សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ បណ្តាប្រទេសដែលជាសមាជិកសហភាពអឺរ៉ុប អាចនឹងបញ្ឈប់ការប្រើប្រាស់បច្ចេកវិទ្យា ឬឧបករណ៍ទំនាក់ទំនងដែលផលិតឡើងដោយក្រុមហ៊ុនចិន ដូចជា Huawei និង ZTE ជាដើម នៅក្នុងបណ្តាញទូរគមនាគមន៍របស់ពួកគេ បន្ទាប់ពីមានការស្នើឡើងរបស់សមាជិកក្នុងតំបន់មួយនេះ។ នេះបើយោងតាមការរាយការណ៍ពីបណ្តាញព័ត៌មាន Bloomberg។
នៅក្រោមសំណើនេះ អនុប្រធានគណៈកម្មការអឺរ៉ុប លោកស្រី Henna Virkkunen ប្រសិនបើវិធានការ ឬការស្មើសុំពាក់ព័ន្ធនឹងគោលបំណងខាងលើនេះត្រូវបានអនុម័ត និងអនុវត្តទៅលើបណ្តាញទូរស័ព្ទចល័ត ក៏ដូចជាហេដ្ឋារចនាសម្ព័ន្ធនៃបណ្តាញទូរគមនាគមន៍ មានន័យថា សហភាពអឺរ៉ុបនឹងកំណត់ពីដែនសមត្ថភាពរបស់ចិនពីការពង្រីកខ្សែកាបអុបទិក និងអ៊ីនធឺណិតនៅក្នុងតំបន់អឺរ៉ុបទាំងមូល។ មិនត្រឹមតែប៉ុណ្ណោះ ប្រសិនបើសមាជិកណាមួយរំលោភបំពាន ឬនៅបន្តគាំទ្រផលិតផលរបស់ចិន អាចប្រឈមនឹងការដាក់ពិន័យផ្នែកហិរញ្ញវត្ថុនៅក្រោមអំណាចរបស់ទីក្រុងប្រ៊ូសែល។ លើសពីនេះ តំបន់នេះគ្រោងជំរុញឱ្យប្រទេសមិនមែនសមាជិសហភាពអឺរ៉ុបចូលរួមក្នុងការហាមឃាត់នេះដែរ ដោយបង្កើតជាសម្ព័ន្ធភាពទូលំទូលាយប្រឆាំងនឹងអ្នកផ្គត់ផ្គង់ទូរគមនាគមន៍ចិន។ ផែនការនេះកើតឡើងចំពេលដែលពាណិជ្ជកម្មរវាងចិន និងសហភាពអឺរ៉ុបកំពុងជួបភាពតានតឹង។ សូមរំលឹកដែរថា កាលពីឆ្នាំកន្លងទៅនេះ ទីក្រុងប្រ៊ូសែល និងទីក្រុងប៉េកាំង បានប៉ះទង្គិចគ្នាទៅលើបញ្ហានៃការផលិតហួសកម្រិតនៃឧស្សាហកម្មរបស់ចិន ខណៈដែលចិនបានចោទប្រកាន់វិញថា សហភាពអឺរ៉ុបបានអនុវត្តកិច្ចការពារនិយម។
គួរកត់សម្គាល់ដែរថា បច្ចុប្បន្ននេះ ស៊ុយអែត បានហាមឃាត់ការប្រើប្រាស់បណ្តាញរបស់ចិននៅក្នុងបណ្តាញ 5G របស់ខ្លួន ខណៈដែលសមាជិកសហភាពអឺរ៉ុបផ្សេងទៀតនៅតែបន្តអនុញ្ញាតឱ្យមានការដាក់ពង្រាយបច្ចេកវិទ្យាចិននៅក្នុងផ្នែកខ្លះនៃរចនាសម្ព័ន្ធរបស់ពួកគេ។ យ៉ាងណាមិញ អាល្លឺម៉ង់ និងហ្វាំងឡង់ កំពុងពិចារណារឹតបន្តឹងលើក្រុមហ៊ុនចិន រួមមាន Huawei និង ZTE ។ កាលពីដើមឆ្នាំ២០២៥ រដ្ឋាភិបាលហូឡង់ បានដណ្តើម និងគ្រប់គ្រងក្រុមហ៊ុនផលិតបន្ទះឈីប Nexperia ដែលមានមូលដ្ឋាននៅក្នុងហូឡង់ ប៉ុន្តែវាគឺជាកម្មសិទ្ធិរបស់ក្រុមហ៊ុនចិន Wingtech Technology ដោយលើកឡើងពីហានិភ័យចំពោះសន្តិសុខបច្ចេកវិទ្យារបស់អឺរ៉ុប។ បញ្ហាដ៏ក្តៅគគុកនេះបានធ្វើឱ្យទីក្រុងប៉េកាំងសងសឹកវិញដោយការហាមឃាត់ការនាំចេញឈីប Nexperia ផលិតនៅក្នុងប្រទេសចិន ជាមួយនឹងការទាមទារឲ្យហូឡង់ពិចារណាប្រគល់ការគ្រប់គ្រងក្រុមហ៊ុនមកឲ្យខ្លួនវិញ៕
Account
Security
Favourite Content