សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អ្នកជំនាញនៃទីផ្សារអចលនទ្រព្យអន្តរជាតិបានលើកឡើងថា ជនជាតិចិនបានចាប់ផ្តើមចេញក្រៅប្រទេសស្វែងរកទិញខុនដូវិញហើយ ក្រោយពីអាក់ខានមួយរយៈដោយសារតែវិបត្តិកូវីដ១៩ និងការរឹតបន្តឹងពីប្រទេសចិនសម្រាប់ការចេញចូលក្រៅប្រទេស ។
លោក Marcus Chu ដែលជនជាតិសិង្ហបុរី និងជាអ្នកជំនាញផ្នែកទីផ្សារអចលនទ្រព្យបានអះអាងថា នៅប្រទេសសិង្ហបុរីពេលនេះរកតែខុនដូលក់ឱ្យជនជាតិចិនសឹងតែលែងបានហើយ ដូច្នេះហើយមិនយូរមិនឆាប់ជនជាតិចិននឹងចូលមកកម្ពុជាស្វែងរកទិញខុនដូ ហើយអ្វីដែលអ្នកវិនិយោគនៅកម្ពុជាត្រូវត្រៀមខ្លួននោះ គឺគម្រោងខុនដូល្អៗសម្រាប់ផ្ដល់ជូនជនជាតិចិន និងការត្រៀមភ្នាក់ងារសម្រាប់ទំនាក់ទំនង និងការលក់។
លោកបញ្ជាក់ថា ៖
“ពេលនេះនៅប្រទេសសិង្ហបុរីសឹងតែរកកន្លែងដាក់ជនជាតិចិនលែងបានហើយ ដូច្នេះខ្ញុំគិតថា អាចរង្វង់៣ទៅ៤ខែខាងមុខ ចិននឹងហូរចូលមកកម្ពុជា។ សម្រាប់ទីផ្សារខុនដូនៅកម្ពុជានាពេលបច្ចុប្បន្ន នៅមិនទាន់គ្រប់តាមតម្រូវការនោះទេ បើសិនជាវត្តមានជនជាតិច្រើនដូចនៅសឹង្ហបុរី ហើយបើសិនជាចិនចូលមកកម្ពុជាគឺមកក្នុងនាមជាអ្នកវិនិយោគ ពួកគេក៏មិនមែនទិញខុនដូតែ១យូនីតនោះដែរ ខ្លះអាចទិញដល់ទៅ១០យូនីតឯណោះ ដើម្បីទុកវិនិយោគ និងលក់ជូនជនជាតិគ្នាគាត់ពេលដែលពួកគេមកកម្ពុជាជាបន្តបន្ទាប់”
លោក ខន គង្គា អគ្គនាយកក្រុមហ៊ុនអចលនទ្រព្យ ERA Cambodia ក៏បានឱ្យដឹងផងដែរថា ទីផ្សារខុនដូនៅកម្ពុជាចាប់ផ្ដើមមានសក្ដានុពលនិងមានតម្រូវការខ្ពស់ជាបន្តបន្ទាប់ឡើងវិញ ចាប់តាំងពីរដ្ឋាភិបាលបានបើកប្រទេសបើកសេដ្ឋកិច្ចឡើងវិញ ធ្វើឱ្យអាជីវកម្មរបស់ពលរដ្ឋបានកើនឡើងវិញ និងធ្វើឱ្យចំណូលគាត់បានកើនឡើង និងអាចទិញខុនដូសម្រាប់វិនិយោគ ឬស្នាក់នៅ ។
លោកបន្តថា ៖
“យើងអាចមើលឃើញថាសកម្មភាពសេដ្ឋកិច្ចនៅក្នុងប្រទេសកម្ពុជាបានកើនឡើងវិញក្រោយវិបត្តិកូវីដ១៩ តាមរយៈការមមាញឹកនៃចរាចរណ៍នៅតាមផ្លូវ ពីព្រោះតែពលរដ្ឋមានការងារ មានប្រាក់ចំណូល ទើបចេញធ្វើដំណើរកម្សាន្ត និងទៅធ្វើការ ។ ទេសចរក៏ចាប់ផ្ដើមមានសន្ទុះឡើងវិញផងដែរក្នុងរយៈពេល៦ខែកន្លងមកនេះ ហើយការហូរចូលនៃទេសចរបរទេសនេះដែរក៏ជាសញ្ញានៃការទិញជួលខុនដូនៅក្នុងទីផ្សារកម្ពុជាផងដែរ”
អ្នកនាង គឹម គិនកេសា អ្នកគ្រប់គ្រងផ្នែកទីផ្សារ និងស្រាវជ្រាវជាន់ខ្ពស់នៃក្រុមហ៊ុនអចលនទ្រព្យ CBRE Cambodia ក៏បានឱ្យដឹងថា ក្នុងរយៈពេល១ឆមាសកន្លងមកនេះ ជាពិសេសនៅត្រីមាសទី២នៃឆ្នាំ២០២២នេះ ការអភិវឌ្ឍលើគម្រោងខុនដូនៅកម្ពុជា បានចាប់ផ្ដើមមានដំណើរការឡើងវិញ ជាពិសេសការដ្ឋាននៃគម្រោងខុនដូមួយចំនួនដែលផ្អាកដំណើរការកាលពីអំឡុងកូវីដ១៩ បានបើកការដ្ឋានសាងសង់ឡើងវិញ ជាមួយនឹងគម្រោងថ្មីៗមួយចំនួនក៏បានបើកដំណើរការដែរ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
បុរសម្នាក់កែច្នៃត្រឡោកដូងទៅជាធ្យូងអនាម័យ ជួយដល់សុខមាលភាពប្រជាជន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
ជំនួសឱ្យការយកឈើទៅដុត បុរសម្នាក់បានប្រមូលយកត្រឡោកដូងដែលគេកោសសាច់រួច ទៅដុតឱ្យចេញជាធ្យូងអនាម័យ។
Hilltribe Organics ជួយបង្កើនប្រាក់ចំណូលជនជាតិភាគតិចនៅប្រទេសថៃជាង ៥០០ ដុល្លារក្នុងមួយខែពីការចិញ្ចឹមមាន់យកស៊ុតសរីរាង្គ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Hilltribe Organics បានរួមបញ្ចូលជនជាតិដើមភាគតិចដែលចិញ្ចឹមមាន់យកស៊ុតទៅក្នុងខ្សែសង្វាក់តម្លៃនៃផលិតផលសរីរាង្គរបស់ខ្លួន និងបានជួយបង្កើនប្រាក់ចំណូលរបស់ពួកគេបីដង ឬជាង ៥០០ ដុល្លារក្នុងមួយខែ
Doi Kham ក្រុមហ៊ុនធុរកិច្ចបរិយាបន្នថៃផ្តោតសំខាន់ជួយគាំទ្រជីវភាពក្រុមកុលសម្ព័ន្ធភ្នំ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content