សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ថ្វីត្បិតតែសកម្មភាពនៃការទិញលក់ដីធ្លី និងអចលនទ្រព្យផ្សេងទៀតក្នុងប្រទេសកម្ពុជា ជាពិសេសក្នុងរាជធានីភ្នំពេញ មិនសូវមានសន្ទុះ ក្នុងឆមាសទី១នៃឆ្នាំ២០២៣នេះក្ដី ប៉ុន្តែតម្លៃដីធ្លីនៅតែរក្សាលំនឹងបានល្អប្រសើរធៀបនឹងឆ្នាំមុនៗ ជាក់ស្ដែងនៅថ្ងៃនេះ AMS នឹងលើកយកតម្លៃដីធ្លីនៅតាមបណ្ដាសង្កាត់នានាក្នុងខណ្ឌដូនពេញដែលជាតំបន់កណ្ដាលក្រុងមកចែកជូនប្រិយមិត្តអ្នកអានបានជ្រាប ។
យោងតាមការវាយតម្លៃរបស់សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានបង្ហាញពីតម្លៃដីធ្លីនៅតាមបណ្ដាសង្កាត់នានាក្នុងខណ្ឌដូនពេញ ក្នុងនោះឃើញថា សង្កាត់ផ្សារថ្មីទី១ ទី២ និងទី៣ ដីអាចមានតម្លៃរហូតដល់ ១៣ ០០០ ដុល្លារអាមេរិកក្នុងមួយម៉ែត្រការ៉េ ។
១.សង្កាត់ផ្សារកណ្ដាលទី១ និងផ្សារកណ្ដាលទី២ តម្លៃជាមធ្យមពី ៥ ៥០០ដុល្លារអាមេរិកទៅ ១២ ០០០ដុល្លារអាមេរិកក្នុងមួយម៉ែត្រការ៉េ សម្រាប់ដីនៅតាមបណ្ដោយផ្លូវធំៗ ។ ចំណែកដីនៅតាមបណ្ដោយផ្លូវតូចៗវិញមានតម្លៃចន្លោះពី ២ ៨០០ដុល្លារដល់ ៤ ៦០០ដុល្លារអាមេរិកក្នុងមួយម៉ែត្រការ៉េ ។
២.សង្កាត់ផ្សារថ្មីទី១ទី២ និងទី៣ តម្លៃដីមានចន្លោះពី ៥ ៥០០ដុល្លារទៅ ១៣ ០០០ដុល្លារអាមេរិកក្នុងមួយម៉ែត្រការ៉េសម្រាប់ដីនៅជាប់ផ្លូវធំ ។ ចំណែកនៅតាមបណ្ដោយផ្លូវតូចៗវិញក៏មានតម្លៃចន្លោះពី ២ ៨០០ដុល្លារទៅ ៤ ៦០០ដុល្លារអាមេរិកក្នុងមួយម៉ែត្រការ៉េដែរ ។
៣.សង្កាត់ចតុមុខ តម្លៃដីមានតម្លៃចន្លោះពី ៥ ១០០ដុល្លារទៅ ៩ ២០០ដុល្លារអាមេរិកក្នុងមួយម៉ែត្រការ៉េ សម្រាប់ដីនៅតាមបណ្ដោយផ្លូវធំ ។ ចំនែកនៅតាមបណ្ដោយផ្លូវតូចៗវិញ ក៏មានតម្លៃចន្លោះពី ២ ៧០០ដុល្លារទៅ ៤ ៨០០ដុល្លារអាមេរិកក្នុងមួយម៉ែត្រការ៉េដែរ ។
៤. សង្កាត់ជ័យជំនះ តម្លៃដីមានតម្លៃចន្លោះពី ៤ ៩០០ដុល្លារទៅ ៨ ០០០ដុល្លារក្នុងមួយម៉ែត្រការ៉េ សម្រាប់ដីនៅលើផ្លូវធំ។ ចំណែកដីនៅលើផ្លូវតូចមានតម្លៃ ២ ៧០០ដុល្លារទៅ ៤ ៨០០ដុល្លារអាមេរិកក្នុងមួយម៉ែត្រការ៉េ ។
៥.សង្កាត់បឹងរាំង ៖ តម្លៃដីនៅសង្កាត់នេះមានតម្លៃក៏ខ្ពស់គួរសមគឺចន្លោះពី ៥ ១០០ដុល្លារទៅ ៧ ៥០០ដុល្លារអាមេរិកក្នុងមួយម៉ែត្រការ៉េលើផ្លូវធំហើយនៅលើផ្លូវតូចតូចវិញមានតម្លៃចន្លោះពី ២ ៩០០ដុល្លារអាមេរិកទៅ ៤ ៨០០ដុល្លារអាមេរិកក្នុងមួយម៉ែត្រការ៉េ ។
៦.សង្កាត់វត្តភ្នំពេញ ៖ តម្លៃដីក្នុងសង្កាត់នេះក្នុងមួយម៉ែត្រការ៉េមានតម្លៃចន្លោះពី៤.២០០ដុល្លារទៅ៦.០០០ដុល្លារអាមេរិក នៅលើផ្លូវធំ និងតម្លៃចន្លោះពី ២ ៦០០ដុល្លារទៅ ៤ ៤០០ដុល្លារអាមេរិកក្នុងមួយមែត្រការ៉េសម្រាប់ដីលើផ្លូវតូចៗ ។
៧.សង្កាត់ស្រះចក តម្លៃដីមានតម្លៃចន្លោះពី ៣ ៦០០ដុល្លារអាមេរិកទៅ ៥ ៨០០ដុល្លារអាមេរិកក្នុងមួយម៉ែត្រការ៉េសម្រាប់ដីតាមបណ្ដោយផ្លូវធំ និងតម្លៃចន្លោះពី ២ ១០០ដុល្លារទៅ ៤ ០០០ដុល្លារអាមេរិកក្នុងមួយម៉ែត្រការ៉េសម្រាប់ដីនៅតាមបណ្ដោយផ្លូវតូចឬផ្លូវខាងក្នុង ។
ឯកឧត្តម ឃួង ស្រេង អភិបាលរាជធានីភ្នំពេញ មានប្រសាសន៍ថា ខណ្ឌដូនពេញ ត្រូវបានចាត់ទុកជាខណ្ឌបេះដូងរាជធានីភ្នំពេញ បានក្លាយជាចំណុចប្រសព្វដ៏សំខាន់ និងជាតំបន់លំនៅឋាន ពាណិជ្ជកម្មដ៏ធំ ដែលមានលំហូរទេសចរណ៍ មានចរាចរណ៍មមាញឹក ជាមណ្ឌលដោះដូរទំនិញ សេវាកម្ម ជាបណ្ដុំសេវាកម្មធនាគារ ហិរញ្ញវត្ថុ ជាច្រើនទៀត និងជាតំបន់ដែលមានការទាក់ទាញលើការវិនិយោគពីសំណាក់វិនិយោគិនក្នុងនិងក្រៅប្រទេសជាច្រើនផងដែរ៕
Account
Security
Favourite Content