សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ លោក ង៉ែត ជូ អ្នកជំនាញនៃវិស័យហិរញ្ញវត្ថុ និងជាអ្នកវិនិយោគលើដីធ្លីមួយរូបនៅកម្ពុជាបានបង្ហាញពីក្បួននៃការវិនិយោគដីធ្លីក្នុងបរិបទថ្មីនៃច្បាប់ពន្ធដារ ។ តើរបត់ថ្មីនៃការវិនិយោគលើវិស័យដីធ្លីគួរត្រូវធ្វើដោយវិធីណាខ្លះ ?
អ្នកជំនាញរូបនេះបានឱ្យដឹងថា ពន្ធលើអចលនទ្រព្យពីរយ៉ាងដែលបង្វែរការវិនិយោគពីការទិញដីធ្លីទុកលក់យកចំណេញ (ការវិនិយោគដ៏ពេញនិយមកន្លងមក) មកជាការវិនិយោគដើម្បីប្រើប្រាស់ ឬជួលបង្កើតជាចំណូលប្រចាំខែ។ ពន្ធទាំងពីរនោះគឺ ៖
១) ពន្ធលើដីធ្លីដែលមិនបានប្រើប្រាស់ប្រចាំឆ្នាំដែលមានអត្រា២%នៃតម្លៃដី (តាមតារាងតម្លៃដែលកំណត់ដោយរដ្ឋ)។
២) ពន្ធលើចំណេញមូលធនដែលមានអត្រា២០%នៃប្រាក់ចំណេញ។
សូមបញ្ជាក់ថា ការជួលដីធ្លីក៏ជាប់ពន្ធដែរ អត្រាពន្ធគឺ១០%នៃថ្លៃជួលដីប្រចាំខែ។ ប៉ុន្តែម្ចាស់ដីបានចំណូលពីការជួលចៀសជាងការចំណាយបង់ពន្ធលើដីដែលមិនបានប្រើប្រាស់ (ដែលគ្មានចំណូល)។
បើមិនផ្លាស់ប្តូររបៀបនៃការវិនិយោគអោយសមស្របតាមរបត់ថ្មីនៃការប្រមូលពន្ធនោះទេ ម្ចាស់អចលនទ្រព្យអាចគ្មានចំណូល (គ្មានប្រាក់) បង់ពន្ធជូនរដ្ឋ។ ការអនុវត្តគោលនយោបាយពន្ធបែបនេះអាចជួយជំរុញការប្រើប្រាស់ដីធ្លីដើម្បីបង្កើនការរីកចំរើនដល់សេដ្ឋកិច្ច និងការបង្កើតការងារចៀសជាងទិញដីទុកលក់យកចំណេញ ។
តាមរយៈការវិនិយោគលើដីធ្លី និងអចលនទ្រព្យ បានធ្វើឱ្យអ្នកជំនួញជាច្រើនទទួលបាននូវផលចំណេញ និងបានធ្វើឱ្យការទិញលក់ដីធ្លីនៅក្នុងប្រទេសកម្ពុជាមានកំណើនគួរឱ្យកត់សម្គាល់ ។ តែគួរឱ្យសោកស្ដាយ នៅក្នុងបរិបទនៃជំងឺកូវីដ១៩ ចាប់តាំងពីឆ្នាំ២០២០មក វិស័យអចលនទ្រព្យក៏ដូចជាវិស័យដទៃទៀត ក៏ត្រូវបានរងគ្រោះ ការទិញលក់ត្រូវបានធ្លាក់ចុះជាបន្តបន្ទាប់រហូតដល់គម្រោងអភិវឌ្ឍន៍មួយចំនួនត្រូវជាប់គាំង ក្នុងនោះដែរ ពន្ធដារក៏ចាប់ផ្ដើមប្រមូលពន្ធ និងគ្រោងចាប់ផ្ដើមអនុវត្តន៍ពន្ធលើចំនេញមូលធន ។
ការទិញលក់ដីធ្លីក៏ដូចជាការផ្ទេរសិទ្ធិពីម្ចាស់មួយទៅមួយទៀត ក៏បានធ្វើឱ្យរដ្ឋទទួលបាននូវផលចំណេញតាមរយៈពន្ធប្រថាប់ ដូច្នេះបើកាលណាទិញលក់កាន់តែច្រើនរដ្ឋក៏នឹងទទួលបានពន្ធប្រថាប់ត្រាកាន់តែច្រើនដូចគ្នាដែរ៕
Account
Security
Favourite Content