ក្រុមហ៊ុន​បរទេស​ និងក្នុងស្រុក​ជាច្រើន​បន្ត​សម្លឹង​រកឱកាស​វិនិយោគ​ក្នុង​ខេត្តកំពង់ស្ពឺ

ភ្នំពេញ ៖ កំពង់​ស្ពឺជាខេត្តដែលមានសក្ដានុពល​វិនិយោគ​មួយ ក្នុង​ចំណោម​បណ្ដាខេត្ត​នានា​ ក្រៅពី​រា​ជ​ធា​នីភ្នំ​​ពេ​ញ ទាំង​ក្រុមហ៊ុនក្នុងស្រុក ​និង​មកពី​បរទេស​បន្ត​ចូលទៅកាន់តំបន់​នេះ ដើម្បីសិក្សា​ស្វែងរកឱកាស​វិនិ​យោ​គ​​​​​​បន្ថែមទៀត​ ក្នុងនោះ​ឧស្សាហកម្ម ​និ​ងកសិកម្ម​ជាអាទិភាព​សម្រាប់ការអភិវឌ្ឍ​ក្នុង​តំបន់មួយ​នេះ​។

យោងតាមសេចក្ដីប្រកាសព័ត៌មាន​របស់ក្រុមហ៊ុន HLH មកពីសិង្ហបុរី ​ បានឱ្យដឹងថា ​ខ្លួនកំពុង​ស្វែងរក​ទីតាំង​​ប្រមាណ ៥ ពាន់​ហិចតា ​ដើម្បី វិនិយោគ​លើ​ដំណាំ ដំឡូង​មី កែច្នៃសម្រាប់ទីផ្សារ​ក្នុងស្រុក ​និ​​ង​នាំ​ចេញទៅ​​កា​ន់ទី​ផ្សា​រ​អន្តរជាតិ ​ស្របនឹង​តម្រូវការ​នៃផលិតផល​នេះ កំពុង​មាន​ការ​កើនឡើង​ខ្ពស់។ 

ក្រុមហ៊ុននេះបានឱ្យដឹងថា នេះជា​ជំហានដំបូង​ប៉ុណ្ណោះ សម្រាប់​ការវិនិយោគ​លើដំឡូងមី​ក្នុង​ស្រុក​ឱរ៉ាល់ នៃខេត្ត​កំពង់​ស្ពឺ​ ហើយក្រុមហ៊ុន​ក៏គ្រោង​នឹ​ងបង្កើ​តមជ្ឈមណ្ឌល​កសិកម្មកម្ពុជា-សិង្ហបុរី (CSAH) លើផ្ទៃដីប្រមាណ ១ ម៉ឺន​ហិចតា ស្ថិតនៅស្រុកឱរ៉ាល់ ខេត្ត​កំព​ង់​ស្ពឺ ដើម្បី​ប្រមូល​ផ្តុំការវិនិយោគចំរុះលើវិស័យ កសិកម្ម ដូច​ជា​​កា​រ​កែ​ច្នៃចំ​​ណីអាហារ ចិញ្ចឹមសត្វ ទីកន្លែង​ពាណិជ្ជ​​កម្ម និងចម្ការថាមពល ព្រះអាទិត្យជាដើម។

ក្រៅពីក្រុមហ៊ុនមួយនេះ​ ក៏មា​ក្រុមហ៊ុនហុងកុង​មួយចំនួន​ទៀត​បាននិងកំពុងចែចូវ ខេត្តកំពង់ស្ពឺ សម្រាប់ការ​បណ្ដាក់​ទុនវិនិយោគ​លើ​គម្រោងរបស់ខ្លួន ក្នុងនោះដែរ​ក្រុមហ៊ុនហុងកុង​ទាំង​នេះ គ្រោង​នឹង​វិនិយោគ​លើ​រោង​​ចក្រ​ឧស្សាហកម្ម ហើយ​នាំចេញទៅកាន់ទីផ្សារ​អន្តរជាតិ​វិញ។

ឯកឧត្តម ​វ៉ី សំណាង អភិបាលខេត្ត​កំពង់ស្ពឺ បានមានប្រសាសន៍ថា​ សព្វថ្ងៃនេះ មានក្រុមហ៊ុនបរទេស​ជាច្រើន​ចាប់អារម្មណ៍​លើ​ការ​វិនិយោគក្នុង​ខេត្តកំពង់ស្ពឺ ហើយក្រោយពីឯកឧត្តមបានដឹកនាំប្រតិភូ​​ទៅកាន់ទីក្រុង​ហុង​កុង​ជួបជាមួយ​វិនិយោគិន​ និងធុរជន​ហុងកុង​ ឯកឧត្តមរំពឹថា​វិនិយោគិន​ក្នុង​ក្រុងហុងកុង​នឹង​ចាប់អារម្មណ៍​ហើយ​មក​​បណ្ដាក់ទុនវិនិយោគ​នៅក្នុងខេត្តកំពង់​ស្ពឺ ក៏ដូចជា​ក្នុងប្រទេស​កម្ពុជា​ជា​ច្រើន​ទៀត។

ទន្ទឹមនឹង​នោះដែរ ឯកឧត្តម​ក៏ធ្លាប់​បាន​ស្នើនិងអំពាវនាវ​ឱ្យវិនិយោគិន​ក្នុងស្រុក​ អភិវឌ្ឍន៍លំនៅឋានតម្លៃ​សម​រម្យ ​ដើម្បីផ្គត់ផ្គង់ជូន​ប្រជាពលរដ្ឋ​ក៏ដូចជា​បងប្អូនកម្មករ កម្មការិនី​ដែល​ធ្វើការ​នៅក្នុង​រោងចក្រ​ ឧស្សាហកម្ម​នានា​ក្នុង​ខេត្តកំពង់ស្ពឺ។

​លោក ​ផូន សុអុន​ដែន​ ប្រធានផ្នែកទីផ្សា​រនៃក្រុមហ៊ុន​អភិវឌ្ឍន៍​លំនៅឋានមួយ​នៅក្នុង​តំបន់​ផ្លូវ​ ៥១​ ក៏​បានលើក​ឡើងផងដែរថា បន្ទាប់ពីមានក្រុមហ៊ុន​អភិវឌ្ឍន៍​តំបន់​សេដ្ឋកិច្ច​ចូល​ទៅ​កាន់​តំបន់​ផ្លូវ ​៥១ និង​ចាប់​ផ្ដើម​ធ្វើសកម្មភាព​អភិវឌ្ឍន៍ឃ្លាំង​រោងចក្រ ក៏ឃើញថា​មានក្រុមហ៊ុន​អភិវឌ្ឍន៍​លំនៅឋាន​ក្នុងស្រុក​មួយ​ចំនួន​ក៏​ចាប់​ផ្ដើ​ម​ចូលទៅកាន់តំបន់​នោះ ដើម្បី​អភិវឌ្ឍន៍​លំនៅឋាន​ជូន​ពលរដ្ឋ​ ទៅតាម​តម្រូវការ​ផងដែរ។

លោក​បានរំពឹងថា​ មិនយូរមិនឆាប់​តំបន់​តាមបណ្ដោយផ្លូវ​ ៥១​ នឹងពោរពេញទៅដោយ​តំបន់ឧស្សាហកម្ម​ និ​ងតំប​ន់​​លំនៅឋាន​​ ហើយតំបន់នោះ​ក៏នឹង​ក្លាយជា​ទីក្រុង​ថ្មីមួយ​នៅប៉ែក​ខាងលិច​ភ្នំពេញ។ លោកក៏ប្រៀប​ធៀប​តំបន់ផ្លូវ ​៥១ ​នៅរយៈពេល​ខាងមុខ ​ដូច​នឹង​តំបន់​មហាវិថី​ឈ្នះឈ្នះ នាពេលបច្ចុប្បន្ន​នេះផងដែរ​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងពាណិជ្ជកម្មកម្ពុជា និងអង្គភាពកម្មសិទ្ធិបញ្ញាកូរ៉េ ពង្រឹងកិច្ចសហប្រតិបត្តិការកម្មសិទ្ធិបញ្ញារួមគ្នា

ព្រឹត្តិការណ៍, សេដ្ឋកិច្ច

• 17/05/2024

ក្រសួងពាណិជ្ជកម្មនៃព្រះរាជាណាចក្រកម្ពុជា និង អង្គភាពកម្មសិទ្ធិបញ្ញា នៃសាធារណរដ្ឋកូរ៉េ បានឯកភាពគ្នាសហការលើវិស័យកម្មសិទ្ធិបញ្ញា ។

ក្រុមហ៊ុនចម្រាញ់ប្រេងអាស៊ីកំពុងចាប់អារម្មណ៍ប្រេងឆៅពីសហរដ្ឋអាម៉េរិក និងប្រេស៊ីល

ព្រឹត្តិការណ៍, សេដ្ឋកិច្ច

• 17/05/2024

តម្លៃប្រេងឆៅម៉ាក Brent ឡើងថ្លៃ ០,៦ ភាគរយ ឬ ៨៣,២៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៧៩,២៣ ដុល្លារក្នុងមួយបារ៉ែល

វេទិកាធុរកិច្ច កម្ពុជា-សាធារណរដ្ឋកូរ៉េ បញ្ជាក់ថាកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា

ព្រឹត្តិការណ៍, សេដ្ឋកិច្ច

• 17/05/2024

សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ

ឧបនាយករដ្ឋមន្ត្រី ស៊ុន ចាន់ថុល ជួបក្រុមហ៊ុន ៩ នៅកូរ៉េ ដើម្បីទាក់ទាញការវិនិយោគ

ព្រឹត្តិការណ៍, សេដ្ឋកិច្ច

• 17/05/2024

ឯកឧត្តម ស៊ុន ចាន់ថុល បានជម្រាបជូនអំពីសក្ដានុពលនានារបស់កម្ពុជា ការចំហនៃច្បាប់វិនិយោគរបស់កម្ពុជា ដែលអនុញ្ញាតឱ្យវិនិយោគិនបរទេសមានសិទ្ធិជាម្ចាស់

គិតត្រឹមត្រីមាសទី១ ឆ្នាំ២០២៤ ធនាគារអភិវឌ្ឍន៍ជនបទ និងកសិកម្ម មានសំពៀតឥណទានសរុបប្រមាណជាង៤០០លានដុល្លារអាមេរិក

ព្រឹត្តិការណ៍, សេដ្ឋកិច្ច

• 16/05/2024

ឯកឧត្តមបណ្ឌិត កៅ ថាច បានគូសបញ្ជាក់ថា ក្នុងនាមជាប្រទេសផលិត នាំចេញកសិផលដ៏សំខាន់មួយក្នុងពិភពលោកកម្ពុជាប្តេជ្ញាចិត្តខ្ពស់ក្នុងការធ្វើបរិវត្តកម្មវិស័យកសិកម្ម

វិភាគ ៖ តើទ្រឹស្តី Dedollarisation អាចកំណត់ជោគវាសនាលុយដុល្លារបាន ឬយ៉ាងណា ?

ព្រឹត្តិការណ៍, សេដ្ឋកិច្ច

• 16/05/2024

ការទំលាក់រូបិយបណ្ណអាមេរិកចេញពីកំពូលតារាងគឺជារឿងមិនងាយស្រួលឡើយ ប៉ុន្តែព្រឹត្តិការណ៍ជម្លោះនៅអ៊ុយក្រែនវាបានធ្វើឲ្យគ្រប់គ្នាមានការភ្ញាក់ផ្អើល ខណៈប្រទេសធំៗមួយចំនួនចាប់ផ្តើមឈប់ទូទាត់ជាលុយដុល្លារ

ក្រសួងកសិកម្ម ត្រៀមគម្រោងជួយទ្រទ្រង់សហគមន៍កសិកម្មសំបូរមានជ័យឱ្យក្លាយជាសហគមន៍កសិកម្មទំនើប

ព្រឹត្តិការណ៍, សេដ្ឋកិច្ច

• 16/05/2024

រដ្ឋមន្ត្រីក្រសួងកសិកម្មបានសន្យាបន្តជួយអភិវឌ្ឍន៍សហគមន៍កសិកម្មសំបូរមានជ័យដោយត្រៀមគម្រោងមួយចំនួនដើម្បីទ្រទ្រង់សហគមន៍កសិកម្មនេះឱ្យក្លាយទៅជាសហគមន៍កសិកម្មទំនើប

កម្ពុជា-កូរ៉េ ចុះអនុស្សរណៈយោគយល់គ្នាលើឯកសារចំនួន៦

ព្រឹត្តិការណ៍, សេដ្ឋកិច្ច

• 16/05/2024

កម្ពុជា និង សាធារណរដ្ឋកូរ៉េ បានចុះអនុស្សរណៈយោគយល់គ្នាលើឯកសារចំនួន​៦ទាក់ទងនឹងវិស័យហិរញ្ញប្បទានវិនិយោគកម្មសិទ្ធិបញ្ញាជំនាញវិជ្ជាជីវៈ និងផ្លូវ ។

កម្ពុជា ស្នើក្រុមហ៊ុនចិនពិនិត្យលទ្ធភាពបណ្តាក់ទុនវិនិយោគលើគម្រោងផលិតវត្ថុធាតុដើម និងផលិតផលពាក់កណ្តាលសម្រេច

ព្រឹត្តិការណ៍, សេដ្ឋកិច្ច

• 16/05/2024

ក្រុមប្រឹក្សាអភិវឌ្ឍន៍កម្ពុជា បានស្នើក្រុមហ៊ុនចិនពិនិត្យលទ្ធភាពបណ្តាក់ទុនវិនិយោគលើគម្រោងផលិតវត្ថុធាតុដើម និងផលិតផល​ពាក់កណ្តាលសម្រេច

តាមរយៈសួនកសិ-ឧស្សាហកម្មកម្ពុជា-អូស្ត្រាលី កសិផលកម្ពុជាប្រមាណ ៩៥% នឹងត្រូវលក់ចេញទៅតាមបណ្ដាប្រទេសអាស៊ានទាំងមិនទាន់កែច្នៃ

ព្រឹត្តិការណ៍, សេដ្ឋកិច្ច

• 16/05/2024

គម្រោងអភិវឌ្ឍសួនកសិ-ឧស្សាហកម្មនៅកម្ពុជា (Agri-Food Industrial Park) បានឈានដល់មួយជំហានទៀតហើយ គឺអ្នកជំនាញបានជួបពិភាក្សាគ្នាប្រមូលធាតុចូលមុនពេលបង្កើត