សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ផ្លូវល្បឿនលឿនដំបូងគេនៅកម្ពុជា ភ្នំពេញ-ក្រុងព្រះសីហនុ បានបើកដំណើរការសាកល្បងនៅថ្ងៃទី០១ ខែតុលា ឆ្នាំ២០២២នេះ ដោយក្នុងរយៈពេលមួយខែតុលានេះ ប្រជាពលរដ្ឋដែលបើកបរឆ្លងកាត់ផ្លូវល្បឿនលឿននេះ នឹងមិនចំណាយប្រាក់ក្នុងការបង់ថ្លៃធ្វើដំណើរនោះឡើយ។ ការដាក់ដំណើរការផ្លូវល្បឿនលឿនជាលើកដំបូងគេនេះគេជឿជាក់ថា នឹងជំរុញសកម្មភាពសេដ្ឋកិច្ចពាណិជ្ជកម្មក្នុងខេត្តព្រះសីហនុកាន់តែមានសន្ទុះបន្ថែមទៀត ។
នៅថ្ងៃទី០១ តុលា២០២២ ដែលជាថ្ងៃដំបូងនៃការបើកដំណើរការសាកល្បងផ្លូវល្បឿនលឿន មានយានយន្តឆ្លងកាត់ប្រមាណជិត៩ពាន់គ្រឿង ហើយនៅថ្ងៃទី០២ មានយានយន្តឆ្លងកាត់ប្រមាណ១ម៉ឺន៤ពាន់គ្រឿង និងបានកើនឡើងជាបន្តបន្ទាប់ទៀតពីមួយថ្ងៃទៅមួយថ្ងៃ។ កត្តាទាំងនេះនឹងធ្វើឱ្យតម្រូវការសេវាកម្មទេសចរណ៍នៅក្នុងខេត្តព្រះសីហនុនឹងមានកំណើនឡើងដូចជាបន្ទប់សណ្ឋាគារ ផ្ទះសំណាក់ អាហារដ្ឋាន និងកន្លែងកម្សាន្តនានាក្នុងខេត្ត ហើយអាជីវករ ម្ចាស់អាជីវកម្មនៅក្នុងខេត្តនេះក៏រំពឹងថានឹងទទួលបានប្រាក់ចំណូលបន្ថែមពីកំណើនភ្ញៀវទេសចរនៅក្នុងខេត្តព្រះសីហនុផងដែរ ។
លោក តាំង សុចិត្រគ្រឹះស្នា ប្រធានមន្ទីរទេសចរណ៍ខេត្តព្រះសីហនុបានប្រាប់ AMS តាមទូរសព្ទឱ្យដឹងថា ជាការពិតក្នុងរយៈពេលប៉ុន្មានថ្ងៃកន្លងមកនេះ ជាពិសេសនៅថ្ងៃចុងសប្ដាហ៍កន្លងទៅឃើញថាចំនួនភ្ញៀវទេសចរចូលមកកាន់ខេត្តព្រះសីហនុមានចំនួនច្រើនបើធៀបនឹងសប្ដាហ៍មុនដែលជាថ្ងៃបុណ្យភ្ជុំបិណ្ឌផងដែរនោះ ។
លោកបន្តថា ៖
“កត្តាទាំងនេះគឺដោយសារតែផ្លូវល្បឿលឿនដំបូងរបស់យើងបានបើកដំណើរការ ហើយប្រជាពលរដ្ឋពីបណ្ដាខេត្ត និងពីភ្នំពេញសាកល្បងបើកបរលើផ្លូវល្បឿនលឿន ហើយក៏ហួសមកលេងខេត្តព្រះសីហនុ ដែលធ្វើឱ្យរមណីយដ្ឋាននានា ជាពិសេសនៅឆ្នេរសមុទ្រនៃខេត្តព្រះសីហនុមានភ្ញៀវទេសចរយ៉ាងច្រើន ។ ក្នុងនោះផងដែរ អាជីវករក្នុងខេត្តព្រះសីហនុក៏បានត្រៀមខ្លួនក្នុងការស្វាគមន៍ភ្ញៀវមកលេងកម្សាន្ត ហើយនឹងធ្វើឱ្យអាជីវករទទួលបាននូវប្រាក់ចំណូលបន្ថែមឡើងវិញកាន់តែច្រើនផងដែរ”
ជាមួយនឹងការលើកឡើងខាងលើនេះ លោកក៏រំពឹងផងដែរថា នៅពេលបន្តបន្ទាប់ទៅទៀតភ្ញៀវទេសចរនឹងមកកាន់ខេត្តព្រះសីហនុនឹងកាន់តែមានចំនួនច្រើនឡើង ក្រោយពេលដែលប្រជាពលរដ្ឋ ក៏ដូចជាទេសចរស្គាល់ផ្លូវល្បឿលឿនលើកដំបូងគេរបស់កម្ពុជានេះកាន់តែច្រើន ។
សូមរំលឹកផងដែរថា កាលពីពេលកន្លងទៅនេះ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនធ្លាប់បានលើកឡើងថា ផ្លូវល្បឿនលឿនមិនថាល្បឿនលឿនភ្នំពេញ-ក្រុងព្រះសីហនុ ឬគម្រោងផ្លូវល្បឿនលឿន ភ្នំពេញ-បាវិត នោះទេ គឺនឹងក្លាយជាផ្លូវតភ្ជាប់ប៉ូលសេដ្ឋកិច្ចដ៏សំខាន់រវាងភ្នំពេញ និងគោលដៅនៃផ្លូវល្បឿនលឿននោះ ជាក់ស្ដែងផ្លូវល្បឿនលឿនភ្នំពេញ-ក្រុងព្រះសីហនុ បានតភ្ជាប់ប៉ូលសេដ្ឋកិច្ចរវាងភ្នំពេញ និងក្រុងព្រះសីហនុ ហើយនឹងជំរុញឱ្យមានការវិនិយោគបន្ថែមនៅក្នុងខេត្តព្រះសីហនុ ក៏ដូចជាទាក់ទាញទេសចរទៅកាន់ខេត្តមួយនេះកាន់តែច្រើនឡើងផងដែរ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រយៈពេល១៣ឆ្នាំ ពន្ធដារបង្កើនការប្រមូលចំណូលពីជាង ៧០០លានដុល្លារ ដល់ ៣,៥៧ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/05/2026
ក្នុងរយៈពេល១៣ឆ្នាំកន្លងមកនេះ ពន្ធដារ បានបង្កើនការប្រមូលចំណូលពីប្រមាណជាង៧០០លានដុល្លារអាម៉េរិក ដល់ជាង ៣,៥៧ពាន់លានដុល្លារអាម៉េរិក ដោយបានរួមចំណែកដល់ការកសាងសេដ្ឋកិច្ចកម្ពុជាឱ្យកាន់តែរីកចម្រើនឡើង
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ភ្នំពេញ មានទំហំ GDP ខ្ពស់ជាងគេបង្អស់ ដោយអំណាចប្រជាជនច្រើន និងចរន្តសេដ្ឋកិច្ចខ្លាំង
រយៈពេល ២ ឆ្នាំ រដ្ឋាភិបាល សម្រេចផ្តល់គោលការណ៍លើកទឹកចិត្តដល់គម្រោងជាង ៤៦០ គម្រោងក្រោមទុនវិនិយោគជាង ៨ ពាន់លានដុល្លារ នៅខេត្តព្រះសីហនុ
Account
Security
Favourite Content