សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងព្រឹត្តិបត្រស្ថិតិសេដ្ឋកិច្ចនៃក្រសួងសេដ្ឋកិច្ច និងហិរញ្ញវត្ថុដែលបានចេញផ្សាយកាលពីពេលថ្មីៗនេះឱ្យដឹងថា នៅក្នុងត្រីមាសទី១ដំបូងនៃឆ្នាំ២០២២នេះ កម្ពុជាបានអនុម័តគម្រោងសាងសង់សរុបចំនួន១០០១គម្រោង ធៀបទៅនឹងរយៈពេលដូចគ្នាកាលពីឆ្នាំ២០២១កន្លងទៅ មានការថយចុះប្រមាណ៦៥គម្រោង ស្មើនឹងប្រមាណ៦,១ភាគរយ ។
យោងតាមរបាយការណ៍របស់ក្រសួងសេដ្ឋកិច្ច និងហិរញ្ញវត្ថុ បានបង្ហាញថា ការថមថយនៃគម្រោងសំណង់នៅក្នុងត្រីមាសទី១នេះ ដោយសារតែការធ្លាក់ចុះគម្រោងប្រភេទសំណង់សាធារណៈ សំណង់លំនៅឋាន ភូមិគ្រឹះ សំណង់ពាណិជ្ជកម្ម សំណង់ឧស្សាហកម្ម និងសំណង់ទេសចរណ៍។ ទោះបីជាយ៉ាងណាក្ដី វិស័យសំណង់ រំពឹងថានឹងងើបឡើងវិញនៅក្នុងអត្រា៣ភាគរនៅក្នុងឆ្នាំ២០២២នេះ ដោយសារតែកំណើនការផ្ដល់ឥណទានវិស័យសំណង់បានបន្តកើនឡើង ស្របពេលដែលរាជរដ្ឋាភិបាល បាន និងកំពុងបន្តតាមដាន និងដាក់ចេញគោលនយោបាយ អន្តរាគមន៍ឱ្យបានទាន់ពេលវេលា សំដៅបញ្ចៀសហានិភ័យដែលអាចនឹងកើតឡើង ខណៈដែលអ្នកជំនាញនៃវិស័យអចលនទ្រព្យបានមើលឃើញថា ក្នុងឆ្នាំ២០២២នេះ ដំណើរការសាងសង់មួយចំនួនគឺបន្តពីគម្រោងចាស់ៗដែលបានផ្អាកដំណើរការ ឬពន្យារពេលកាលពីវិបត្តិកូវីដ១៩ ដោយមិនមានគម្រោងថ្មីៗច្រើនប៉ុន្មាននោះទេ ។
អ្នកនាង គឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុន CBRE Cambodia បានលើកឡើងផងដែរថា ឆ្នាំ២០២២នេះការវិនិយោគសំណង់ និងអចលនទ្រព្យនៅបន្តពឹងផ្អែកលើអ្នកវិនិយោគក្នុងស្រុកដដែល ដោយអ្នកវិនិយោគពីបរទេសនៅតែមានចំនួនតិចតួច ជាពិសេសមកពីប្រទេសចិន ដោយសារតែការរឹតបន្តឹងរបស់ចិនក្នុងការអនុញ្ញាតឱ្យជនជាតិខ្លួនចេញក្រៅប្រទេស ។
លោក ព្រាប កុល ប្រធានក្រុមប្រឹក្សាភិបាលនៃក្រុមហ៊ុន Century 21 Zillion Holding បានលើកឡើងថា វិស័យសំណង់ និងអចលនទ្រព្យកម្ពុជាក្នុងឆ្នាំ២០២២ និងឆ្នាំ២០២៣ នៅរង់ចាំអ៊ុតមើលសិន បានន័យថា ភាពច្បាស់ការនៅមិនទាន់មាននៅឡើយ ប៉ុន្តែសម្រាប់ឆ្នាំ២០២៤ អាចប្រាកដថានឹងមានភាពល្អប្រសើរ១០០ភាគរយ ។
លោកបានលើកឡើងថាស្ថានភាពនៃអចលនទ្រព្យឆ្នាំ២០២២ មិនអាក្រក់ដូច២ឆ្នាំមុនឡើយ ហើយស្ថានភាពនៅឆ្នាំ២០២៣ និង២០២៤ ក៏នឹងមិនដូចបច្ចុប្បន្ននេះដែរ គឺវាអាចនឹងល្អជាងពេលបច្ចុប្បន្ននេះ ពោលគឺអាចនៅត្រឹមចុងឆ្នាំ២០២២ នេះ ឬក៏ដើមឆ្នាំ២០២៣ វិនិយោគិនបរទេសនឹងចូលមកកម្ពុជាវិញ ហើយនឹងបន្តចូលមកកាន់តែច្រើននៅក្នុងឆ្នាំ២០២៤ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content