សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កែប ៖ ខេត្តកែប ដែលតូចច្រឡឹងស្ថិតនៅប៉ែកនិរតី និងជាគោលដៅទេសចរណ៍លំដាប់អន្តរជាតិសំខាន់មួយរបស់សំខាន់ក្នុងចំណោមខេត្តទាំង៤ប្រចាំកម្ពុជា កំពុងតែដំណើរការគម្រោងពង្រីកឆ្នេររបស់ខ្លួន ព្រមទាំងវិថី និងអនុវិថីចំនួន៥ទៀត ដើម្បីលើកកម្ពស់សោភ័ណភាពខេត្តមួយនេះឲ្យកាន់តែស្រស់ស្អាត ដែលគិតមកទល់ពេលនេះសម្រេចបានស្ទើរតែទាំងស្រុងទៅហើយ និងគ្រោងបញ្ចប់ជាស្ថាពរឲ្យបានមុនពិធីបុណ្យចូលឆ្នាំខ្មែរខាងមុខនេះ។
ឯកឧត្តម សោម ពិសិដ្ឋ អភិបាលខេត្តកែប បានលើកឡើងថា គិតមកទល់ពេលនេះដំណើរការនៃការអនុវត្តពង្រីកឆ្នេរខ្សាច់កម្សាន្តសាធារណៈកម្រិតខ្ពស់ដែលមានប្រវែង ២ ៧០០ម៉ែត្រ នៅខេត្តកែប កំពុងចាក់ដីបំពេញស្ទើរតែបាន ១០០%ហើយ។ ជំហ៊ានបន្ត គឺអនុវត្តចាក់ខ្សាច់បំពេញប្រវែង ៣០ម៉ែត្រទៀត ដែលតាមផែនការនឹងចាប់ផ្តើមចាក់ខ្សាច់បំពេញនាដើមខែមីនាខាងមុខនេះ។
ឯកឧត្តមបញ្ជាក់ថា ៖
“គម្រោងនេះ ធ្វើឡើងក្នុងគោលបំណងជំរុញសក្ដានុពលទេសចរណ៍ខេត្តឲ្យកាន់តែទទួលបានការចាប់អារម្មណ៍ដោយប្រើសម្រស់អំណោយផលពីធម្មជាតិ បូករួមនឹងការសម្រួលផ្នែកហេដ្ឋារចនាសម្ព័ន្ធឲ្យកាន់តែមានភាពងាយស្រួលក្នុងការធ្វើដំណើរ មានសណ្តាប់ធ្នាប់ ស័ក្ដិសមជាតំបន់កម្សាន្តលំដាប់អន្តរជាតិប្រចាំប្រទេស”
យ៉ាងណាមិញ បើទោះជាគម្រោងខាងលើត្រូវបានមតិមួយចំនួនតូចសម្ដែងការរិះគន់ ក៏មានមតិជាច្រើនដទៃទៀតបានសម្តែងក្តីរីករាយ និងសាទរចំពោះកិច្ចខិតខំប្រឹងប្រែងរបស់ថ្នាក់ដឹកនាំខេត្តផងដែរ។
គួរបញ្ជាក់ដែរថា គម្រោងកែលម្អឆ្នេរភក់ឲ្យទៅជាឆ្នេរខ្សាច់កម្សាន្តសាធារណៈកម្រិតខ្ពស់ មានប្រវែង ២ ៧០០ម៉ែត្រ គិតចាប់ពីផ្សារក្តាមទៅដល់ព្រៃកោងកាង ដែលស្ថិតនៅភូមិថ្មី សង្កាត់ព្រៃធំ ក្រុងកែប ខេត្តកែប។ គម្រោងនេះផងដែរ ត្រូវបានគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា (គ.អ.ឆ.ក.) ប្រកាសឲ្យអនុវត្តន៍កាលពីថ្ងៃទី១៣ ខែសីហា ឆ្នាំ២០២១ កន្លងទៅ។ គួររំលឹកដែរថា ក្នុងរយៈពេល ៣ថ្ងៃនៃពិធីបុណ្យចូលឆ្នាំចិនកន្លងទៅ ខេត្តកែបទទួលបានភ្ញៀវទេសចរ សរុបជាង ៥ម៉ឺននាក់ ដែលនេះជាចំនួនមួយល្អប្រសើរឡើងវិញបន្ទាប់ពីវិធានការបិទខ្ទប់ប្រទេសត្រូវបានបញ្ចប់ទៅ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជាបើកវេទិកាអាស៊ី ដោះស្រាយគម្លាតសិទ្ធិដីធ្លីរបស់ស្ត្រីកសិករ
Top News, ព្រឹត្តិការណ៍, សេដ្ឋកិច្ច
• 16/10/2026
ភ្នំពេញ ៖ ក្នុងគោលបំណងបញ្ចៀសនូវការរៀបចំអភិវឌ្ឍន៍ដែលប៉ះពាល់ដល់សហគមន៍ តំណាងជាង ៣០០ នាក់បានជួបជុំគ្នានៅភ្នំពេញ ដើម្បីប្រែក្លាយសំឡេងរបស់ស្ត្រីកសិករឱ្យទៅជាសិទ្ធិ និងសកម្មភាពជាក់ស្តែងនៅក្នុងការគ្រប់គ្រងដីសមូហភាព និងសហគមន៍។ កាលពីថ្ងៃទី១៤ ខែតុលា ឆ្នាំ២០២៦ មន្ត្រីរដ្ឋាភិបាល អង្គការកសិករ ស្ត្រីជនជាតិដើមភាគតិច អង្គការសង្គមស៊ីវិល និងដៃគូអភិវឌ្ឍន៍ សរុបជាង ៣០០ នាក់
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content