សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មន្ត្រីជាន់ខ្ពស់នៃរដ្ឋបាលខេត្តព្រះសីហនុ បានឱ្យដឹងថា គណៈប្រតិភូសមាគមចិន ហឺហឺហ៊ួយ មានអ្នកវិនិយោគចំនួន ៥១ សហគ្រាស មកពីសាធារណរដ្ឋប្រជាមានិតចិន បានមកធ្វើទស្សនកិច្ចសិក្សា ស្វែងយល់ពីសក្តានុពល និងឱកាសវិនិយោគនៅខេត្តព្រះសីហនុ ។
លោក ឃាង ភារម្យអ្នកនាំពាក្យសាលាខេត្តព្រះសីហនុបានជម្រាបជូនភ្ញៀវចិនទាំងនោះ ពីគម្រោងវិនិយោគជាអាទិភាព និងគម្រោងវិនិយោគណាខ្លះដែលទទួលបានគោលការណ៍លើកទឹកចិត្ត ស្របតាមច្បាប់វិនិយោគនៃព្រះរាជាណាចក្រកម្ពុជា។
ដោយឡែក លោក ឡុង ឌីម៉ង់ អភិបាលរងខេត្តព្រះសីហនុ ក៏បានបង្ហាញពីកាលានុវត្តភាពនៃការធ្វើជំនួញនិងវិនិយោគនៅក្នុងខេត្តព្រះសីហនុផងដែរ។ ជាមួយគ្នានេះ លោកក៏បានពន្យល់លម្អិតពីសក្ដានុពល និងការអភិវឌ្ឍខេត្តមួយនេះ ជាពិសេសអំពីផែនការមេដើម្បីអភិវឌ្ឍន៍ខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង។
លោក ឡុង ឌីម៉ង់ ក៏បានទាញការចាប់អារម្មណ៍វិនិយោគិនកម្ពុជា និងចិនឱ្យពិចារណាលើការបណ្ដាក់ទុននៅក្នុងវិស័យសំណង់នៅខេត្តព្រះសីហនុ ដែលពោរពេញទៅដោយសក្ដានុពល និងលទ្ធភាពក្នុងការទទួលបានការលើកទឹកចិត្ត ជាពិសេសពីរាជរដ្ឋាភិបាលកម្ពុជា។
លោក សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានថ្លែងថា នៅដើមឆ្នាំ២០២៣នេះ ខេត្តព្រះសីហនុ ចាប់ផ្ដើមមានការហូរចូលឡើងវិញពីសំណាក់វិនិយោគិនចិន ជាក់ស្ដែង ពេលនេះបានឃើញយ៉ាងច្បាស់ហើយ តាមរយៈព្រលានយន្តហោះអន្តរជាតិខេត្តព្រះសីហនុចាប់ផ្ដើមទទួលបានភ្ញៀវទេសចរ និងវិនិយោគិនចិនជាបន្តបន្ទាប់ ដែលវាបានបង្ហាញពីនិន្នាការនៃការកើនឡើងវិញនៃទីផ្សារអចលនទ្រព្យ និងការវិនិយោគនៅក្នុងខេត្តដ៏មានសក្ដានុពលមួយនេះ។
លោកបញ្ជាក់ផងដែរថា ជាការកត់សម្គាល់ ខេត្តព្រះសីហនុ កំពុងបង្ហាញភាពទាក់ទាញរបស់ខ្លួនក្នុងនាមជាគោលដៅវិនិយោគមួយដល់ក្រុមអ្នកវិនិយោគនានា និងបានផ្តល់ឱកាសចំណេញយ៉ាងច្រើនទាំងពេលបច្ចុប្បន្ន និងបន្តទៅថ្ងៃអនាគត់៕
Account
Security
Favourite Content