សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អភិបាលនៃគណៈអភិបាលរាជធានីភ្នំពេញ ថ្លែងឱ្យដឹងក្នុងពិធីបើកសន្និបាត បូកសរុបលទ្ធផលការងារ ប្រចាំឆ្នាំ២០២១ និងលើកទិសដៅ ការងារឆ្នាំ២០២២ ថា នៅក្នុងឆ្នាំ២០២១ រដ្ឋបាលរាជធានី បានពិនិត្យផ្តល់យោបល់លើប្លង់ស្នើសុំលិខិតអនុញ្ញាតសាងសង់ ចំនួន ១ ០៥០ គម្រោង លើផ្ទៃក្រឡាសំណង់ សរុបជាង ៤,៦៣ លានម៉ែត្រក្រឡា ដែលមានទំហំទុនវិនិយោគប៉ាន់ស្មានជាង ២,២៦ពាន់ លានដុល្លារអាមេរិក ។
ឯកឧត្តម ឃួង ស្រេង អភិបាលរាជធានីភ្នំពេញ បានមានប្រសាសន៍ថា គិតត្រឹមដំណាច់ឆ្នាំ២០២១ នៅរាជធានីភ្នំពេញមានសំណង់បុរី-បណ្ដុំផ្ទះល្វែងចំនួន ៣១០ កន្លែង អគារខ្ពស់ៗចាប់ពីប្រាំជាន់ឡើងទៅមានចំនួន ១ ៦០៣ អគារ និងបានពិនិត្យលើប្លង់ស្នើសុំលិខិតអនុញ្ញាតសាងសង់ ចំនួន ចំនួន ១ ០៥០ គម្រោង លើផ្ទៃក្រឡាជាង ៤,៦៣ លានម៉ែត្រក្រឡា ក្នុងទំហំទុនវិនិយោគ ប៉ាន់ស្មានជាង ២,២៦ ពាន់ លានដុល្លារអាមេរិក ដោយក្នុងនោះ សំណង់អគារខ្ពស់ៗចាប់ពី៥ជាន់ឡើងទៅមានចំនួន ១ ៦០៣ អគារ និងសំណង់បុរី-បណ្ដុំផ្ទះល្វែង ចំនួន ៣១០ កន្លែង ។
ឯកឧត្តម បានលើកឡើងដែរថា ចំពោះចំនួនអាជីវកម្មដ្ឋាន ក៏មិនមានការថយចុះទេ រោងចក្រវិនិយោគ ចំនួន ៧៥៤ រោងចក្រ និងឧស្សាហកម្មធុនតូច និងសិប្បកម្មមានចំនួន ៥ ១៧៤ មូលដ្ឋាន មានតម្លៃប៉ាន់ស្មានផលិតផលសរុប ២ ០៥០ ពាន់លានដុល្លារអាមេរិក និងបានផ្តល់ការងារដល់កម្មករ-កម្មការិនីចំនួន ៦៣១ ៥៦៧ នាក់។
ឯកឧត្តម ឃួង ស្រេង បានបន្តទៀតថាៈ រដ្ឋបាលរាជធានីភ្នំពេញ បានយកចិត្តទុកដាក់ អនុវត្តកម្មវិធីវិនិយោគ ៣ឆ្នាំរំកិល ២០២១-២០២៣ ក្នុងនោះ គម្រោងសកម្មភាពរបស់រដ្ឋបាលរាជធានីភ្នំពេញចំនួន ១៤២ គម្រោង, គម្រោងសកម្មភាពរបស់រដ្ឋបាល ខណ្ឌ-សង្កាត់ ចំនួន ៤២៣ គម្រោង និងគម្រោងសកម្មភាពរបស់មន្ទីរ-អង្គភាព ចំនួន ១០៩ គម្រោង សរុបមានថវិកាគាំទ្រប្រមាណ ១ ៣៩៧ ៨៣៩,៣៤ លានរៀល បានផ្តល់សេវាសាធារណៈ ជូនប្រជាពលរដ្ឋ តាមរយៈអង្គភាពច្រកចេញ-ចូលតែមួយ រាជធានីភ្នំពេញ ចំនូន ៥៧ ៨១៩ សេវា ដែលជារួម គិតចាប់ពីពេលបើកដំណើរការ រហូតមកដល់ពេលនេះ អង្គភាពច្រកចេញ-ចូលតែមួយរាជធានីភ្នំពេញ បានផ្តល់សេវា ជូនប្រជាពលរដ្ឋ សរុបចំនួន ១៥៥ ៨២៨ សេវា ដោយទទួលបានចំណូល បង់ចូលថវិការដ្ឋ សរុបចំនូន ៤៤ ៣៦៨ ៥០១ ២៥០ រៀល គឺប្រមាណជាង ១១ លានដុល្លាអាមេរិក។
ជាមួយគ្នានេះដែរបានបើកការដ្ឋានស្ថាបនា ស្ពានអាកាសប្ញស្សីកែវ ស្ថិតតាមបណ្តោយផ្លូវជាតិលេខ ៥ ត្រង់ចំណុចប្រសព្ធផ្លូវលេខ ៣៦ និងស្ពានបេតុងអាម៉េខ្សែកាប ឆ្លងកាត់ទន្លេសាប ក្នុងភូមិសាស្ត្រខណ្ឌប្ញស្សីកែវ រាជធានីភ្នំពេញ ក្រោមអធិបតីភាពដ៏ខ្ពង់ខ្ពស់បំផុត សម្ដេចតេជោ នាយករដ្ឋមន្ត្រី។ បន្ថែមលើនេះរដ្ឋបាលរាជធានីបានបើកការដ្ឋានស្ថាបនា ផ្លូវបេតុង ១ ខ្សែ តភ្ជាប់ពីមហាវិថី ឈ្នះ-ឈ្នះ ទៅផ្លូវជាតិលេខ ៤២ មានប្រវែង ៦ ៤៩០ ម៉ែត្រ និងមានលំហទទឹងផ្លូវ ១២ ម៉ែត្រ ស្ថិតក្នុងភូមិសាស្ត្រ ខណ្ឌពោធិ៍សែនជ័យ ខណ្ឌកំបូល និងខណ្ឌព្រែកព្នៅ ព្រមទាំងកំពុងខិតខំជំរុញការសិក្សាគម្រោងស្ថាបនាហេដ្ឋារចនាសម្ព័ន្ធរូបវ័ន្តសំខាន់ៗជាច្រើនទៀតក្នុងរាជធានីភ្នំពេញ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាម៉េរិក កំណត់ពន្ធគយ ១០% លើទំនិញនាំចូលពីកម្ពុជា ប៉ុន្តែលើកលែងលើទំនិញគ្រាប់ស្វាយចន្ទី និងសម្លៀកបំពាក់
Top News, ព្រឹត្តិការណ៍, សេដ្ឋកិច្ច
• 24/07/2026
អាម៉េរិកសម្រេចកំណត់ពន្ធគយ ១០% លើទំនិញនាំចូលពីកម្ពុជាក្រោមមាត្រា៣០១ ប៉ុន្តែផ្តល់ការលើកលែងលើទំនិញគ្រាប់ស្វាយចន្ទី និងសម្លៀកបំពាក់
ឯកឧត្តម ឧបនាយករដ្ឋមន្ត្រី សាយ សំអាល់ ជំរុញឱ្យអាជ្ញាធរ និងសហគមន៍នេសាទនៅតំបន់ឆ្នេរ កែច្នៃសក្ដានុពលដែលមានស្រាប់ដើម្បីបង្កើនចំណូលគ្រួសារ
Top News, ព្រឹត្តិការណ៍, សេដ្ឋកិច្ច
• 23/07/2026
ឯកឧត្តម ឧបនាយករដ្ឋមន្ត្រី សាយ សំអាល់ ជំរុញឱ្យអាជ្ញាធរ និងសហគមន៍នេសាទនៅតំបន់ឆ្នេរ កែច្នៃសក្ដានុពលដែលមានស្រាប់ឱ្យមានលទ្ធភាព និងផលិតភាពខ្ពស់ ដើម្បីបង្កើនចំណូលគ្រួសារ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content