សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅមុនឆ្នាំ២០០៧ កម្ពុជា គឺជាប្រទេសមួយដែលនាំចូលស៊ីម៉ង់ត៍មកពីក្រៅប្រទេសដើម្បីបម្រើដល់ការផ្គត់ផ្គង់វិស័យសំណង់១០០ភាគរយ ដែលមានន័យថា នៅមុនឆ្នាំ២០០៧ កម្ពុជាមិនទាន់មានរោងចក្រផលិតស៊ីម៉ង់ត៍ទេ ប៉ុន្តែមកដល់ឆ្នាំ២០២៥នេះ កម្ពុជាអាចមានសមត្ថភាពក្នុងការផលិត និងផ្គត់ផ្គង់ស៊ីម៉ង់ត៍សម្រាប់វិស័យសំណង់បាន១០០ភាគរយ និងអាចនាំចេញទៅក្រៅប្រទេសបានមួយចំណែកផងដែរ ។
ថ្លែងនៅក្នុងពិធីសម្ពោធដាក់ឱ្យដំណើរការរោងចក្រស៊ីម៉ងត៍របស់ក្រុមហ៊ុន ខនស៍ ខេធី ស៊ីមេន (ភ្នំពេញ) ឯ.ក នៅភូមិមនោរម្យ ឃុំហោងសំណំ ស្រុកឱរ៉ាល់ ខេត្តកំពង់ស្ពឺកាលពីព្រឹកថ្ងៃទី២០ ខែឧសភា ឆ្នាំ២០២៥ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា ប្រទេសកម្ពុជាបានចាប់ផ្ដើមផលិតស៊ីម៉ង់ត៍ដំបូងគេនៅក្នុងឆ្នាំ១៩៦១ ហើយនៅពេលនោះស៊ីម៉ង់ត៍របស់កម្ពុជាមានគុណភាព និងផលិតបានច្រើន ប៉ុន្តែជាអកុសលដោយសារតែសង្គ្រាម ខ្សែច្រវាក់ផលិតកម្មត្រូវបានបញ្ចប់រហូតដល់ក្រោយឆ្នាំ១៩៧៩ ក៏បានចាប់ផ្ដើមបើកដំណើរការឡើងវិញ ។
សម្ដេចមានប្រសាសន៍បន្តថា បន្ទាប់ពីបានដំណើរការបានប៉ុន្មានឆ្នាំ ដោយសារតែរោងចក្រផលិតស៊ីម៉ង់ត៍មុនសង្គ្រាមមានសភាពចាស់ទ្រុឌទ្រោម ខ្សែច្រវាក់ផលិតកម្មរោងចក្រមិនអាចប្រកួតប្រជែងបានក៏បិទ ហើយពេលនោះ កម្ពុជាត្រូវពឹងលើការនាំចូលស៊ីម៉ង់ត៍ពីក្រៅប្រទេសទាំងស្រុងមកផ្គត់ផ្គង់រហូតដល់ឆ្នាំ២០០៧ ។ ក្រោយមកទៀត ពោលគឺចាប់ពីឆ្នាំ២០០៧មក កម្ពុជាក៏ចាប់ផ្ដើមរៀបចំរោងចក្រផលិតស៊ីម៉ង់ត៍ឡើងវិញ ហើយរហូតមកដល់ឆ្នាំ២០២៥នេះ កម្ពុជាមានរោងចក្រផលិតស៊ីម៉ង់ត៍ចំនួន៦រោងចក្រកំពុងដំណើរការ និងមានសមត្ថភាពផលិតបាន១១លានតោន ក្នុងមួយឆ្នាំ ហើយអាចផ្គត់ផ្គង់ក្នុងប្រទេសបាន១០០ភាគរយនៃតម្រូវការ រួមទាំងអាចនាំចេញទៅក្រៅបានមួយចំនួន។ ជាក់ស្ដែងកាលពីឆ្នាំ២០២៤កន្លងទៅ កម្ពុជាបាននាំចេញស៊ីម៉ង់ត៍ទៅកាន់ប្រទេសថៃបានប្រមាណជាង៣ម៉ឺនតោនផងដែរ ។ ដូច្នេះពីប្រទេសមួយដែលនាំចូលស៊ីម៉ង់ត៍មកផ្គត់ផ្គង់ទាំងស្រុងជាប្រទេសដែលអាចមានសមត្ថភាពផលិតនិងផ្គត់ផ្គង់បានទាំងស្រុងវិញ ។
សម្ដេចធិបតីបានបន្ថែមថា ក្រៅពីរោងចក្រដែលកំពុងដំណើរការទាំង៦ហើយនោះ បច្ចុប្បន្ននេះមានរោងចក្រចំនួន៤ទៀត ដែលទទួលបានអាជ្ញាបណ្ណ និងកំពុងពិនិត្យមើលថា តើគួរបន្តផ្ដល់ឱ្យដំណើរការផលិត ឬក៏បញ្ឈប់ ព្រោះថាពេលនេះរោងចក្រផលិតស៊ីម៉ង់ត៍នៅកម្ពុជាកំពុងដំណើរការចំនួន៦ និងអាចផលិតបានរហូតដល់១១លានតោន ដែលអាចនិយាយបានថាច្រើនគួរសមសម្រាប់តម្រូវការ ។
បើតាមអគ្គលេខាធិការសមាគមឧស្សាហកម្មស៊ីម៉ង់ត៍កម្ពុជាលោក ពុត ចន្ថារិទ្ធបានលើកឡើងថា បច្ចុប្បន្ននេះ បរិមាណស៊ីម៉ង់ត៍ ដែលបានផលិតនៅក្នុងប្រទេសកម្ពុជា គឺអាចគ្រប់នឹងតម្រូវការ ដោយមិនចាំបាច់នាំចូលពីក្រៅប្រទេស ហើយមិនតែប៉ុណ្ណោះ កម្ពុជាក៏អាចនាំចេញទៅកាន់ប្រទេសក្រៅវិញបានដែរ បើសិនជាមានតម្រូវការ ។
លោកបន្តថា បច្ចុប្បន្ននេះ សកម្មភាពនៃការសាងសង់នៅក្នុងប្រទេសកម្ពុជាគេកត់សម្គាល់ឃើញថាមានការកើនឡើងនៅតំបន់ព្រំដែនដូចជានៅតំបន់ព្រំដែនកម្ពុជា វៀតណាម ( ក្រុងបាវិត) និងតំបន់ព្រំដែនកម្ពុជា (ប៉ោយប៉ែត ) ជាដើម ដែលធ្វើឱ្យតម្រូវការនៃការប្រើប្រាស់ស៊ីម៉ង់ត៍នៅតំបន់នោះក៏មានកំណើនខ្ពស់ ទាំងសំណង់អគារ និងហេដ្ឋារចនាសម្ព័ន្ធ ៕
Account
Security
Favourite Content