សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ បានជំរុញឱ្យមន្ត្រី និងអាជ្ញាធររៀបចំទីក្រុងឱ្យមានសណ្ដាប់ធ្នាប់ ដើម្បីសុខុមាលភាពប្រជាពលរដ្ឋរស់នៅទីក្រុង ជាពិសេសទីក្រុងធំៗ ទាំងនៅរាជធានីភ្នំពេញ និងនៅតាមបណ្ដាខេត្តនានា ។
ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា ស្ថាប័នពាក់ព័ន្ធគួរតែជំរុញការរៀបចំទីក្រុងឱ្យបានស្អាត មានសណ្ដាប់ មានកន្លែងហាត់ប្រាណ មានផ្លូវសម្រាប់ថ្មើរជើង ព្រោះមិនចង់ឱ្យពលរដ្ឋទាំងនៅភ្នំពេញ ឬនៅទីក្រុងនានាតាមបណ្តាខេត្ត ធ្វើដំណើរតាមយានយន្តរហូតនោះទេ ។
ឯកឧត្តមបានសង្កត់ធ្ងន់ថា ៖
«យើងចង់ឱ្យពួកគាត់ដើរឱ្យបានច្រើន ចាត់ទុកជាការហាត់ប្រាណ ដើម្បីសុខភាព ហើយបើសិនជាពលរដ្ឋនៅទីក្រុងចេញទៅណាមកណាជិះតែរថយន្ត និងម៉ូតូនោះ ពេលអនាគតនឹងអាចមានជំងឺច្រើនដោយសារតែមិនបានបញ្ចេញពលកម្ម»។
ឯកឧត្តមបានមានប្រសាសន៍ថា ក្រសួង និងមន្ទីរពាក់ព័ន្ទក៏គ្រោងនឹងរៀបចំទីក្រុងដោយផ្ដោតលើការយកចិត្តទុកដាក់សុខភាពរបស់ប្រជាជន ដោយជំរុញ និងលើកទឹកចិត្តឱ្យពលរដ្ឋដើរឱ្យបានច្រើន ពោលគឺត្រូវរៀបចំឱ្យមានដើមឈើនៅទីក្រុងឱ្យបានច្រើននៅតាមដងផ្លូវ ។
ឯកឧត្តមបន្តថា ក្រៅពីនេះ ក្រសួង និងមន្ទីររៀបចំដែនដី គួររៀបចំអភិវឌ្ឍន៍តំបន់នីមួយៗឱ្យមានសណ្ដាប់ធ្នាប់បន្ថែមទៀត ដូចជា តំបន់សាលារៀន តំបន់ធនាគារ និងហិរញ្ញវត្ថុ ជាក់ស្ដែងឯកឧត្តមមើលឃើញវិថីចំនួន ២ នៅរាជធានីភ្នំពេញ រួមមានវិថីព្រះនរោត្តម និងវិថីព្រះមុនីវង្ស អាចរៀបចំជាតំបន់ធនាគារ និងហិរញ្ញវត្ថុ ដោយប្រមូលផ្ដុំធនាគារនិងមីក្រូហិរញ្ញវត្ថុ ចូលទៅកាន់តំបន់ទាំងនេះ ហើយអ្នកអភិវឌ្ឍន៍ក៏អាចអភិវឌ្ឍន៍ជាខុនដូ ឬអាផាតមិន សម្រាប់បំពេញតម្រូវការឱ្យបុគ្គលិកធនាគារ ឬមីក្រូហិរញ្ញវត្ថុដែលបំពេញការងារនៅទីនោះ ។ ក្រៅពីនេះដែរ វិនិយោគិនក៏អាចអភិវឌ្ឍន៍ជាផ្សារទំនើបសម្រាប់បំពេញតម្រូវការដល់បុគ្គលិកធនាគារ ឬមីក្រូហិរញ្ញវត្ថុ ដែលបំពេញការងារនៅតំបន់នោះ ព្រោះថានៅពេលពួកគាត់បំពេញការងារនៅតំបន់នោះ ពួកគាត់ស្នាក់នៅតំបន់នោះ ពួកគាត់នឹងមានតម្រូវការលើសម្ភារៈប្រើប្រាស់ប្រចាំថ្ងៃ រួមជាមួយនឹងម្ហូបអាហារផងដែរ។
Account
Security
Favourite Content