សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កណ្ដាល ៖ ស្របពេលគម្រោងអាកាសយានដ្ឋានអន្តរជាតិតេជោ នៅស្រុកកណ្ដាលស្ទឹង ខេត្តកណ្ដាល នឹងចាប់ផ្ដើមដំណើរការក្នុងខែកក្កដា ឆ្នាំ ២០២៥ខាងមុខនេះ ក្រុមហ៊ុនអភិវឌ្ឍន៍លំនៅឋានតម្លៃសមរម្យដំបូងគេនៅកម្ពុជា កំពុងរៀបចំយុទ្ធសាស្ត្រឆ្លើយតបនឹងតម្រូវការរបស់ពលរដ្ឋដែលនឹងត្រូវផ្លាស់ប្តូរទៅរស់នៅតំបន់ជិតព្រលាយន្តហោះថ្មីកាន់តែច្រើន ។
លោក យក់ សុធីរិទ្ធ នាយកគ្រប់គ្រងទូទៅ នៃក្រុមហ៊ុន វើលដ៏ប្រ៊ីដហូម បានមានប្រសាសន៍ថា ដើម្បីឆ្លើយតបចំពោះសំណូមពររបស់សាធារណៈជនជាច្រើន ជាពិសេសបងប្អូនដែលនឹងត្រូវមកធ្វើការនៅក្នុងប្រលានយន្តហោះអន្តរជាតិថ្មី ដែលបានស្នើឱ្យគម្រោងរៀបចំម៉ូដផ្ទះគម្រូថ្មី ទើបគម្រោងបានរៀបចំដេគរផ្ទះគម្រូឱ្យកាន់តែល្អស្រស់ស្អាត និងមានជម្រើសតុបតែងផ្ទះច្រើនជាងមុន ឆ្លើយតបទៅនឹងការចង់បានការរស់នៅក្នុងលំនៅឋានមួយកាន់តែទំនើប ស៊ីវីល័យ សោភ័ណភាពស្រស់ស្អាត និងកាន់តែងាយស្រួលក្នុងការរស់នៅ ។
លោក យក់ សុធីរិទ្ធ បានបន្ថែមទៀតថា ដោយមានការគាំទ្រពីរាជរដ្ឋាភិបាលកម្ពុជា គម្រោងបានផ្តល់នូវលទ្ធភាពជូនដល់ប្រជាពលរដ្ឋ និងមន្ត្រីរាជការក្នុងការទទួលបានលំនៅឋានមួយ ដែលមានស្តង់ដារ គុណភាពល្អ សោភ័ណភាពស្រស់ស្អាត មានប័ណ្ណកម្មសិទ្ធិប្លង់រឹងតកូនតចៅ និងបរិស្ថានរស់នៅប្រកបដោយសុខមាលភាព សោភ័ណភាព សណ្តាប់ធ្នាប់ ការរស់នៅស្អាត និងសេចក្តីថ្លៃថ្នូរ ក្នុងតម្លៃជាង ៣ម៉ឺនដុល្លារអាមេរិកតែប៉ុណ្ណោះ។ ជាពិសេស អតិថិជនមិនតម្រូវឱ្យចំណាយបង់ពន្ធប្រថាប់ត្រា៤ភាគរយ ពេលផ្ទេរកម្មសិទ្ធិនោះឡើយ ដោយពន្ធប្រថាប់ត្រានេះគឺជាបន្ទុករបស់រដ្ឋ”។
លោកបន្ថែមថា ទោះបីជាគម្រោងស្ថិតក្នុងតំបន់អភិវឌ្ឍន៍ខ្លាំងក៏ពិតមែន គម្រោងនៅតែបន្តអភិវឌ្ឍន៍ក្នុងគម្រោងឥតឈប់ឈរ ដើម្បីនាំមកនូវអត្ថប្រយោជន៍ថ្មីៗជូនអតិថិជនរបស់គម្រោង។ ជាក់ស្តែង គម្រោងមានភ្ជាប់បណ្តាញរថយន្តក្រុងសាធារណៈរបស់រដ្ឋ និងការផ្គត់ផ្គង់ទឹកស្អាតរបស់រដ្ឋករទឹកស្វ័យតក្រុងភ្នំពេញ ចូលដល់ក្នុងទីតាំងគម្រោងតែម្តង។ រីឯតម្លៃផ្ទះវិញ គឺក្រុមហ៊ុននៅតែផ្តល់ជូននូវតម្លៃពិសេសជាង ៣០,០០០ ដុល្លារអាមេរិកប៉ុណ្ណោះ ដោយផ្តល់លក្ខខណ្ឌបង់ប្រាក់ត្រឹម $៣៧៦ អាចចូលរស់នៅបាន និងបង់ប្រចាំខែតែ $១៨៨ អត់ការប្រាក់រហូតដល់ ៣០ ខែ។ ហើយអ្វីដែលកាន់តែពិសេសនោះ រាល់អតិថិជនដែលបានសម្រេចចិត្តទិញនៅក្នុងឱកាសបើកសម្ភោធការិយាល័យ និងម៉ូតផ្ទះគម្រូថ្មីនេះខាងមុខនេះ អតិថិជនអាចទទួលការចាប់រង្វាន់និងផ្តល់ជូនពិសេសៗជាច្រើនពីគម្រោង និងអាចចូលរស់នៅបានភ្លាមៗតែម្តង ។
ទន្ទឹមនឹងនេះដែរ ដើម្បីជាការអបអរសាទរដល់ការសម្ពោធការិយាល័លលក់និងផ្ទះគំរូថ្មី ដែលនឹងប្រព្រឹត្តទៅនៅថ្ងៃទី ២៣ ២៤ និង២៥ ខែឧសភា ឆ្នាំ២០២៥ ខាងមុខនេះ គម្រោងលំនៅឋានទីក្រុងរណបសិរីមង្គល មានផ្តល់ជូនប្រម៉ូសិនពិសេសមិនធ្លាប់មានសម្រាប់អតិថិជនដែលកំពុងស្វែងរកទិញលំនៅឋានសម្រាប់រស់នៅ ដោយបញ្ចុះតម្លៃរហូតដល់១ម៉ឺនដុល្លារអាមេរិក ភ្លាមៗ ។
គួរបញ្ជាក់ថា កន្លងមកឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ធ្លាប់បានលើកឡើងថា ឯកឧត្តមចង់ឃើញក្រុមហ៊ុនអភិវឌ្ឍន៍លំនៅឋាននៅកម្ពុជា សាងសង់ផ្ទះដែលមានតម្លៃសមរម្យសម្រាប់ពលរដ្ឋដែលមានប្រាក់ចំណូលទាប និងមធ្យម ជាពិសេសមន្ត្រីរាជការ អាចមានលទ្ធភាពទិញសម្រាប់ស្នាក់នៅបាន ។
ឯកឧត្តមបានបញ្ជាក់ថា តាមពិតទៅទីផ្សារលំនៅឋាននៅកម្ពុជា នៅតែមានឱកាសនិងមានតម្រូវការ បើសិនជាអ្នកអភិវឌ្ឍន៍លំនៅឋានគាត់សង់ផ្ទះដែលជាតម្រូវការជាក់ស្ដែងរបស់ពលរដ្ឋ តែបើសិនជាអ្នកអភិវឌ្ឍន៍លំនៅឋានគាត់សង់តែផ្ទះដែលមានតម្លៃខ្ពស់ ពេលនោះពលរដ្ឋអត់មានលទ្ធភាពធ្វើឱ្យផ្ទះដែលសង់ហើយអត់មានអ្នករស់នៅដដែល ដូច្នេះឯកឧត្តមក៏បានលើកទឹកចិត្តឱ្យងាកមកអភិវឌ្ឍន៍លំនៅឋឋានតម្លៃសមរម្យសម្រាប់ផ្ដល់ជូនអតិថិជនវិញ ៕
Account
Security
Favourite Content