់តម្លៃរ៉ែ

ពាណិជ្ជកម្ម​កម្ពុជា​-​បារាំង ​ឈាន​ដល់​ដំណាក់កាល​អនុវត្ត​ឱ្យ​ចេញ​ជា​លទ្ធផល​ជាក់ស្តែង​

ព្រឹត្តិការណ៍, សេដ្ឋកិច្ច

• 18/11/2026

​ ​ទំនាក់ទំនង​សេដ្ឋកិច្ច​រវាង​កម្ពុជា​ ​និង​បារាំង ​បាន​ឈាន​ដល់​ដំណាក់កាល​អនុវត្ត ​ដើម្បី​បង្កើត​លទ្ធផល​ជាក់ស្តែង​ ​ដោយ​ផ្អែក​លើ​សក្តានុពល​សេដ្ឋកិច្ច​ ​និង​ចំណុច​ខ្លាំង​របស់​កម្ពុជា​ ​ដែល​អាច​ទាក់ទាញ​វិនិយោគិន​បារាំង

ប៊ុលហ្គារី ​និង​វៀតណាម ​​ប្តេជ្ញា​ពង្រីក​កិច្ច​សហប្រតិបត្តិការ​សេដ្ឋកិច្ច​ ​និង​ការពារ​ជាតិ​

ព្រឹត្តិការណ៍, សេដ្ឋកិច្ច

• 18/11/2026

ប៊ុលហ្គារី ​និង​វៀតណាម ​បាន​ប្តេជ្ញា​ពង្រឹង​ភាព​ជា​ដៃគូ​យុទ្ធសាស្ត្រ​ឱ្យ​កាន់តែ​ស៊ីជម្រៅ​ ​តាមរយៈ​ការ​ពង្រីក​កិច្ច​សហប្រតិបត្តិការ​លើ​វិស័យ​សេដ្ឋកិច្ច​ ​ការពារ​ជាតិ​ ការ​អប់រំ​ ​និង​បច្ចេកវិទ្យា​ខ្ពស់ ​ក្នុង​ជំនួប​ទ្វេ​ភាគី​រវាង​ប្រមុខ​រដ្ឋ​នៃ​ប្រទេស​ទាំង​ពីរ ​នៅ​រាជធានី​ភ្នំពេញ​ ​ប្រទេស​កម្ពុជា

កម្ពុជា​រំពឹង​សម្រេច​កំណើន​សេដ្ឋកិច្ច​ ៤​%​ ​នៅ​ឆ្នាំ​ ២០២៦ ​និង​កើន​ដល់​ ៤​,​៨​%​​ នៅ​ឆ្នាំ ​២០២៧

ព្រឹត្តិការណ៍, សេដ្ឋកិច្ច

• 17/11/2026

សេដ្ឋកិច្ច​កម្ពុជា​ត្រូវ​បាន​ព្យាករ​ថា​នឹង​សម្រេច​កំណើន​ក្នុង​រង្វង់​ ៤​%​ ​នៅ​ឆ្នាំ ​២០២៦ ​និង​បន្ត​កើន​ដល់​ ៤​,​៨​%​ ​នៅ​ឆ្នាំ​២០២៧ ​ដោយ​រាជ​រដ្ឋាភិបាល​គ្រោង​ប្រមូល​ចំណូល​ថវិកា​រដ្ឋ​ប្រមាណ​ ​១៥​,​២៤​%​ ​នៃ​ផលិតផល​ក្នុង​ស្រុក​សរុប​ ​(​ផ.ស.ស.​) ​និង​កំណត់​ចំណាយ​សរុប​ថ្នាក់​ជាតិ​ក្នុង​ទំហំ​ ១៥​,​៨៩​%​ ​នៃ​ ​ផ.​ស.ស. ​ដើម្បី​រក្សា​លំនឹង​សង្គម​-​សេដ្ឋកិច្ច​ ​និង​គាំទ្រ​កំណើន​ក្នុង​បរិការណ៍​នៃ​ភាព​មិន​ប្រាកដប្រជា

កិច្ច​សហការ​បច្ចេកវិទ្យា​ថ្មី​​ ៣ ​ជំរុញ​សន្តិសុខ​សាយប័រ ​AI ​និង​បរិវត្ត​កម្ម​ឌីជីថល​នៅ​កម្ពុជា​

ព្រឹត្តិការណ៍, សេដ្ឋកិច្ច

• 17/11/2026

ក្រុមហ៊ុន​ ​មេគង្គណិត ​បាន​ចុះ​អនុស្សរណៈ​នៃ​ការ​យោគយល់​ចំនួន​ ៣ ​ជាមួយ​ក្រុមហ៊ុន​បច្ចេកវិទ្យា​អន្តរជាតិ​ ​និង​ដៃគូ​ក្នុង​ស្រុក ​ដើម្បី​ពង្រីក​សេវា​សន្តិសុខ​សាយប័រ ​ពង្រឹង​ការ​តភ្ជាប់​មជ្ឈមណ្ឌល​ទិន្នន័យ​ ​និង​ជំរុញ​ការ​ប្រើប្រាស់​បច្ចេកវិទ្យា​បញ្ញា​សិប្បនិម្មិត ​(​AI​)​ ​និង​ដំណោះស្រាយ​ឌីជីថល​នៅ​កម្ពុជា

សូហ្វី​ណា ​ហ្វាម​ ​បោះ​ទុន​ ​៦​,​៥​ ​លាន​ដុល្លារ​ ​បង្កើត​កសិដ្ឋាន​មាន់​ពង ​និង​កែច្នៃ​សាច់​ខ្នាត​ធំ​នៅ​ព្រៃ​វែង

ព្រឹត្តិការណ៍, សេដ្ឋកិច្ច

• 17/11/2026

​ក្រុមហ៊ុន​ សូហ្វី​ណា ​ហ្វាម ​ដែល​ជា​ក្រុមហ៊ុន​មាន​ម្ចាស់​ជា​ជនជាតិ​ខ្មែរ​ទាំងស្រុង​ ​បាន​វិនិយោគ​ទុន​ចំនួន​ ៦​,​៥ ​លាន​ដុល្លារ​អាម៉េរិក​ ​ដើម្បី​បង្កើត​កសិដ្ឋាន​ចិញ្ចឹម​មាន់​ពង ​និង​រោងចក្រ​កែច្នៃ​សាច់​មាន់​ខ្នាត​ធំ​ ​នៅ​ស្រុក​កញ្ចៀច ​ខេត្ត​ព្រៃវែង ​ដោយ​គ្រោង​ចាប់ផ្ដើម​ដំណើរការ​នៅ​ថ្ងៃ​ទី​៤​ ​ខែ​មេសា ​ឆ្នាំ​២០២៧

អាស៊ាន​ ចុះ MOU ស្តីពី បណ្តាញអគ្គិសនី និងសេដ្ឋកិច្ចឌីជីថល ខណៈប្រទេសចំនួន ៥ ចាប់អារម្មណ៍លើការស្តុកប្រេងក្នុងតំបន់

ព្រឹត្តិការណ៍, សេដ្ឋកិច្ច

• 17/11/2026

បរទេស ៖ រដ្ឋាភិបាលបណ្តាប្រទេសជាសមាជិកអាស៊ានបានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីបណ្តាញអគ្គិសនីអាស៊ាន (ASEAN Power Grid) ខណៈដែលប្រទេសចំនួន ៥ បង្ហាញចំណាប់អារម្មណ៍លើការស្តុកប្រេងទុកក្នុងតំបន់។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្មហ្វីលីពីន លោកស្រី Cristina Roque កាលពីថ្ងៃចន្ទ សប្ដាហ៍នេះ បន្ទាប់ពីបញ្ចប់កិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី ២៨។ លោកស្រី

រដ្ឋមន្ត្រី កសិកម្ម អញ្ជើញជាវាគ្មិនកិត្តិយសក្នុងវេទិកាពិភាក្សាទី៤ ក្នុងព្រឹត្តិការណ៍អម «ហ្វ្រង់កូតិច-FrancoTech»

ព្រឹត្តិការណ៍, សេដ្ឋកិច្ច

• 16/11/2026

ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញជាវាគ្មិនកិត្តិយសក្នុងវេទិកាពិភាក្សាទី៤ ស្តីពី «AgriTech and Food Security» ក្នុងព្រឹត្តិការណ៍អម «ហ្វ្រង់កូតិច-FrancoTech» នៃកិច្ចប្រជុំហ្វ្រង់កូហ្វូនី លើកទី២០ ឆ្នាំ២០២៦។

​CSX​ ​ទទួល​បាន​សញ្ញា​បណ្ណ​ហេដ្ឋារចនាសម្ព័ន្ធ​បៃតង​ថ្មី​​ កៀរ​គរ​ទុន​រយៈពេល​វែង​ជិត​ ​១០០ ​លាន​ដុល្លារ​

ព្រឹត្តិការណ៍, សេដ្ឋកិច្ច

• 16/11/2026

ផ្សារ​មូលបត្រ​កម្ពុជា​ ​(​CSX​)​ ​បាន​ទទួល​ក្រុមហ៊ុន​ SchneiTec ​Jupiter ​Co​.​,​ Ltd​. ​ចុះ​បញ្ជី​លក់​សញ្ញា​បណ្ណ​ហេដ្ឋារចនាសម្ព័ន្ធ​បៃតង ​ដោយ​អាច​កៀរ​គរ​ទុន​រយៈពេល​វែង​បាន​ប្រមាណ​ ​១០០​ លាន​ដុល្លារ​អាម៉េរិក​ ​ដែល​នឹង​រួមចំណែក​គាំទ្រ​ដល់​ការ​វិនិយោគ​លើ​ហេដ្ឋារចនាសម្ព័ន្ធ​ថាមពល​ស្អាត ​និង​ការ​អភិវឌ្ឍ​សេដ្ឋកិច្ច​បៃតង​នៅ​កម្ពុជា


Leave a Reply

Your email address will not be published.Required fields are marked *