សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រដ្ឋបាលខេត្តរតនគិរីបានត្រៀមបម្រុងទុកដីជិត ១,៤០០ហិកតា ស្ថិតក្នុងស្រុកលំផាត់ ដើម្បីអភិវឌ្ឍន៍ធ្វើជាព្រលានយន្ដហោះថ្មី ស្របពេលព្រលានយន្តហោះចាស់នៅក្រុងបានលុងត្រូវបានកែប្រែទៅជាទីតាំងលំហែកាយ ឬសួនច្បារធំមួយសម្រាប់ខេត្ត។ នេះបើតាមការបញ្ជាក់របស់លោក ញ៉ែម សំអឿន អភិបាលខេត្តរតនគិរី ក្នុងសន្និសីទសារព័ត៌មានរបស់អង្គភាពអ្នកនាំពាក្យរាជរដ្ឋាភិបាល ស្ដីពី «ភាពជោគជ័យរយៈពេល៥ឆ្នាំ របស់រដ្ឋបាលខេត្តរតនគិរី» កាលពីពេលថ្មីៗនេះ ។
លោក ញ៉ែម សំអឿន បានលើកឡើងដូច្នេះថា ៖
“យើងគ្រោងដី ១,៤០០ ហិកតា សម្រាប់អភិវឌ្ឍន៍ជាព្រលានយន្ដហោះថ្មី ។ ចំណែកព្រលានចាស់ មិនអាចបន្ដធ្វើជាព្រលានទៀតបាននោះទេ ដោយសារនៅកណ្ដាលក្រុងតែម្ដង ទីតាំងព្រលានយន្ដហោះថ្មី យើងបានសិក្សារួចហើយ នឹងបានអញ្ជើញខាងអាកាសចរស៉ីវិល ដើម្បីពិនិត្យមើលបន្ថែមទៀត”
លោកបានបន្តថា ៖
“ទីតាំងត្រៀមសម្រាប់កសាងព្រលានយន្ដហោះថ្មីនេះ គឺស្ថិតនៅចន្លោះរវាងខេត្តមណ្ឌលគិរី, ស្ទឹងត្រែង, ក្រចេះ និងខេត្តរតនគិរី។ ទីតាំងព្រលាយន្ដហោះថ្មីនេះ ជាទីតាំងប្រកបដោយសក្ដានុពលខ្ពស់ ដោយមានចម្ងាយប្រមាណ ១០០គីឡូម៉ែត្រ ពីទីរួមខេត្តរតនគីរី”
លោកអភិបាលខេត្តរតនគិរី បានសង្ឃឹមថា នៅពេលខេត្តរបស់ខ្លួនមានព្រលានយន្ដហោះថ្មីនោះ នឹងទទួលបានអ្នកវិនិយោគកាន់តែច្រើនបន្ថែមទៀត ហើយជាផ្នែកមួយក្នុងការជួយរុញកំណើនសេដ្ឋកិច្ចសង្គម សេដ្ឋកិច្ចគ្រួសាររបស់ប្រជាពលរដ្ឋក្នុងមូលដ្ឋាន។ លោកអះអាងថា អ្នកវិនិយោគជាច្រើនតែងសាកសួរលោក តើពេលណាខេត្តនៅភាគឦសាន្ដមួយនេះមានព្រលានយន្ដហោះថ្មី? ព្រោះបើកាលណាមានព្រលានយន្ដហោះ ពួកគេនឹងងាយស្រួលក្នុងការធ្វើអាជីវកម្ម៕
Account
Security
Favourite Content